رجل ترزه بالمجالس مباديه

ياكثرهم .. لا قلت لك .. عرفة وجيه

وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه

ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه

ورجلٍ .. فلوسه بالمجالـس تـرزه

ورجلٍ .. يموت ولا يجيبون طاريـه

ورجل ٍ .. يجي طاريه في كل حزه

ورجلٍ يهزه .. بعض موقف ويشقيه

ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه

ورجلٍ .. كلام اعـداه .. مايستفـزه

ورجلٍ .. تلزه يعترف لك .. بخافيه

ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه

ورجلٍ .. يزعّل من يحاول ، يـوزه

ورجلٍ .. تكزه لا زم انك .. توصيه

ورجلٍ .. بليّا ما توصيـه .. كـزه

من لا فرش .. للمرجله .. ماتغطيـه

ومن لايخز .. الناس .. محدٍ يخـزه

ان كنت تعرفني فهي .. عرفة وجيه

مو شرط لك بالقلب قدر .. ومعـزه

( قصيدة خلف المشعان )

 

 

 

 

ورجلٍ .. ترزه بالمجالـس مباديـه

ورجلٍ .. فلوسه بالمجالـس تـرزه


صح لسان الشاعر خلف المشعان

يعطيك العافيه ع النقل الرائع والمميز
قصيدة في غاية الروووووووعه

 

 

 

 

صح لسانك يالوايلي

 

 

 

 

ورجلٍ .. تكزه لا زم انك .. توصيه

ورجلٍ .. بليّا ما توصيـه .. كـزه


اخوي ابو تركي صح لسانك على النقل الرائع والجميل

وصح لسان شاعرنا خلف المشعان

 

 

 

 

نقل موفق اخي ابو تركي

سلمت يمناك وصح لسان الشاعر خلف مشعان



دمت بعافيه

 

 

 

 

ابو تركي وين النشيد الوطني اللي بيني وبينك
مشكور على القصيدة الرائعه

 

 

 

 

سلمت يمناك اخوي على النقل الرائع

وصح الله لسان الشاعر خللف المشعان


اتركك في رعاية الرحمن

 

 

 

 

ابو تركي

الله يعطيك العافيه

على النقل الجميل الذي

عجبني كثير

دمت على خير

 

 

 

 

تسلم ابو تركي على النقل الحلوووو

ويعطيك العافية..

 

 

 

 

ابو تركي

صح لسان الشاعر خلف مشعان

ومشكوررر على النقل الرائع والموفق

دمت بود