ياكثرك بصدري يالبدر

((أبي النسيان ))

تذكرتك .. وأبي النسيان ألايا خل ساعدني
أنا مالي ورى الذكرى .. إلى مات الأمل خيره
أنا ودي على الفرقا حبيبي لو تعاهدني
وإلى شفتك .. تصد ولاتجيب لما مضى سيره
تخيّر غير هذي الأرض .. مكانٍ به تواعدني
تخيّر لك مكانٍ صعب .. أعرف فيوم تقديره
عسى الجرح الذي يدينك أشوفه عنك يبعدني
أنا اللي أكرهك .. وأحبك .. شعورٍ صعب تفسيره
حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره

 

 

 

 

حسيبك .. يالهوى الظالم .. حسيبك لاتعاندني
بيلقى صاحبي غيري وأباالقى في العرب غيره



ذائقتك بالبدر رائـــــــــــــــــــــــ ع ــــــــــــــــــة

 

 

 

 

قصيدة المساافر
..............

لا تلوح للمسافر
المسافر راح
ولا تنادي المسافر
المسافر راح
يا ضياع أصواتنا في المدى والريح
القطار وفاتنا
والمسافر راح

يالله يا قلبي تعبنا من الوقوف
ما بقى بالليل نجمة ولا طيوف
ذبلت أنوار الشوارع وإنطفى ضيّ الحروف
يالله يا قلبي سرينا ضاقت الدنيا علينا
القطار وفاتنا
والمسافر راح

مادري باكر هالمدينة وشتكون
النهار والورد الأصفر والغصون
هذا وجهك يالمسافر لما كانت لي عيون
وينها عيوني حبيبي
سافرت مثلك حبيبي
القطار وفاتنا
والمسافر راح
............................

أنشهد رااااح

 

 

 

 

عبد العزيز اكثر قصائده وجعاً

أشكرك من الأعماق
كٌن قريباًِ

 

 

 

 

كلماااات المساااافر نابعه من القلب وقبل كل شي تروي وتحكي لناا قصه حقيقيه جرت بمجتمعناا الخليجي المتحجر .. وانا اكثر ما اعجبني بالقصيده .. هذا وجهك يا المساافر لمن كانت لي عيوون
وينها عيووني حبيبي
سافرت مثلك حبيبي
القطااار وفاااتنا
والمساااافر رااااح

 

 

 

 

(( أستبد ))



استبد..استبد احيان
استمد كل هذا الظلم من ألمي
اتحد من راسي .. لقدمي
واضرب بعواصفي وبزلزالي
واهّدم الناس .. واهدّم بحالي
لين استرد بعض اثيابي من الريح
ولحمي من الشوك..
وابتعد..ابتعد
واحيان ما املك العواصف .. ولا الزلزال
ولا حتى .. فـ الهجير .. ظلال
لكن استبد..استبد باللي عندي
اضرب بيدي فـ الهوى..بجبيني فـ الصخر
لين اتعب ..اتعب..وانهمد
مثل طفل اضناه البكا.. والسهر
وانتي آخر ماأعد في عمري
واجمل ما أعد
اعشقي ظلم الغصون الخضر للحطاب
والجلد للأنياب..والجفن للسكين
اعشقي هـالظالم المسكين...
واتركيني انصهر في الشمس
والا ارتعد في البرد
لكن استبد..واسترد اثيابي من الريح
ولحمي من الشوك
وابتعد .. ابتعد

 

 

 

 

((الأربعين ))





ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود

 

 

 

 

 

 

 

 

الله الله ويني عن هالمتصفح انا
وابداع اخوي عبدالعزيز واخوي صالح
تسلطن البدر هنا
وتوجت كلماته متصفحي

||::||::||::||::||

أشكــــــــركمـ من الاعماق
باقات من الجوري واللوتس لسموكم الكريم أخواني

 

 

 

 

