ليل الخميس / محمد العريعر

محمد العريعر
.
ليلة خميس ..
وكانت أحلا
أحلا ليلات الخميس
وشاعرك عنده ونيس ...
...

قالن وأنا أدري بعد شوفك تغنن ++ وهناك مابين المواعيد ساري

فيك القصايد مسرجات وتعنن ++ وأطلقت حرف عنانهن عند ثاري

راحن عليك وعوّدن لي وهنن ++ عليك يسرق شاعرك ألف طاري

كنت بحلاتك وأغنياتك تفنن ++ شمعك طرب ماتشعله غير ناري

خضر الغصون مخصّرات وتثنن ++ وحدك مزار الأمسيات ومزاري

ماشرعن لكن من العشق سنن ++ كل القصايد عند زينك جواري

غنيت معهن يوم قالن وغنن ++ وتمايلت كل الدروب لمساري

ليل الخميس كفوف وصلك تحنن ++ ومواعدك صدفة ولا كنت داري

كل الفرص قبل ألتقي فيك منن ++ عطيتني أحلا وعد وأنت شاري

متسابقات ولاعن العطر كنن ++ خذني على مايعجبك لاتدراي

تعزف وتر وأوتار شاعرك رنن ++ لملم حكايات السهر وإختصاري

ماقلت لك لاصار تسهر تجنن ؟ ++ وأقمار ودك جاذبية مداري

كل الورود بعاطر الشوق بنن ++ وأثر النهر يغري إذا كان جاري

 

 

 

 

صالح العريف..

شاكره لك كل الشكر لطرحك الراائع اخوي
يعطيك ربي الف عافيه
لك ودي واحترامي..

 

 

 

 

صالح العريف

شاكر لك هذا النقل والشاعر ابو بسام
شاعر مخضرم ومبدع بالإضافه لكونه اعلامي قدير

لك تحيتيوتقديري

 

 

 

 

صالح العريف شاكر لك جميع نقلك وصح لسانك ولسان من قايلها .. تقبل مروووري