ديوان الشاعرة العمانية هجير ؟!!

	الشاعرة هجير قصيدة صوت و صدى الصوت الابيات كانت مني سلام لك باعداد ما قاف ٍ تضوع قافي تسري له الاطيار في روض ٍ زها بوصوفه بإعداد ما قد لاح للساري مع الخّطافي هبايب الذنّان ,, و الموجه تلم اطهوفه ترشف زلال الغيم , همال على مسهافي حتى تشّرق نبت في قفر ٍ رشف من جوفه أسدلت جفن الصبح في نعس النواظر غافي أو كنها يا صاح ب شياح الضيا موروفه أمد لي بالشوف لك خبر ٍ جزيل ٍ شافي صوب الذي يقراه في طرس العنا و صروفه فيه العنا مأخوذ من ظلما رسوم ارهافي أسرفت في طاريه لو يوصل كثير شفوفه غنى على ليلاه , خفاق ٍ و هو متجافي يضفي على المكنون و أنفاس الصبر مكلوفه خود الحبر يا ليل ، تتسّند طعون الخافي شباكها المهجور ,, و احساس ٍ يجر طيوفه سهادها لو طال , قنديل السهر بك ضافي سردية الديجور تقراها , قبل ما تشوفه ليل ٍ غفى راويه , يوم ان الحلوم عجافي ما بل ريق الهجس من فرط الجفا و يطوفه مصّفره الاوراق , و جفاف الثرى بأطرافي شفت الحنايا شلون تتلهف و هي مشغوفه ؟ شفت الغصون شلون تذوي من لهيب شغافي ؟ و شلون هذا الشوق يتوجس غلا ملهوفه ؟ يوم استمد الوجد من هاجس بليا انصافي و اللي استمد الخوف من هجر ٍ عزاه بخوفه أقعد مع الافكار ,,, وألقاني جمعت منافي و أرحل بليا هم ,,, و ألقاه المتاه يلوفه ما كن هذا البين و شتات المظامي لحافي ما كنها الافكار في صدر الوهن مرضوفه جيتك , و بعض القيل يتثاقل على الاكتافي يا من له المنثور و قطاف الشعر و حروفه أعذب من الأنسام لي فوق الغدير الصافي و أنضر من الريحان يتثنى ب طيب اطروفه جيتك , و كن ضفاف ه الخافق ما هي بضفافي لين انكسر بي ليل , و دموع الشقا ماغوفه الصدى رد الشاعرة بشرى الحضرمي : يا مرحبا بإعداد هملول الغدير الصافي تنبت به الاشجار من عقب المحل و عجوفه صحيت فيني جرح في وسط الظماير خافي أظهرت لي يا زين من مر الحقيقه نشوفه عزاه , يا قلبن تعنى بالوصل لهافي و أنا سهيرة ليل ,, أترقب تلايا نكوفه إذا بغيت الصدق , اقنع و العذر هو شافي ان تقتنع بالعذر ,, لو ياكم بدون حلوفه القلب ما يعرف يداري للشكوك خلافي لين انغرس بالقلب اطعونن بحد سيوفه أصبر لجرحك لو غدا دامي و هو نزافي كفكف دموع الشوق من عقب الشقا و جحوفه مديت لي طرسك و أنا خبر الجواب الوافي من يوم غاب اللي من دونه الفرح نعوفه ما بل ريق الصبر من ترف المشاعر غافي يوم أستمد الصبر في وسط الضمير نشوفه طبطب على ذكراه , و أسري به درب لطيافي معصوبة ٍ عيناك لا بين الشتات و خوفه ما غير انا يا صاح أردد بالشعر والقافي و الموج يجرف في مواني الحزن شي يطوفه

 

 

 

 

الشاعرة هجير

قصيدة برّاقة الظلْ

مُرسَل الى سّيد الغّراءْ , مع طلة النور قد لاحت =في مطلع الشمس عنّيته , سولفت يا سيّد الغّراءْ
يتغّضنْ الود من طِيبك , رعبُوبة القاف , لو باحت =برّاقة الظلْ تتهادى ,في صفحة الطرس بإستحياء
مثوى مرابيعها و إلا ,, من دمعة الشوق لا طاحت =مثل الهُوينى على خد ٍ حتى ترقرق به الإعياء
تطري لي سهادك الواله, و شلون هالعين ما ارتاحت =جفن ٍ تّكوم به المسرى و الليل والبرد والأصداء :
( غلاكْ اللي يصحّيني ,,,, إذا لحظة غفتْ عيني )=( إذا لحظة غفتْ عيني ,,,, غلاكْ اللي يصحّيني )
لميّت لك كومة أسرابي وسط التباريح و أجتاحت =حتى أستطارت إذا تدري , من بعثرة خافي الأحشاء
مُرسَل الى سيّد الغرّاءْ .. لميّتها و العفو راحت =أو كيفما شاءت أحلامي , تستلهم الصمت والهيجاء
الزاجَل اللي له انداحت , فيَحاء صدري ولا واحت =في مطلع الشمس عنيّته .. يستتبعه واهن الأشلاء

 

 

 

 

