من اختيارات بدر الشمال

لحظه ترى ماجيت اقدم لك اعـذار
لحظه !! وبعدها سوي اللي تسوين


لحظه بصحِّح بيننا بعض الافكـار
وباقول لك حاجه قبـل ماتقوليـن


لا تحسبيني بنثر الدمـع أو انهـار
والا اترجى واطلبك ما تروحيـن


روحي عسى دربك بساتين وازهار
روحي وغيري بالمخاليـق تلقيـن


صحيح لك بالقلب حشمه ومقـدار
لكن شسوي لـك اذا مـا تحسيـن


لي قلب لامنه عشق حيـل مـدرار
ومن الغلا عنـدي يكفـي ملاييـن


بس إن لقى صد وجفى صار جبَّار
وأقدر افارق واهجـرك لاتخافيـن


يابنت انا لي عزتي وباخـذ الثـار
و انصحك لارحتى اصحي تنادين


ماني براجع لاتقولين وش صـار
لاتسأليني ليـه ؟ انتـي تعرفيـن


وانتي رصيدك بالغلا عندي اصفار
ماهو بذنبـي ماعرفتـي تحبيـن


وكل الذي لجلك كتبته من اشعـار
والله خسـاره فيـك ماتستحقيـن


حتى صورتك اللي من العام تذكار
بادوسها وانتـي قدامـي تشوفيـن


ياما عطيتك الـف إنـذار وانـذار
أقدر افارق قلـت لـك لاتحديـن


واليوم انا ليه اتعب النفس واحتـار
دامك جرحتينـي وكنتـي تسليـن


إن كنت حي ومن طويلين الاعمار
لجرح بدال الجرح تسعه وتسعيـن


والحين يالله خلي دموعك امطـار
وبضحك طول ما انتي تصيحيـن

 

 

 

 

ياهم ليتك يوم قفيت ماجيت
ليتك على وجهك مقفي ليالي

رجعت يوم اقفيت وشفيك ما بطيت
في غيبتك مرتاح بالحيل سالي

عزالله انك جيت يومك ترديت
خليتني اشكي على الناس حالي

ياما من اسبابك عن الناس قفيت
عزلت نفسي عن عمام وخوالي

وياما من اسبابك على الخد هليت
دمع العيون اللي على الخد سالي

وياما بكيت الليل كله وبكيت
من هو جنوب البيت ولا شمالي

وياما من الضيقات للجيب شقيت
وامشي وانا كني من العقل خالي

وياما من الضيقه عن البيت صديت
وازبن على المشراف واجلس الحالي

واقول في نفسي انا ويش سويت
وشفي زماني يا عرب ما صفالي

مامر يوم(ن) في حياتي تهنيت
طعم الفرح سعره على القلب غاآآآآلي

وياما وياما في حياتي تمنيت
يرجع لي اللي في حياتي مظالي

قلبي يعزيني وانا اليوم عزيت
فكرن عجز يلقى جواب السؤالي

 

 

 

 

ترحل وتحسبني لارحلت اقدر على النسيان..
وانا اللي لاطرا طاري رحيلك ضعت بشتاتـــي

دخيلك ،،بسألك لارحت منهو مننا الخسران..
أنا والاّ انت ؟،،جاوب قبل ماتكتب بي آهاتـــــي

أنا اللي من عرفتك والسما قوس وغلاك الوان..
وأرضي تعزف اهزوجة فرح لاجتْك خطواتي

وصوتك غيمة ٍ أحيت جفافي ، والوصل هتّان..
وحزن عمري يموت بضحكتك ياكل بسماتـــي

تعرف انك غلاي وراحتي ، وان التعب لابان..
يموت ان جيتلك ياللي هواك اجمل حكاياتـــــي

وتعرف اني على بساط انتظاري أجمع الأحزان..
واكبّلها اذا وصلك اخذني من متاهاتــــــــــي

انا من قبل اعرفك مالقيت لهالعمر عنوان..
سوى : حزن وأمل ضايع ،ويأسي هو مداراتــــــي

أنا من قبل اعرفك كنت اقول ان الغلا حقران..
واقول ان الهوى كذبه ،،قناعاتي كما الآتــــــي

قليل اللي صدق ،، واللي يخون بهالزمن كسبان..
كثير اللي يمرون ،،وقِناعاتي قناعاتـــــــــــي

وجيت وعرفت اني بحكمي كنت انا الغلطان..
وصرت انت القناعات ،،وحنيني وإتجاهاتــي

دخيلك ،،مابقى فيني شعور ٍ يحتمل خذلان
دخيلك لاتخليني أسير ليأس راياتـــــي ..

