من اختيارات بدر الشمال

خفـيـف الــدم يــا حـلــو الـدلاعــه ××أخـذت الحسـن وأكملـت انطباعـه
أبــادلــكـــم ودادي وانــطــبــاعــي ×× وتـرويـنــي صــــدود وامـتـنـاعــه

بــودي إن حـصـل يـــا ورد مـنـكـم ×× لقا الأرواح لو فـي العمـر ساعـة
بـكـم يــا بـهـجـة فـــوادي اتـهـنـى ×× ويــا نــور بـصـر يـزهـي شعـاعـه

أنــا مـــا تـصـدنـي عـــذال عـنـكـم ×× ولـو يونـي جماعـه مــع جمـاعـه
لا بـشـوفــكــم تــحــيــا حــيــاتـــي ×× ويـرتــد الـنـسـم عـقــب انـتـزاعـه

أصارحكـم وأبــي منـكـم صـراحـه ×× وهـــذا شـــيء واجـبـنـا اتـبـاعــه
اذا كـمـلـت لـــي مـطـلـوب قـلـبــي ×× بـوصــل دون غـيـبـه وانـقـطـاعـه

تـرانـي لــك ملـيـك طــول عـمـري ×× ولا اقبـل دونـكـم شـفـع وشفـاعـه
أنــا مــا أصــدق أن الـحـب يفـنـي ×× ولـكــن ضــــاع فــنــه بابـتـيـاعـه

تــــــلادوه الــبــرايــا بــالــدراهــم ×× مـن التعديـل صـاروا فـي ضياعـه
سـعـادة مــن يـريـد الـحــب يـبـنـي ×× وداده بـالـتـعــطــف والــقــنــاعــة

وصـنـع الـحـب مــا بـيـن الثنـيـنـه ×× كـمـا صـنـع المصـانـع للصنـاعـه
يـكـون بخـسـر واتـعــاب وكـلافــه ×× لحـتـي يـــذوق راعـيــه انتـفـاعـه

وأنـا وضـحـت لــك يـانـور عيـنـي ×× يا كيـف المجتمـع يبنـي اجتماعـه
ولا يـهــزم غـريــم الـحــب قـلـبــه ×× لان الـحــب يـبـغـي لــــه بــزاعــه

ويطـلـب حــب واخــلاص وتفـانـي ×× مــن القلبـيـن فــي بـــر وبـراعــه
إذا ضـرس الطمـع بيـكـون طـايـح ×× مــن الجنبـيـن مـقـلـوع انـقـلاعـه

يـكـون الـيـوم ذاك مــن الـسـعـاده ×× وفـيـه الـحــب يـسـمـو بارتـفـاعـه
أنـــا فـــي جـــو لـبـنـان الـمـغــذي ×× ولـكـن خـاطــري مـعـكـم رتـاعــه

عـديــل الـــروح يـــا زد الحـبـايـب ×× فــراقـــك زاد لــفـــواد الـتـيـاعــه
عـسـى الله مـــا يـكــدر كـــل مـنــا ×× لنـكـمـل مــــا بـنـيـنـا بـالـسـراعـه

وعسى أن رجاي فيك يكون وافي ×× لـيـنـتـج حـبـنــا حــلــو الــزراعــه
وجـنـي كـــل طـيــب مـــن ثـمــاره ×× ونـجـعـل ضـدنــا يـكـثـر صـراعــه
ونحـيـا بـيـن حـــب وجـــو هـــادي ×× بوصـل وإنـس مـن غيـر نقطـاعـه


محمد بن نعمان الكعبي

 

 

 

 

حب على عرش الضماير نقشيتيه -- ماعاد يمحي كود تمحي العظامي
ياللي بزينك كل زين قهرتيه -- الشمس تشهدلك وبدر التمامي
ومجعد فوق النواهد نقضتيه -- كنه على مجرى عبيرك وسامي
دكتورة للقلب لومارحمتيه -- شوفك علاج(ن)له وحلو الكلامي

لشاعر القرن الامير سعود بن محمد

 

 

 

 

