قالو علامك ضايق البال محتاس

قالو علامك ضايق البال محتاس
قلـت البـلا باللي عيـوني تشـوفه

ولانـي معـقد كل ماقلت بقياس
هـذا هـو الـواقع ونقـراء حـروفه

اشوف لي نـاس تسـيد بلا ســاس
واصبح به الطيب كثير الحسوفه
#
سعود معزي العواجي
⚡⚡⚡⚡⚡⚡⚡⚡⚡
انت ذهب ما انت فضه ولا نحاس
(يالوايلي) ياللـي طيـبات اوصوفه

مقدارك(يابو ساجر) على العين والراس
وطيـبك شفـناه وكـل(ن) يشــوفه

من لابتــن لا ركبـوا على قب الافراس
تمشــي على الخـطر لـو زاد خـوفه

واعرف(ياسعـود)ترى الوضع حساس
نــاس ممحلـــه ونــاس(ن) مــريفه

وانت من اللي يكسب طيـبٍ ونوماس
وبعض (البشر) يالقرم شيفه وشيفه

وبعض(البشر) يمــال قصاف الانفاس
واقطع وليــف(ن) ما يخاوي ولـيفه
#
ابــن بدهــان
⚡⚡⚡⚡⚡⚡⚡
لا يا سعود الناس من مبطي اجناس
كــلـن عــلـى مــربـاه تــبـرز وصــوفـه

لــو قـالـو الـعـراف ذا سـاسه افـلاس
دايـــم كـــلام الـخـلق مــا بــه مـروفـه

يـبـقى الامـل مـوجود والـناس لـلناس
وكـلـن عـلـى مــا قـيـل عـنـده ظـروفـه

واخــذ الـنصيحه عـابره تـقعد الـراس
يــحـي الـعـظـام الــرم ربــي بـكـفوفه

يـــا كـــم ردي مــا يـعـديك الاتـعـاس
عــقـبـه حــصــان عــالـيـات شــفـوفـه

جــــده رحــــل لــكـن ثـنـاديـه يــبـاس
مـنـهـا شـلـيـل الـــدم مــحـدن يـعـوفه

الـطـيب وهـبه مـا تـبي راعـي نـعاس
والـلـي يـبـي الـطـولات يـشهر سـيوفه

لا لا يـضـيق الـبـال لا تــدرك الـيـاس
مـــن يــسـدي الـمـعـروف رد مـعـروفـه

نادر بن صبر العواجي