تخنقني العبره على صوت مبحوح

يا خوك همي هم وجروحي جـروح
وشولون ابنسـى والليالـي جروحـي

ضايق وانا من زايف الوقت مجروح
ومن لوعة الأيام عايـش بروحـي

ما ودي احكي عن همومي ولا ابوح
إلا لولي العـرش سـدي وبوحـي

تخنقني العبرة على صوت مبحـوح
وتذوب من حر المعاليـق روحـي

هذي المواجع احسبه يـوم وتـروح
أثر المواجع لا لفـت مـا تروحـي

حتى بنت في خافقي برج وسفـوح
عـن قمتـي ماسولفتلـك سفوحـي

والنوح من نوح اليمامه على الـدوح
محدن عرف ليه اليمامـه تنوحـي

مدري طرب وإلا من أحزانها تنوح
يا قيس قم ياقيس واصدح بدوحـي

قصه مثيره في جسدها نفـث روح
يا للعجب كم كنـت فيهـا لحوحـي

طفلن حياته لعب وصراخ ومـزوح
واليوم جد الجد مـا بـه مزوحـي

ارسم ولون صورتي لـون مفتـوح
وألقى غموضي في ملامح وضوحي

عجزت ابفهم قصتي درس مشـروح
غايه تبـدد فـي مداهـا طموحـي

كلي طلاسم غامضه بوحه مفضوح
واصد عن عين الفطين الفضوحـي

دقتني الايـام مسمـار فـي لـوح
لين ارتكز مسمارها وسـط لوحـي

دنيا ظلام وليـل مـا بيـح البـوح
والصبح في شمسه بخيل وشحوحـي

شفت الفرح في ساحة الحزن مذبوح
منظر كئيب بحالـة الـذل يوحـي

لا تسألوني ليه؟ وشلون ؟وشنـوح؟
حتى انا مدري ولا ابصر ولا أوحي

يا خوك همي هم وجروحي جـروح
وشلـون ألملـم بالليالـي جروحـي

 

 

 

 

متواضع..

شاكره لك كل الشكر لطرحك الراائع
ابياااات رااائعه وجميله
يعطيك ربي الف عافيه اخوي
لك ودي واحترامي..

 

 

 

 

يا خوك همي هم وجروحي جـروح
وشولون ابنسـى والليالـي جروحـي

متواضع
ابدعت بطرح هذه القصيدة الرائعه
دمت بعافية

 

 

 

 

الأخت سحر الغرام
شاكرلك هذا التواجد الطيب
وتقبلي تحياتي وتقديري

 

 

 

 

الأخ الشميلاني
الشكر والتقدير لك
للمرور والرد الطيبين
وتقبل تحياتي وإحترامي