قلي هلا واقول صبحـك بالخيـر .... قل مرحبا واقول ياروح روحـي

يا بـو ثمانـن بالمبيسـم مغاتيـر .... اغليك وانت اللي تسبب جروحي

جاوبت من فرقاك خلج على ضير ... . وناديت باسمك والمخاليق توحـي

حيثك هواي من البنـي الغناديـر ... . واليا عذلني واحدن قلت موحـي

اغليك ماطاوعت عـذال ومشيـر .... وحياة من مشا السفينـه بنوحـي

قلبي على لاماك يكفخ كما الطير .... ماعدلت روعات قلبـي فروحـي

ورجلي تزيد المشي يمك بتصخير .... ولا تعدت يـم غيـرك شبوحـي

وهموم قلبي منك ورد ومصاديـر .... اكن عبراتـي ودمعـي يفوحـي

وشجابني لولا ان هـذي مقاديـر .... الا انها كتبت بلوحـك ولوحـي


للشاعر // محمد السديري

 

 

 

 

يامعدي المرقاب خله لمشتاق
أنزل وخل معذب الـقــلـب يرقا
ياليت ربــي ماخلق حب وفراق
ولاخـلـق حب على غير فرقا
الشاعر /محمد السديري

 

 

 

 

الله مـن هـم بروحـي سهجهـا
= بخافي ضميري في كنين الحشا لاج

أحـر مـن نـار توقـد وهجهـا
= منها خطر روحي على سلك ديبـاج

وعين عسى المولى يعجل فرجهـا
= يفوح ناظرها كمـا عيـن هـداج

استرسلت للدمـع ممـا رهجهـا
= غيظ يكظ عبارهـا مثـل الأمـواج

كم واحـد لـه غايـة ما هرجهـا
= يكنها لـو هـو للأدنيـن محتـاج

يخاف من عوجـا طـوال عوجهـا
= هرجت قفا يركض بها كـل هـراج

يقضب عليك المخطيه من حججهـا
= حلو نباه وقلبه أسود من الصـاج

الله خلـق دنيـا وسـاع فججهـا
= وعن ما يريب القلب لك كم منهـاج

والرجل وإن شطت لياليـك سجهـا
= عسـى تواليهـا تبشـر بالأفـراج

لشاعر ... محمد بن أحمد السديري

 

 

 

 

وخذوا هاذي بعد
للشاعر بدر الحوايفي
اشوف بعض اصحابنا مايمرون
وانا الجفا من صاحبي مااستحقة
وعندي خبر عن غاية اللي يكنون
شافوا بحالي من جفا الوقت رقة
وانا من الهجران مانيب ممنون
ماجفاني رفيقي لوجفاني ماعقة
لو انهم عن غاية القلب يدرون
مروا علية ماعلية مشقة
لكن مع الدنيا واهلها يميلون
ويعطون راعي المال من فوق حقة
لو تنفع الدنيا نفع مال قارون
مالة وجاهة ماعدل وزن بقة
الدايم اللي بقدرتة كون الكون
ارسى الجبال ومجرى الانهار شقة
والادمي ماهو عن النقص مضمون
يفنى ويفنى المالجلة ودقة
عمر الفتى لو طال للحق مرهون
لايامن الديان بابة ويطقة
اتلا العهد لاقالوا فلان مدفون
والفوا علية من ارخص الخام شقة
ويقرا الكتاب اللي بة العبد مديون
والكل يحصد مابذر واستحقة

 

 

 

 

‏تدري وش اللي يتعب القلب والروح
‏انك تذووووق المر وتقول حالي
‏وتضحك ولا كنك مع القلب مجروح
‏من شأن ماتجرح لك انسان غالي
لصاحبها

 

 

 

 

‏تدري وش اللي يتعب القلب والروح
‏انك تذووووق المر وتقول حاليم…¤
‏وتضحك ولا كنك مع القلب مجروح
‏من شأن ماتجرح لك انسان غالي

منقول

 

 

 

 

‏من لا حسبني شي شفته ولا شي
‏واللي تعآظم قيمته مآ حسبناه
‏واعامل هل الزوم بالقاعده ذي
‏من لا يعدگ ذيب عده ( ولد شآه )

مما راق لي

 

 

 

 

‏يـاشـااري الدنيا مع الكبر باالهون
‏ واللہ ماتسـوى ورى الـموت ذرهہ
‏ يشقى بھا ابن ادم وتالـيہ مدفون
‏ القبر داارهہ وااللححد ممستقرهہ

اعجبتني