 

 

 

 

شعر مدح في الرسول عليه الصلاه والسلام

ألم تغتمض عيناك ليلة أرمدا

وبت كما بات السليم مسهدا

وما ذاك من عشق النساء وإنما

تناسيت قبل اليوم صحبة مهددا

ولكن أرى الدهر الذي هو خائن

إذا أصلحت كفاي عاد فأفسدا

كهولا وشبانا فقدت وثروة

فلله هذا الدهر كيف ترددا

وما زلت أبغي المال مذ أنا يافع

وليدا وكهلا حين شبت وأمردا

وأبتذل العيس المراقيل تغتلي

مسافة ما بين النجير فصرخدا

ألا أيهذا السائلي أين يممت

فإن لها في أهل يثرب موعدا

فإن تسألي عني فيا رب سائل

حفي عن الأعشى به حيث أصعدا

أجدت برجليها النجاء وراجعت

يداها خنافا لينا غير أحردا

وفيها إذا ما هجرت عجرفية

إذا خلت حرباء الظهيرة أصيدا

وآليت لا آوي لها من كلالة

ولا من حفى حتى تلاقي محمدا

متى ما تناخي عند باب ابن هاشم

تراحي وتلقي من فواضله ندى

نبيا يرى ما لا ترون وذكره

أغار لعمري في البلاد وأنجدا

له صدقات ما تغب ونائل

وليس عطاء اليوم مانعه غدا

أجدك لم تسمع وصاة محمد

نبي الإله حيث أوصى وأشهدا

إذا أنت لم ترحل بزاد من التقى

ولاقيت بعد الموت من قد تزودا

ندمت على أن لا تكون كمثله

فترصد للأمر الذي كان أرصدا

فإياك والميتات لا تقربنها

ولا تأخذن سهما حديدا لتفصدا

وذا النصب المنصوب لا تنسكنه

ولا تعبد الأوثان والله فاعبدا

ولا تقربن حرة كان سرها

عليك حراما فانكحن أو تأبدا

وذا الرحم القربى فلا تقطعنه

لعاقبة ولا الأسير المقيدا

وسبح على حين العشيات والضحى

ولا تحمد الشيطان والله فاحمدا

ولا تسخرا من بائس ذي ضرارة

ولا تحسبن المال للمرء مخلدا

 

 

 

 

أبــوس راسه..و أنـشـده ويــش لـونــه
...........................................مـحـبــ تــي لــه مــا وراهــا طــمــايـــع

و أقـدره..و اشــاركــه فــــــي حـــزونـــه
...........................................و أثـــره عـــدوٍ لـــي خـبـيـث الطـبـايـع

إكـحـل عـــدوك لـيــن تـعـمـي عـيـونـه
...........................................و إلبس له أغلى اللبس لو كنـت جايـع

لو عشت عمر "شعيب" و أنت بمهونه
...........................................ضايع..و ماتقضـي مــن العـمـر ضـايـع

و العـمـر يــوم يـغـامـر الـرجــل دونـــه
...........................................و أعـمـار غـيـرك مـثـل عـمـرك ودايــع

و إلـيـا لقـيـت أهــل الـدهــر يشتـكـونـه
.......................................... لا تشتـكـي وقـتـك عـلــى كـــل صـايــع



الرائـــع / الشاعر خلف هذال العتيبي..~

 

 

 

 

سألت النفس ليه الناس ذا حاسد وذا محسود
ووهاب الملا واحد وعدله سابق إحسانه
قسم بالعدل بين الخلق لا ضاهد ولا مضهود
وتفضيل الورى بالرزق من حقّه وذا شانه
بسط كفّه لبعض الناس وأغناهم عظيم الجود
وناسٍ حالهم مستور في ضفّه وسلطانه
مريح البال من يقنع بحظّه لو بكسرة عود
غني النفس ما همّه ثرى غيره وحرمانه
يعيش براحة الإيمان راضي والرضا محمود
قرير العين ما يغبط ولا كسرى بإيوانه
إلى ضاقت رفع طرفه وكفّه للسماء ممدود
ولا يجزع من أقداره وحكم الله وميزانه
ترى بعض العوز رحمه على العابد من المعبود
ومن يدري لعل القلب يحجب عنه نيرانه
وترى بعض الثرى شرٍ على الغافل ولا به فود
ولا يضمن ثري الحال عفو الله ورضوانه

للأمير خالد بن سعود الكبير

 

 

 

 

الـزمن لاصـار ضدك واحتوى درب المصايب
لاتــحـاول تـنـكـسرله لاتــزيـد الـطـيـن طـيـنه

لـلزمن حـكمه غـريبه تـحكم بـدرب الصعايب
ويا كثر من ضيع الفرصه وهي فرصه ثمينه

عـز نـفسك فـي زمـانك لا تـقول الـحظ خـايب
وسـق عمرك للمعالى واكسر النفس الحزينه

والـطريق الـلى تـشوفه يـرسم الـدنيا عجايب
مــد يــدك فــي طـريـقه لـيـن مـاتمسك يـمينه

والـرفيق ان طـال وقـته لا تـحاتى كل غايب
حـجـتـه دايـــم مـعـاه ولا تـقـول فــلان ويـنـه

ولا تـكابر بـالمصيبه لا حـكو باغلى الحبايب
قــول غـالـى وكــل غـالى تـكرم لـعينه مـدينه

والـبـلا واكـبـر مـصـيبه لا تـناسوك الـقرايب
وتـصبح الـدنيا ظـلام وتـصبح الـلحظه لعينه

وقـتـهـا لاعـــاد يـنـفـع لا عـتـاب ولا طـلايـب
والـزمن والـحظ الاقـشر الـعنه والـعن سنينه

 

 

 

 

علامك جيت ياقلبي وراجع خاطرك مكسور
أبد لاينكسر خاطرك دامه صاحبي جاير..

