من اختيارات بدر الشمال

سلام يا رمشٍ كسى باهي الخد
سلام يا ذبح القلوب الخــــــــليه
انعم من النسمة على خدة الورد
وأغلى سلامٍ لو تـــــــــرده عليه
....._____.....

الظلم كافر , ولكـن ابشـع ذنوبـه
لاجاك من صاحبك وإلا مـن اقرابـك

وغلطتك هذي ترى ماهي بمحسوبـه !
إلا .. ليا صرت مثلك ! بحسب حسابك

؟؟؟؟؟؟_______؟؟؟؟؟؟

لا قريت اسمك تزين لي الحروف

ولا نطقته صار في لساني حلا
صدق انا احبك ولكن فيني خوف
نتفـارق بعد ذاك الــهوى
لا تـقابلنا يسـكنا الكســوف
ضاعت الكلمات مني يا الــغلا
كانت الكلمات فــي لساني ألوف
ويوم ما اشوفك ما اذكر إلا هلا
.......

أشوف العمر يطويني و لايرحم..

و أشوف الحظ يتباهى بخذلاني..

أبي كف أصافحها و لا أنـدم..!

و أبي قلب يلملمني من أحزانـي

وأبي أنسى و ينساني التعب و الهم

قبل لا ينتهي عمري و أنا..أعاني

 

 

 

 

الغربه اللي بيننا غربة الروح = غربة مشاعر تشتكي بالحنايا

صاب المشاعر صمت وشينفع البوح = واللي بقى من حبنا بقايا

كنا كتاب لبعض دوم مفتوح = واليوم كلن صار له خفايا

حتى الحكي منك غدى كله جروح =كل كلمة جرح يقتل رجايا

لامن تلاشى الحب مافي مصلوح = ومن العذر لو رددتها الشفايف

كل شي اشوفه عندي اليوم بوضوح = أقراه بنظرات مواني النهايا

 

 

 

 

يا عين هلي دمع الأوجاع هليه
لا تدخرين دموع الأحزان يا عين


جرح بروحي كلما بان أخفيه
أخاف لا من بان سم الثعابين


أخاف جرح الروح الأيام تبديه
ثمن يصير الجرح بالروح جرحين

 

 

 

 

يالغايب الحاضر معي وسط الافكار
يالمرتوي منّي .. وأخايل سرابك

انت المطر وانت البَرَدْ وانت الانهار
وشلون أضما بوقفتي عند بابك .؟

وإنت الفضا يالرحب .. والباقي أسوار
أضيق فيهم وأتفيّا سحابك

 

 

 

 

يــا روعــة الـضمــة عــلــى صــدر مــشــتــاق
مـع واحــد(ن) دايـــم تــمـنـــى تـــضـــمــه


لا تـرجـمـــت صـدره تـعــابـيــر الأشــــواق
ومــــن الــغـلا تـشـده عـــلــيــك وتـلـــمــه



كــنـــك تــــحـس إنــه بـعــد ضـمـــه فــراق
تـشــد فـي ضـمـــه وهــو زاد هـمــــه



يـــفـوح "ريـح الـعـشـق" مـن بـيـن الافـآق
واكـيـــد مـعــا ضــمــه تـمـنـى تـشـمــه



إحـسـاسـه فـي داخـل الـجــســم يــنـسـاق
بـيــن الـعــروق إلــى حـدود الـمـطـمــه



وهـنــا الــمــطــمـة رعـشـةتـــتــبــع إرهـاق
مـنـــهــا الــجــســم مـا كـان يـكـفـيـه دمـــه



مـن بـعـدهـا تـحـس بـغـلا الـشـخـص بـإحــراق
وتـجـلــس تـمـنـى إنــك تــجــيــه وتــضــمــه


{{ مـمـا راق لـي }}

 

 

 

 

مدخل //





يابوي جعل الغيث يمطر ويسقيك
يرش قبرك لين يربع جنابه
ما عنك خافي كل ما حل طاريك
يهل دمعي مثل وبل السحابه

.. أنا اليتيم ..
تدري وش اللي يجرح القلب جرحين
ويمد حبل الحزن فيك ويشدّه
انك تناظر طفل من غير ابوين
يمشي ودمعه سايلٍ فوق خدّه
منظر صعيب ويقسم القلب قسمين
لا قام يمسح دمعه بكف يدّه
يمشي ولا يدري طريقه على وين!
لين التعب من كثر ما تاه هدّه
اثقل حروف يشيلها فيه حرفين
لا أب يدري به ولا أم تردّه
في خطوته رحله ودمعه وسكين
وحظٍ توسد بالمراسي مخدّه
جيت اسأله بالله قللي ولد مين؟
وبغى يجاوب واختنق صوت ردّه!
أنا يتيم وما لدربي عناوين
وجزر الحزن فيني يساوي لمدّه
وطعم الطفولة ما عرفته لها لحين
وثوب السعادة صرت ما نيب قدّه
أبكي إلى من شفت غيري سعيدين
لين البكا فيني يوصْل لحدّه
واقفى ورحت امسح دموعي من العين
وعيني تناظر دمعته فوق خدّه
وهذا هو اللي يجرح القلب جرحين
ويمد حبل الحزن غصب ويشدّه

