لاقلت عبدالله وقيل ابوثاني

16-09-2008, 06:51 AM


	بسم الله الرحمن الرحيم (إهداء خاص ) بكل معاني الفخر والأعتزاز أهدي هذه القصيده إلى ابن العم العزيز عبدالله حضيري العبيسي الفدعاني العنزي ابو ثاني_صاحب المواقف المشرفه سلمه الله

قالوا تذكر وقت شهر رمضاني=لو تتصل بفلان وفلان وفلان
الوقت حتم والفخربالمعاني=شف لك كريمٍ بالمهمات مزبان
قلت اسمعوا قولٍ بديته علاني=بأوفى الوفاقلته بتأكيد وأعلان
ماسند الموضوع لأدنى الدواني=ولأقصى القواصي دون خصرٍ وحقران
أسند على المنعور طلق اليماني=شهمٍ مجرب نال مدحه بوكدان
إن قيل منهو قلت عرِب المجاني=يقدم على الطولات في كل الأحيان
لاقلت عبدالله وقيل أبوثاني=كل يقول ونعم والنعم نيشان
نسل العبيسي عز من جاه عاني=وفعل العباسا من قديمات الأزمان
يفداه هلباج الرجال الهداني=اللي ليا سموه ينقال كوبان
أقولها يوم إمتداحه دعاني=وكم مرةٍوضحتها وسط ديوان
نال الثنا بالطيب سر وعلاني=عزالله إنه نالها طير حوران
كم كم ضيوف وعززعواني=ياعنك ماقدًم عذورٍ وحلفان
تفخر به ربوعه بفعل ومكاني=لاحتم الواجب وذكرالفخر بان
من عزوةٍتاريخهم ماخفاني=ولاخفاأهل الضمايروالإحسان
شميلات شاهدهم قديم الزماني=وتاريخ حاضرهم دليلٍ وبرهان
وأكبر دليل أسندت لك ياأبوثاني=من بد كل الناس يوم اللزم حان