قبل الغرام وقبل ما صير مغليك

قبل الغرام وقبل مااصير .. مغليك ! ! !

أعاهدك مااقول : غير ..(آمر وسمْ )
حتى لو إنك قلت : برحل .. وأخليك
بقول لك : تامر على ماتبي .. تمْ
رايح أكون إنسان .. يفهم مباديك
أشاركك بالضحك .. والحزن .. والهمْ
مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ
بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ
وإنْ جاك نوم .. رموش عيني .. تغطيك
غمض عيونك وسط عيني وثم .. نمْ
وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!
أبيك تسرقني .. لروعة مراسيك
وأموت بك موتة غريق ٍ .. وسط يمْ
أبيك تدرك يوم انا جيت أماشيك
قصدي تكون أقرب من .. الخال والعمْ
قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ
قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ
وأضيع في حبك .. ودافي أياديك
وأذوب باحضانك .. و كلمه من الفمْ
أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ
لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ

ممـــــــا رااااق لـــــــــــي

 

 

 

 

مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ
بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ

متواضع
شاكر لك روعة ورقي هذا النقل
قصيده جميله وبها من الأبداع الكثير
لك تحيتي وتقديري

 

 

 

 

الأخ بدر الشمال
شاكرلك هذا التواجد الطيب
وتقبل تحيتي وتقديري

 

 

 

 

متواضع..

شاكره لك كل الشكر لروعة طرحك وجماله
ابيااااات رااائعه وجميله
تسلم اناااملك على النقل
يعطيك ربي الف عافيه اخوي
لك ودي واحترامي..

 

 

 

 

الأخت سحر الغرام
شاكرلك هذا التواجد الطيب
وتقبلي تحيتي وتقديري