خوالي الفدعان (صالح الخمشي)

قصيدة صالح فيحان الخمشي في عرس فهد عبدالله حضيري
يمدح الفدعان ويخص خواله الروس



خوالي الفداعان

ألا يـاقـافي الليلة تـــــــرجـل وانــزل الميــــدان
ترجل وأكرب حزام الجزل وانزل على شـــــــاني
ترى الميدان فيه سباع .. وذيابه .. عدا الفرسان
وأنـــــا ادري يــاقــوي البأس لك هيبة سليماني
وأنــا بقولهـا لك يــــــــاقصيدي بالفــم المليـــان
ترى الليلة صداهـــــا غير ... وحتى جوهـــا ثاني
إذا مــــــا ترفع الرأس القصــايد والبيوت سمــان
لي الله عن ردى الهزلة ... قبل هالناس تشناني
وأنا مــاجبتك نهابه .. ورثتك من ضنـا سليمــــان
ولا فيهــا مـلامــة لفتخــــــرت بــورث جــدانـــي
أبيك تســــــوق جــزل الطيبــة وتــرجح الميـزان
وعسى الله يـرحم اللي في علوم الطيب رباني
تحيزم واســــلم وسلم على رجال رفيعة شـان
رجـــال لـو بعد أفعـــالهــا بالشــــعر .. ممداني
ترى قـدامــك رجــال لها بالمرجــلــة عنــــــوان
رجــال صيتهــا ذايــــع بليـــا مــــدح قيفــــــاني
وش اكبر من شرف شاعر وقف قدامه الفدعان
يحق له ايتنومس حتى لـــو ماهـــو بفدعـــاني
تحيزم ياقصيدي واســـــتعن بالـــواحد الديـــان
وسق مني ســـلام منبعه من نزف شـــرياني
سلام فيه من قدر الشيوخ وهيبة الســــلطان
يسوقــه بالقصـايــــد ذيب أمعط ماهـو إهداني
هلا يامرحبا والمرحبـــــة فيها غـــلات إخـــوان
هــــلا حياكم الله في حفل واحد من إخوانــي
وألا يامرحبــــا ترحيبـــه فيهــا قــــدر ويـــــلان
أوردها عليكم بالقصيد باســــــــــم (أبو ثاني)
أبــو ثاني يقــــول الله يحيكـــم على مـــاكــان
وكلفني أسوق المرحبة باســــمه وصــــــاني
عداه العيب..راعي الطيب..محشوم عن النقصان
أنا لي الشـــرف لو جيت باســمه للحفل عاني
لبس بشت المراجل من صغر ســنه ألين الآن
ويكفيه الفخر (عبدالله حضيري) شــــميلانـي
وأنا ممدح رجل عادي ...إذا ماهو يقال حصان
أنا شاعر ولو زليت .. تحسب زلة لســــــاني
وأبو ثاني رجل صيته وصل يم أكثر العربــــان
وصيته ذاع بالفزعـــة وهذا الصيت كفـــــاني
ولا ارجي من ورى مدحي لعبدالله فضل وإحسان
أظن الشك زايل .. ولا أنا مرتاح وجـــــــداني
ولا لي بالشعر غاية وأنا صالح ولـــــد فيحان
أنا ربعي هل الجدعا فخر والخال فدعــــاني
خوالي والشعر لاغر عنهم شاعره خسران
ولو ممدح خوالي بالشـــــعر مابيه يبــلاني
خوالي روس .. فوق الروس.. حد الموس للعدوان
خوالي روس.. عز نفوس .. من قاصي ومن داني
خوالي روس .. ماخلقت لجل تخضع وتنهان
رجال ماخلقها الله عبث ... ولا العمر فاني
خلقها لأجل غاية .. وغاية خلقها برهــــان
خلقها تلطم العايل قفى ... وتزبن الجاني
خوالي هم مقابيس الوغى لا ثور الدخـان
هم حزامي إلى شانت علي وجيه عدواني
ولا اكبر من شرف شاعر وقف قدامه الفدعان
يحق له يتنومس حتى لو ماهو بفدعاني

صالح فيحان الخمشي

 

 

 

 

بيض الله وجهك اخوي ابوفهد اشهد انك جبت قصيده في قمة الجزاله لشاعر مميز في قوة حبكه وسبكه للابيات

كل الشكر

 

 

 

 

ابو فهد..

شاكره لككل الشكر لنقلك الراائع
قصيده قمه بالروعه والجمال
وصح السااان شاعرنا صالح الخمشي
يعطيك العافيه اخوي
لك ودي واحترامي..

 

 

 

 

ابو فهد

الله يعطيك العافيه على المجهوود الرائع

وصح لسان شاعرنا صالح الخمشي

وابو ثاني يستاهل كل خير


وتقبل ودي واحترامي

 

 

 

 

ابوفهد

تسلم اخوي على هالقصيده الطيبه وصح لسان الشاعر

صالح فيحان الخمشي ويستاهل ابو ثاني هالقصيده الجزله

مشكور اخوي ابو فهد وتسلم اناملك تقبل مروري وودي وتقديري

 

 

 

 

صح لسان الشاعر

قصيده رووووووووووعه وجزله

وصح ذوقك يالغلا

 

 

 

 

ابو فهد
تسلم ويسلم راس عود جابك على رفعة اختيارك
وصح الله لسان الشاعر على هذه القصيده التي يفخر بها بخواله
وانا والله ما الومه ولا اقول له الا من حقك تفخر بهم لأنهم يتميزون
بالخصال الحميده والسجايا الطيبه والألقاب المشهور التي قل ماحازت عليها قبيله وهذا ليس تقليل بشأن القبايل الأخرى وكل دون عانيه واكيد لهم من المجد والفخر الكثير لكن انا هنا اوضح لماذا يفخر الشاعر بخواله
لله دركم من ويلان ودام مجدكم وشموخكم لا عدمناكم
اخوكم الفقير لله (مسفر بن عايض الكثيري)

 

 

 

 

ابو فهد صح السان شاعرنا وماقصرت بيض الله وجهك شـكــ وبارك الله فيك ـــرا لك ... لك مني أجمل تحية .

 

 

 

 

بيض الله وجهك اخوي ابوفهد اشهد انك جبت قصيده في قمة الجزاله لشاعر مميز في قوة حبكه وسبكه للابيات

كل الشكر
تقبل مروري اخوك
فيصل ربيع

 

 

 

 

اخي صالح ماهي كثيره منك واشكرك على قصيدتك المعبره عن صدق مشاعرك المخلصه نحو خوالك وقبل اقول خوالك فا انت واحد منهم **خوالي هم مقابيس الوغى لا ثور الدخان=هم حزامي الى شانت علي وجيه عدواني