ان صار زود المال بيدين الانذال

{ ان صار زود المال بيدين الانذال .. ~ }



إن صار زود المال بيديـن الانـذال حنّـا مـن المعـروف تنـدا يدينـا

وان كانهم شرهوا على طيب الافعال حنّـا وردنـا جمامهـا وارتويـنـا

وان فكّروا للجـود يمشـون رحّـال حنّـا قبـل يمشـون يّمـه خطيـنـا

يا ما لبسنـا للشـرف كـل سربـال وعلـى البسيطـة للفضيلـة مشينـا

في دوحة العربا لنـا مجـد وظـلال وحنّـا علـى در المكـارم غذيـنـا

لو نجمع اللي فات منـا مـن المـال ان كـان شيدنـا القصـور وبنيـنـا

نعطي ولا نتبـع عطانـا بالاقـوال ونبـذل ونسكـت كننـا مـا عطينـا

وان باعوا الشيمـة بدينـار وريـال حنـا دخلنـا سوقـهـا واشتريـنـا

نطلع لها لو هي على روس الاقـذال لو هو عسيـر ٍ دربهـا مـا انثنينـا

بافعالنـا نرسـم دروب ٍ للاجـيـال الـي نساهـا غيرنـا مـا نسيـنـا

أسـود سـادات ٍ تسجـل للاشبـال فضايـل ٍ شمنـا لـهـا واهتديـنـا

بيض ٍ نسجلهـن جديـدات وسمـال حفـايـظ ٍ لاحفـادنـا اللاحقـيـنـا

نصبر على الشّدات لو شيلنـا مـال لـو سـال دم دفوفنـا مـا شكيـنـا

نخـاف يلقـى سدنـا كـل خـتّـال ويبنـي هزيـلات المعانـي علينـا

الليل يا خالـد علـى والـدك طـال وهنّيـت نـاس ٍ بالـكـرا نايميـنـا

يا عز راسي شفت ما خبـث البـال شـي ٍ يهـوّل شـيّـب الجاهليـنـا

شي ٍ من اسبابـه يشيـب بالاطفـال فطّـر خشـوم مهجرعـات الحنينـا

أديـر قـالات ٍ عريضـات وطـوال قـالات خـلـنّ المخـفـىّ يبيـنـا

منهن رزين العقـل بالوقـت يهتـال بوقـت ٍ عبـوس ٍ فطّـن الغافليـنـا

وقت ٍ من اسبابه شكى كـل ريبـال نصبـر ونسكـت كنـنـا غايبيـنـا

النـاس بالأيـام راحــل ونّــزال وتفجعهـم الدنيـا وهــم دالهيـنـا

وحيـات رب ٍ نـزل آيـات الانفـال عـالـم خفـايـا نـيـة الحاقديـنـا

ما اترك طريق العدل في كل الاحوال لـو يرحـل المـريـخ للفرقديـنـا

الامير الراحل :- محمد بن احمد السديري

 

 

 

 

ان صار زود المال بيدين الانذال= حنا من المعروف تندا يدينا
الله يرحم روحه ويسكنه فسيح جناته
معناه هو صاحب معروف تقديره عشان فعله وليسى عشان ماله هذا الرجوله وهذا الطيب الحقيقي

 

 

 

 

بدر الشمال..

شاكره لك كل الشكر لروعة طرحك
قصيده رااائعه وجميييييله
صح لسان من قالها وتسلم يمين من نقلها
مشكور وماتقصر اخوي
لك ودي واحترامي..

 

 

 

 

بدر الشمال
مشكورعلى الطرح المميزوابداعك الدام
تقبل مروري

 

 

 

 

رحيل الجديع

شكرآ لمرورك وردك

 

 

 

 

سحر الغرام
شاكر لكِ جميل المرور وروعة التواجد

لكِ تحيتي وتقديري

 

 

 

 

كرم الخليل

شاكر لك جميل المرور وروعة التواجد

لك تحيتي وتقديري

 

 

 

 

رحم الله الأمير محمد الأحمد السديري
من روائع قصائده الجميله
بها من الحكم والنصح الكثير والكثير
تسلم بدر الابداع على هذا النقل
تقبل مروري

 

 

 

 

مسفر الكثيري

شاكر لك هذا الرد المميز

والمرور الطيب

لك تحيتي وتقديري