أبي تنسى مبادئنا وتنسى طبعنا المغرور
وأبي الحين ترجع له وقله يطلب ويآمر..

وإذا جت عينك بعينه..أبي تشهد شهادة زور
بأني مذنب ومخطي وقلبه ناسي وغافر..

وقله لااااا يخليني على حزني أبات شهور
لأن الموت اشوا لي وأنا من طبعي مااكابر..

ولايفكر يقول أنسى وغيري فالبشر مذكور
لأني ماخبر غيره..قسم بالله مو خابر..

أحس اللي خلق غيره خلق باقي البشر ديكور
وأحس الورد لاشمه يميل وينثني شاكر..

وربي هالبشر بعده هياكل والبيوت قبور
ولابه شي بالدنيا يجاري غيابه الكافر..

حبيبي يابعد كل الحبايب والزمان يدور
علامك ماتخاف الله تعال وشوفني..ناظر..

ترى قدرك بعيني صعب أحصره بغلا وشعور
أبي باصبعك تشر لي وأجيلك وقتها طاير..

ألا ياصاحبي القاسي بدونك هالحياة تغور
ألا ياسبة جروحي ألا ياحظي العاثر..

أحبك يامنى عمري وغيرك يمسك الطابور
أحبك يامولعني وأذوووب بصوتك الخاثر..

أنا من كثر ماأحبك أحس اني معك مسحور
فديتك خلني مسحور إذا تبقى لي الساحر..

تعال وخذني بكيفك قصيد ولو تبي جمهور
فداك اللي قصدته أمس واللي بقصده باكر..

لك الله وانت خابرني شجاع وماعلي قصور
ولكن لو وصل أمري بيدك آآآآه ياساتر..

دخيلك انتبه لالا تمادى مع رجل مقهور
ترى قهر الرجال أكثر من اللي تحسب وفاكر..

أنا حبي معك والله عفيف وطاهر ومستور
حشى صعبه تلاقي قلب شروى قلبي الطاهر..

وإذا ناوي تجربني ترى وقتك معي مهدور
أموت بنار طغيانك ولاينقال لي صابر..

أمانه روح ياقلبي وأبي تضبط عليه الدور
أمانه طير له تكفى وابي الحين ياشاطر..

أبيك تحب لي راسه وتنسى طبعنا المغرور
ترانا اثنيننا والله بدونه نكسر الخاطر..

منقول

 

 

 

 

يـا مـن هـواه أعــزه وأذلنــي.....................كيـف السبيـل إلى وصـالك دلنـي



تـركتنـي حيـران صبّـا هـائمـا..................أرعى النجـوم وأنت في نـوم هنـي




عاهـدتنـي ألاَّ تميـل عـن الهـوى................وحلفـت لـي يـا غصـن ألاتنثنـي




هـبّ النسيـم ومـال غصـن مثلـه................أيـن الزمـان وأيـن مـا عاهدتنـي




جـاد الزمـان وأنـت ماواصلتنـي................يا باخـلاً بالـوصـل أنـت قتلتنـي




واصلتنـ يحتـى ملكـت حشاشتـي..........و رجعت من بعد الوصـال هجرتنـي




لمـاملكـت قيـاد سـري بالهــوى.............وعلمـت أنـي عـاشـق لكخنتنـي




و لأقعـدن علـى الطريـق فأشتكـي..........فـي زي مظلـوم وأنـت ظلمتنــي




ولأشكينـك عنـد سلطـان الهــوى...........ليعـذبنـك مثــل مـا عـذبتنــي

ولأدعيـن عليـك في جنـح الدجـى...........فعسـاك تبلـى مثـل مـا أبليتنــي

 

 

 

 

الجهاله في ابن آدم توليه الدبور =لوطريقه غادي يحسب انه متجه


عنده ان مامثل شوره مع الاشوارشور =مادرى انه له مزاج وللناس امزجه


يمكن ان تلقى مزاج يبادلك الشعور=لو على فلم الشطاره وفلم الدبلجه


واخر المشوار لا حصلت مافي الصدور =كل زور فيه شور اليا فاق اهرجه


القمر والشمس كنها تسلف منه نور =والجبال اتصير تحته خيول مسرجه


يحسب ان معه افضليه توليه العبور=ان لقاءالملح ازعقه ون لقاءالحلواسمجه


السماء عجزت تنوشه جناحين الطيور =ماوصله الامحمد ابليلة معرجه


يا ابن آدم يلعن الله مختال فخور= من تواضع تحت ربه يعليه ادرجه


لجل ماتدخل جهنم على شان الغرور=للعرب حاول تواضع وتعطيهم وجه


من لقا عذب المشارب ومثمرة الزهور=ما قعديغرف من البحرويسوق احدجه


ابن جدلان