انا بصراحه مجنووون بقصائد الشاعر بدر بن عبدالمحسن حبيت انقل لكم بعض قصائده الرائعه اتمنى انها تعجبكم:
((الفتاة الغايبة ))
و سـلامـي .. لمن سـأل عـنـي ..
أنـا من أشعـل .. عـيـون الفـتـاة الغـايبـه.. شـمـس بـكـلامي..
ليـن تـركـوني النـاس .. و راحـوا لضـي عـيـونهـا ..
و رجـعـت نفـسـي طـايبـه.. أجـرّ ظـلـّي ..
و كـان لي .. ظـل ثـقيـل .. تعـلق .. بعـود نحيـل ..
و القـلـب رجـل عـايبـه .. ترقـا جـبـل ..
ردوا ســلامـي .. لمـن سـأل ..
يحـينـي الـكـلام .. قـولي .. قـولـي أعـرفـك ..
انت من يحـمل جـذوع الـشـجـر للـماء.. ولنـور القمـر ظـلمـا..
أنت اللـي مـردت الـقــوافـل .. تطـلب التـرحـال ..
و زيّـنـت الـشـمـال.. نجـمـه .. وعـلـّمـت الغــلام .. اســمـه ..
ليـن انتـهـض .. رجـال .. يحـيني الـكـلام .. قـولـي ..
في بعـض الـكـذب .. رحـمــه..
الوقـت يمضـي .. صـديـقتـي.. والنـاس تمـضـي ..
وهـالحـراس باقيـن .. على ورق هـالـتيـن ..
والكـوكـب الفضـي .. والبـوح بالأحـسـاس ..
تتـغـيـر الألـوان .. الا الـسـواد .. متى الـسـواد يمـضـي ..
تـوي رفـعـت الأرض .. سـجـده .. وســبّحـت لـه.. وحـده ..
و صـار الـرمـاد .. ومـضـي .. و كـل الـذنـوب .. غـبـار ..
و دمـوعـــي الأمـطــار ..
صـديقـتـي .. يحـينـي الـكـلام .. قـولي .. لمـن سـأل ..
أنا من اشـعـل عيون الفـتـاة الغـايبـه .. تيـه وخجـل ..
ليـن تركـونـي الناس .. و رجـعـت نفــسـي .. تايبـه ..
مـن كـل.. مـا في النـاس .. و كـل مـا فـينـي .. الا .. الكـلام ..
أنا..الكـلام يحـيني .. يحـيني الكـلام .. قـولي ..
لاجـل الفتاة الغايبـه .. من هالعــتيـم .. تعـود ..
وردي سـلامـي لمن سـأل .. ان كـنت أنا مـوجـود.. مـوجـود..
و الحـلـم .. رجـل عـايبـه .. ترقـا جـبـل ..
و سـلامـي للـفتـاة الغايبـه
((الفجر البعيد ))
نامت عيونك
وصحى الليل مظنونك أغاني
قصّت جناح الثواني غيبتك
وصارت الساعة أماني
وآهـ ..آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد .. نامت عيونك
إسهر معي ليلة
حاول تحس بلوعتي ليلة
عد النجوم وش كثرها.. ياللي بقلبي كثرها
نام .. القمر فـ وسادتك نام
ليتك تغير عادتك
خل القمر ليله.. يسهر معي ليله
أنا حروفي في غيابك
لا هي حكي ولا هي قصيد
أكتب الظلما وأعيد
وإنت يالفجر البعيد.. نامت عيونك
يا ساحر البسمه .. أساهرك نجمه
وابسمعك كلمه .. كلمه و لو كلمه
قم نادني .. يالله عسى تحتاجني
وإن مر ليلي ما سألت
وإن زاد ظلمك ما عدلت
آهـ.. آهـ
أنا حروفي في غيابك
لا هي حكي ولا هي قصيد
أكتب الظلما وأعيد
وإنت ياالفجر البعيد.. نامت عيونك
(( الطير ))
واطيري اللي زودوا فيه الأثمان
اشعل ظهر والصدر يجهر شعاعه
لو له شبيه في الملى هو غزالان
راجي عل زينه يزود بشـجاعــه
خذته ولاني يا هل الطير ندمان
من عادتي ما نيب اسوم البضاعه
الى ركز في مجلسي طير حوران
وتجمعوا عندي كثير الجماعه
وشلته على كفي كثير الغثا هان
عندي غدى للهم مثل المناعه
لا صرت فيما تطلب النفس بلشان
اترك طمان القاع وارقا برفاعه
وباكر تصاريفه على عالي الشان
من يضمن الدنيا ولو ربع ساعه
((العطش ))
آه ..يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت أظما لحبيبي .. وللعطش
يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونكحبيبي .. أو أموت
ما ابي رمشك نعش
يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت أظما لحبيبي .. وللعطش
(( السهر والخوف ))
نبي .. نطفي قمرنا ..
لو يعذبنا السهر .. والخوف ..
نبي ننثر قهرنا .. يا حبايبنا ..
على مد النظر .. والشوف ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
سامحينا يالمحبة .. لو جرحنا وانجرحنا ..
س امحينا لو نسينا .. في الهوى ضحكة فرحنا ..
وآه يالنصل الحرير ..
ياهوى القلب الضرير..
يالجروح اللي مضت .. واللي بتصير ..
نبي ننزع من أعماق الحشا سكين ..
نبي ننزف حنان العاشق المسكين ..
ونجرح في سواد العين .. صورنا ..
ونبي نطفي قمرنا ..
((المرايه ))
كلنا عشاق لكن ..
إنتي لا ما انتي معايا ..
لما تجمعنا الأماكن
تاخذك مني المرايا ..
انتي مشغوله بروحك
ما ملك عقلك وروحك
لا أنا.. ولا سوايا
اعطي ظهرك للمرايا .. وشوفي غيرك
اظهري من ليل كحلك ومن أساورك وحريرك
افتحي الشباك مره .. شوفي الناس والشوارع
وش كثر هالغربه مره .. للي وسط الزحمه ضايع
انتي مشغوله بروحك .. ما ملك عقلك وروحك
لا أنا.. ولا سوايا
كلنا عشاق لكن
كل واحد له حكايه ..