مخرج //
لو طالت الايام ما نيب ناسيك
وشلون ابنسى من عطاني شبابه
كلٍ يغيب ورجعته لك تسليك
الا طريح الموت يبطي غيابه

 

 

 

 

(سلم عليه بعينك)...

سلم عليه بعينك
إن كان بخلت يدينك
كل اللي بيني وبينك
زعله تمر .. وسلام
ياما زعلنا ورضينا
ولاشي تغير علينا
لا تشمت الناس فينا
ويكثر حبيبي الكلام
سلم عليه بعينك
تدري احبك ولا ارضا
إلا برضاك يوم ترضى
ياكل عمري وبعضه
مقدر على ذا الخصام
سلم عليه بعينك
إسأل حبيبي عيوني
وعيونك اللي وحشوني
من يوم مازاعلوني
مقدرت والله أنام
سلم عليه بعينك
إن كان بخلت إيدينك
كل اللي بيني وبينك
زعله تمر وســـــــــــــــــــلام

 

 

 

 

الحب شايب و الفراق ابنـه العـاق
والوصل غايه والقصايـد وسيلـه
اثر المفارق له علاقـه بالاخـلاق
ويقصر طويله صدر راعي الطويله
مافيه اشرّ من الهواوي ليا ضـاق
من ضيقته حتى البزر يشتكي لـه
ياللي غضبت وكانت حلولك فـراق
الغيـض ولعـه والمجـادل فتيلـه
ابليـس للفتنـه وللشـر سـبّـاق
يجيك في صـورة رذيـل ورذيلـه
العين مايغـدي بهـا كـل بـرّاق
والاذن ماكـل الحكـي ترتخيـلـه
راعي الكلام يزّود الطاق بالطـاق
يحكي بشخص وياصله ويحكي لـه
خص ٍليا كان الحكي بين عشّـاق
ماله سوا: مالـك دخـل والفشيلـه
لو شفت وش قيمة غرامك بالاعماق
ماطعت لـو لـآ مـوك فينـي قبيلـه
ماهو تضيّق صدرك وتركز السـاق
كنّي كفـرت وقاتـل ٍ لـي قتيلـه
ياللي خدودك قطنه وعودك دقـاق
والوجـه ياحلـوه وياحبنـي لـه
عليـك ماظنـي بتحـتـار الاذواق
الـآ اليـا كانـه هبيـل او هبيـلـه
صغيّر ٍ وتشيـل حمـل ٍ ماينطـاق
وشلون عافـرت الحمـول الثقيلـه
وانا احسبنك طيّب وقلبـك رقـاق
يامدرّس فنـون القسـاوه لجيلـ
رح والشقا على الهواجس والاوراق
ياللي عقب فرقـاه شوقـه بديلـه
اشتاق وادري مانت راجع لو اشتاق
مير العوض بالذكريـات الجميلـه

 

 

 

 

انا يا بحر ما جيتك فضى و لـ مشاهدك شفقان
انا جيتك ابنسى الياس وبعض الهم يباريني
علامك يابحر غاضب علامك تصرخ بكتمان
انا جيـــــــتك ابشكيلك وابي منك تواسيني
أنا مثلك بحر لكن وسط نفسي انا غرقان
تعبــــت ابحر مع نفـــــــــسي واسالها انا ويني
ألا يابحر جاوبني وش اخر هذي الاحزان .؟
وش اخر رحـــله أوجاعي وعناي وغربه سنيني .!؟

 

 

 

 

معروف بصلك بين قاصي وداني

زان البخت يامنوتي بين اياديك

عذلت قلبي فيك ياغلى الاماني

ياحسرتي لاغبت قلبي يناديك

يا كم من الخلان حب وجفاني

لكن نفسي ماهوت غير طاريك

ضامي سنين العمر والله عطاني

نهر المحبه وارده ما يجافيك

محروم من قبلك حداني زماني

واليوم خطواتي تباري خطاويك

حملت بين ايدي وردة زماني

يرسم فرحها دمع شخصٍ يحاكيك

ساهر مع نفسي وطيفك لفاني

دليل حبك يتضح في معانيك

نورت نور العين والكون ثاني

والله لعادي كل واحد يعاديك

فاهم شعورك حظي اليوم جاني

برحل معك واصبح عشير(ن) يخاويك