سو نفسك مادريت وادخل

اولا : السلام عليكم
ثانياً : تو خطرت هالفكرة على بالي وهي وش اكثر بيت اذا سمعته او قريته
او خطر على بالك ورددته يأثر فيك.........او اعجبك أو اضحكك أو انت كتبته وتفتخر فيه
ياريت الكل يشارك بأي شي يقدر عليه
وانا اللي راح ابدأ...........وبكم بيت
أنا حزامك لا عوى الذيب للذيب ** وانا يمينك لارقص كل شيطان
-------------------------------------------------------------------
اقعد واشب النار واذكر وليفي **وبحجة الدخان ابكي على كيفـــــــــــــي
------------------------------------------------------------------
من زود حبك مايجي عيني النوم **ومن كثر مااسهر باعو اهلي فراشي
---------------------------------------------------------------------
أعرفه لا وصل كنه صقر من صفوة الويلان **يكش جلد السما أن شافت مخاليبه وهداته
------------------------------------------------------------------
كل مادعيت الله يجيبك زدتني ببعاد **رح الله لايردك يمكن الدعوات مقلوبه
-------------------------------------------------------------------
أحدن يلاعب حلو الاحلام لانام**وأحدن همومه بالسهر شاغلنه
------------------------------------------------------------------
رافق أصيلِ في زمانك يشاكيك ** لا شاف زلاتك عن الناس غطاك
------------------------------------------------------------------
ياصاحبي ماعاد تكفى تهز الرجاجيل ** دام بنت المراقص هزت اطيور شلوى
-----------------------------------------------------------------
ما يخلي حالة الرجال حاله ** غير بنتٍ في مواقفها رجوله
----------------------------------------------------------------

 

 

 

 

الله يعطيك العافيه ع الموضوع الرائع

وأنا أعجبني البيت هذا
ياصاحبي لا تقعد اتلف واتدور><الطير وشهو ؟ لو كسرنا جناحه
منت بمعي يابن الاجاويد مجبور><من راح مني سمّح الله مراحه

 

 

 

 

ما قصرت اخوي عبدالله على الموضوع الجميل
انا تعجبني هالابيات
واعزتي للي حلاله بعيرين *** لا وازه الديان ياخذ حديهن
احدن ينام وعنده الي يضمه *** واحدن ينام وضم همن على هم

 

 

 

 

ابو تركي وين الابيات

 

 

 

 

يمكن يضيع الشــــوق في داخل إنســــــان***ويمكن يضيع إنســــان من كثرة الشـــــــوق

وكم خافق من حرقة الشـــوق ظميـــــــان***ما كن له حس ونبضـــــات وعــــــروق


تقبل تحياتي اخوي عبدالله

 

 

 

 

يعطيكم الف عافيه على مروركم الكريم واتمنى مشاركة جميع اخوانا واخواتنا في المنتدى

 

 

 

 

انااللذي من معهدالحزن خريج=غفلت عن رمح الزمان وطعني



الموت حق وكل نفس تذوقه=ميرالبلامن ذاق موته ولامات

 

 

 

 

ماني مجازيك في صدك وهجرانك ___ ودعتـك الله وتلقـــى واحد ثانـــي
اتعبت الاعيان والاقدار من شانك ___ وانت ولا شي سويته على شاني



دمتم بود

 

 

 

 

أبو فيصل
موضوعك وطرحك في غاية الروعة
أتمنى حقيقة من الجميع المشاركة حتى يصبح لدينا
كم هائل من الأبيات الشاردة واليتيمة
البيت الذي أعجبني:
رح للقمر وافرش على سطحه بساط **** وخل الحثالة لو بها خير ترقى

 

 

 

 

لا ترفعين الثوب الأسود عن الساق---خليه يحجب بارقه عن عيوني