المكشاااااااات

--------------------------------------------------------------------------------

واهني اللـي تقـدم فـي اجـازه داخليـه

شهر من عرض الرصيد ولاتأثر في حسابه

قدم اوراقـه وسجلهـا ضـروره عائليـه

مايبي دوخـة دوام ولايبـي احد(ن)درابـه

من بدايـات الربيـع وبالمطـر لاواهنيـه

عادته يبهج خفوق(ن)لابتهج يكسـب ثوابـه

جهز العزبه بجمس شد حروات ضحويـه

والجماعه يحترونـه ومحفوفـه بالغرابـه

مالفى الا الجماعـه يحتونـه فـي مجيـه

جاهزين بالخيـام وكل(ن)محضـر زهابـه

لمتن فيهـا طبيعـي محـد يخلـي خويـه

كلهم واحد ولافي من يرفـع فـي جنابـه

حركوا يوم الله سهل وسلكوا درب سويـه

محتفيـن بلمتـن واللـي لفاهـم ياهلابـه

اربع جموس وجيب(ن)كنهم صفـة سريـه

اقطوا درب الخباري وهزعوا غربي هضابه

في فياض الله الوسيعه كلها بالحمـد ريـه

فيها من عشب لاونه ينسدح ورع(ن)غدابـه

والورود اللي تشكل كنهـا فـي مزهريـه

والعصافير تخالف وقتهـا لحـن وطرابـه

والخضار الي تقول مفصل بارض زوليـه

خلقة الله العظيـم وقدرتـه مهـي غرابـه

وقفوا كل المواتر وانزلـوا بـارض نديـه

والتفازع بيد وحـده ليـن تموهـا الذيابـه

ودون ماغاب الشفق تالـي زوال المغربيـه

الوتد مطقوق بارض لخيمتن مسـت طنابـه

يانديبي ماتشوف ان العرب بالعـون حيـه

يوم شبوا من حطـب نـار لهيبـه يقتدابـه

جلستن فيها تجمـع تسعـد العيـن الشقيـه

جهز اصغرهم ثلاثه في وصايفهـن تشابـه

من معاميل جلبهـا كيـف طنخـات بدويـه

تردع اللي ماعرف للمرجله صدر الرحابه

ركـد بنـار تاكـد مـن سناهـا مستويـه

فوق منها دلة فـارة علـى مـن رد بابـه

والقدوع منزلينـه فـي عـذوق السكريـه

والرذاذ اللي يرطب جلسه بنسمـة ضبابـه

والبريق اللي تفوح شيحـه ويركـد شويـه

جاهز لاشـك يتنـى لاتقهـووا دار مابـه

والقصايد لاتقهـووا والملاغـز والحزيـه

والعلوم اللي يونـس ليلهـا جـر الربابـه

ولاهدا وبل المخايل وارتوى القيعـان ميـه

جتها من فضل الكريم محملها سودا سحابه

ترعد ليا هل مـزن يغسـل أثـام الخطيـه

تبر ق وكن المطر فجر من الفرحه غيابـه

عزته كلما ذكرتـه وانـا موسـى ماتهيـه

لاني ماعندي اجازه الا كـان انهـا نهابـه

ينقضي كـل الربيـع ولاتجينـا الموسميـه

الا والرطوبه نتمنى فيها لو يومـن طلابـه

الاجازه ماتعـرف بهـا لرطوبـه اولويـه

من يشوف الصيف هذا زين مايرمي ثيابـه

قلت ابي اكتب قصيده والتقط صوره فوريه

واتبرد من هواها لونـي مـن اكـد ريابـه

المهـم انـي اغمـض واتنـاوش بندقيـه

من خيالي وابي ارمي من فشق ابو شبابـه

واتقنص على كيفى وامتطي فـوق المطيـه

واحضر الراعي واخلي تسرح بجنبه دوابه

ومستعد ارجع زمـان ماضيـن بالجاهليـه

والجسد يبقى مكاني وانا في عهد الصحابـه

بس من افتح عيوني وارجع امسحهن بيديـه

القى نفسي في مكاني وانقل احلامي كتابـه

ووووووووووووووووسلامتكم

 

 

 

 

الشميلاني موسى

مشكور على القصيده الرائعه والتي تحمل بين احرفها

الأشياء الجميله

لك الود

 

 

 

 

من بدايـات الربيـع وبالمطـر لاواهنيـه

عادته يبهج خفوق(ن)لابتهج يكسـب ثوابـه

جهز العزبه بجمس شد حروات ضحويـه

والجماعه يحترونـه ومحفوفـه بالغرابـه

مالفى الا الجماعـه يحتونـه فـي مجيـه

جاهزين بالخيـام وكل(ن)محضـر زهابـه

اخي الشميلاني موسى

قصيده جميله وراقيه وهي راحة النفس ومناها

دمت بعافيه وصح الله لسانك

 

 

 

 

إبداع

أشكرك أخي الغالي على هذه الرائعة الجديدة

وهذه الرحلة التي امتطيناها سوية

وانتعشنا بعبق ورودها وشيحها

رائعة جديدة ليست بغريبة على مبدع مثلك

 

 

 

 

الشميلاني موسى

اكتفي بالمرور فقط
وتسجيل شديد إعجابي بك يا رائع
بيض الله وجهك ولاهنت على الإبداع الراقي

في إنتظار قلمك المبدع والفذ

مودتي لك يا شاعر

 

 

 

 

شـكــ وبارك الله فيك ـــرا لك ... لك مني أجمل تحية .


صح لسانك يـــابــــو خالد

 

 

 

 

مشكوووووووووووووور على القصيدة الرائعة


صح لســــــانـــــــــك

 

 

 

 

قصيدة رائعة جداً من شخص اروع عذب الاحساس مرهف الكلمات
لافظ فوك اخي الشميلاني موسى

 

 

 

 

والله يا ابو خالد شهادتي فيك مجروحه وصح لسانك يالغالي

كل بيت اقراه اسرح بخيالي واتخيل الموقف عيشتني الجو

وانا وسط الرطوبه والمكيف ينفخ علي < < خلها على ربك بس

 

 

 

 

صح لسانك مبدعنا الجميل
اتحفتنا ونقلتنا الى عالم اخر يستحق ان الانسان يتغنى به
ونرجو من الله العلي القدير ان يرزقنا الله بالامطار والربيع
لك كل الشكر