كلناعشاق لكن
كلنا نحبك.. نحبك
وأنتي جرحك في ساكن .. وأنا جرحي برا قلبك
أمشي لو نصف المسافة .. وقفي بينك وبيني
أكسري كل المرايا .. أنتي أجمل وسط عيني
يا للي مشغولة بروحك من خذا قلبك وروحك
هو أنا .. ولا سوايا
كلنا عشاق لكن
كل واحد له حكاية
(( البتول ))
كـل أرضٍ تشيلك يـا ثـقيـل الحمــول
وكل وقتٍ كريمٍ بالرضا والزعل
وين مـارحت تلقى لك حبيب وعـذول
وين ما كنت تلقى مثل ياسـك..أمل
ياطـريق الترجي والوله والـنـحول
والله إني مـشيـتـك... لـين حد الـثـمل
مالقيت فوصولي لغـير قــبري وصول
ولا عـرفت فـحياتي مثل عرفي الجهـل
لا تظـن المـسافر مـن يسوق الـرحول
مـن وقف دون حلمه عاجزٍ ما رحـل
وما لمخلوق منجا في الحذر والجـفول
مـا تـصيب السـهام ولا يـطـيـش الاجــل
الـلـيـالي خـــــوات.. مــير مـنـهـي البـتــــول
والحــوادث عـشــــايـر مـير ويــن الفـحـل
ليلةٍ لـك .. وليله بـالفـــرح مــا تـطـــــــول
ولـيـلـةٍ مـن شــهــدهــا ذب راس الــجبـــل
أتذكّر في عين الشمس طفــلٍ خـجـــول
شـالـتـه فــي هــدبــهــا وقـت لــين إشـتـعــل
أعجب الناس وهجـــه بالجــدل والفـضــــول
ما دروا عن (جمـــال الجـرح) لــين إنـدمــل
والله اني كتـبـتـه في العطــش والذبـــــول
لــين غــصــنــه تــعـــدل بـالــورق وإعـتــدل
والله إنـي كــتـبـتـه لــــين قـــــــال الجـهــــــول
والله إنـي كـتـبـتـه وانــتــشـى واحـتـفــل
ما أتفه الشعر كانه هالحكي اللي نقول
لا تـعـدى الــمــــديــح ولا تـعــدى الـغـزل
إن لثمت الزهــــــور وصــــاحبتني الحقــــول
مـاهقيت ان صافـي الشهـد عيب النحل
مابقى في ضلـوعي كود ريـح مـعـمــــول
وثــــوب شـاشٍ عـليه مــن النــدامـه وحــل
ألـتـفـت للـطــــريــــق ومــا عـــبر مــنــه زول
فـــي جـفــوني تـزاحم عبرتي والـوجــل
طـلـت يالعـمر والا قــلــعـتـك لا تـطـــــــول
طــاولــتـنــا الـلـيــالي بالـســــهــر والــمــــلـل
إن تـعـبـنــــا نـــحـب ولا لــقــيــنــا قـبـــــــــول
مـا تــسـر الامـــانـي .. ولا يـفيـد الـعــذل
لكن .. الله كريم وكل همٍ يزول
مـا على الله بعيد .. ولا جـفـاك الـمـحـل
كـل أرضٍ تشيلك .. يـا ثـقيـل الحمــول
وكل وقتٍ كريمٍ بالرضا والزعل