قصيدة الجمس والتهريب

19-12-2008, 10:14 PM

السلام عليكم ورحمة الله وبركاته
كيف حالكم جميعا
حي الله كلن بسمه
جبت لكم قصيده في الجمس والتهريب

يقول فيها

القلب كنه بالسكاكين يشعط &&& والروح مفجوجه كما فج صياح
ياتل قلبي تلة الجمس مع خط &&& وياصيح قلبي صيحة السير لاصاح
برمله قدامه تغاريز وهبط &&& شرار شكمانه تقل وضح سداح
عليه حمل بالشنابر يربط &&& ومهرب حمله غليون وسلاح
خايف على عمره وحمله مشتط &&& وان مسك راح الجمس وللي معه راح
ناظر وشاف الجمس في ايسره نط &&& خفر السواحل عندهم سلطة اكفاح
قالو توقف مير ماطاع عبط &&& زاح الونيت وروح الجمس وانزاح
بالثنين والثالث على الجمس يشحط &&& وان عطى طبلونه عط الجمس وارتاح
خفر السواحل كلمو قدمه نقط &&& مراكز صكة على كل الاجناح
الدرب قدمه يوم انه تورط &&& ماعاد يمديها مع الدرب مصفاح
صكوبها مع كل صوب وتلخبط &&& واطلق عليه النار مع كل الاشباح
مع بابه الايسر ضرب عرض وغبط &&& صوب وطاح طاح عنه متى طاح
كلبش وحط القيد في رجله حط &&& ودوه للتحقيق واسلوب الايظاح
عقب العصا والسجن والفرش والبط &&& دانوه بالترويج وافساد الارواح
وحكم عليه اعدام بالسيف الاسلط &&& وصدر قرار الحكم في بيض الالواح
تقسيم ميم ودال بالامر يضبط &&& وفي ساحة المذبح تولاه ذباحه
قدمه اشرط واقف قفوه اشرط &&& وجده نواح مثلها وجدي نواح
يعليك ياوجودي ياعنق انوط &&& اول صبرة وكمل الصبر وانباح
لو ان مخلوق على الصبر يغبط &&& لاكان صبري جابلي كل الارباح
نصيت من قرن على المتن ينشط &&& نكست لاشفته ولاظالمي لاح
ارض بياح ويكشف الجمس لاقط &&& الارض بتفضح ! واكثر الناس فضاح
ماذوق حلو النوم والجفن ماغط &&& سهران والله ماتهنيت بمراح

وسلالالالالالامتكم
وصح لسان الشاعر /عايد الذرفي الشمري

19-12-2008, 10:28 PM

عديم العديمي

خفر السواحل كلمو قدمه نقط &&& مراكز صكة على كل الاجناح
الدرب قدمه يوم انه تورط &&& ماعاد يمديها مع الدرب مصفاح

مشكووووووووور اخوووووووووووووي العزيز

على هذه القصيده الرائعه وصح لسان

الشاعر عايد الذرفي الشمري

تقبل مرووووووووووووووووووووري

تقبل مني خالص التحيه والتقدير