الشاعرة هجير


قصيدة طيف الهجير

ياخافقي لك فضا حّي الخفوقْ الظليَلْ =أسفر صباحك .. وذا طيف الهجير انبرى
يا عزها يوم ذاك الصبح مثل الهميلْ =حتى هميل الكلام .. في كف يدي جرى
خايلت ضّيك على خصرْ السحاب النحيلْ =كن إختلاجْ المزون ,يسكن ب دوحْ الثرى
تنده هجيرْك , ويا فدوة هجير المقيلْ =وضح الشموس التي كالتبْر لو ينطرى
ضجّيت يا سراجها كل ما تّشبْ الفتيلْ =قصيدتي هي كذا ,, تشعل لذيذ الكرى
ياذا الوفّي .. الذي عز البشر ب المثيلْ =راعي المروات لي مثلك طويل الذرى
في خافقي لك فضا متهَادي ٍ به سهيل =أسرجت شوق الثوان,, و الله محد ٍ درى
حتى تمَادى العبيرْ ,, يفّل شي ٍ قليلْ =شي ٍ, شبيه إصطخاب الشوق فينا سرى
شي ٍ, شبيه إضطرامْ الوجد في برد ليلْ =يمكن يقولوا كثير !! بعين بعض الورى
نسيت : صُبحك طراه الورد قبل الرحيلْ =نسيت انه شذى ,, نفحْ المدن و القرى

 

 

 

 

الشاعرة هجير

قصيدة زهوة أفكاري

في أول الليل , طافت ومضة أنواري =أتضّوع المنهل اللي بالهدب مجرور
بي من تفاصيل ظلي , طيف متواري =مِسْكية الريقْ و إلا طيبها المذرور
عمهُوجة الطرس, بانت للسنا الواري =و يذوّب العسجد اللي ينمنم البلور
يحكي لي العشب , لامن غابت أطياري =ينشدني الغصن , يا كيف الخضار يثور ؟!!
من بحة الهجس , لآخر مزنة أمطاري =تستقطر الزهر كله في خبايا شعور
يا أجود الوبل فيني .. يبلْ نوّاري =يا أثقل الغيم , و أبطى في حنايا سطور
من علّم النرجس اللي عاذل الطاري =عن حلمها لو تغنج و الحلوم خدور
يختال فيها جنوني , ل ربكة الذاري =أشعلت فيها , رياح الوادي الممطور
من علّم أنسامها بي تعشق أوطاري =من نبض كل الثواني , يُورق الديجور
تلوذ في جيد حبري , نشوة الساري =و إسهابة الطرف تولج عاطري المنثور
أبختر الأرض كل ما ,, هبْ معطاري =من ليلة الأمس تدري ؟ كنت بي مغرور
من ليلة الأمس , و أنته جذوة أسفاري =من ليلة الأمس, و أغزل: يا مساء النور
أعنّي النجم ,, و أرسم حلة أقماري = أنده على النجم : وووينك , يا بعيد الغور
نجايب الريح , ساقت , زهوة أفكاري =خضّب الشوق لجله ,, لو تضيق صدور

 

 

 

 

الشاعرة هجير

قصيدة عذر

يا النوى من ذا الذي جاد بفراق ٍ ما بغيته =جاد في معروف تسهيدة ولا ينشد سواها
انتقصت الود يوم انك على الطيب ارتجيته =و النفوس رحابها النية , و جوهرها بصفاها
جيتك أسرابٍ تواعدني على حلم ٍ نهيته =ما بقى من دفتري الا: لكم خالص وفاها
عاذلك عاف السجايا و كل ما فيها ازدريته =لا غدت مثل المثالب, للأسف منهو ارتضاها
أمس , يا عمري تخايلته حنينك و أرتويته =بالمحاجر صار مرباع الحكايا , و اكتساها
أمس كان الفجر له شارق ضياه و لا غفيته =يسرق أنظار الغمامه لا نثرها في فضاها
وان غفيت الشمس يولجها نعاسك ثم ريته =وارفن يرتج بفصوله ,,, و عينك ما هياها
ألتمس عذر الشفق لما توارى ما سليته =حين جال الليل خفقاته , يحس ولا قواها
بي تلاشى ظلي العابر , هزيل ٍ لو خفيته =انشد عطاش الحنايا , ظني الرعّاد جاها
من جهامه , للرهام اللي تباطا و انتخيته =أسأل الله باذخ "الصرفه" ,, و يتلالا بهاها
تاضي أنفاس "الوكيذب" للهبايب في مبيته =و الطيور حيام للديمة ,, الى قاصي فلاها
ينتشي جود "الوحيمر" أبلجه يامن سريته =و المسا بذهون خّطاره عنان ٍ في مداها
ل "الغفر" في جنح ديجوره اذا مرة طريته =بين ريح ٍ تحشد اشواقي و تتبعها وراها
قل : هلا بالليلة القمرا , وذا همي عنيته =اشتياق النور و الهاجس و اشلائي معاها
قل : هلا بالليلة القمرا , و طارقها طويته =بين طيات الطعون اللي يسامرها لظاها
قل: هلا بالليلة القمرا , و طالعها احتريته =في الليالي البيض يتناثر حديث ٍ من شذاها
يسبق النسمات هوجاسي وبالخافي لقيته =كالصحاري الجرد بضلوعي و يشعلني ظماها
لو نهل من سفحها الاجرد بعد طاري يا ليته =في مساها تغرف الذكرى و داعيها دعاها
خبر اللي داج في همه يا ويش اللي جنيته =حزمة الساري , تباريحه و في صدره جفاها
يمتثل في حضرة ارسومه , حنين ٍ ما نسيته =و الجفون الفاترة , باتت يّعن ابها نداها
يوم دربي اللي تثاقلته , تجاهلته و جيته =الرسوم الداثرة , باحت ذواريها ل ثراها
صرت أشاغب طيفه الغايب إذا حلمي ضويته =شدوا ظعان الطيوف ادري تعذرت بنباها
لو على كل اصطباري قلت والله ما تليته =ولو على هذي الاماني ما أتل اللي تلاها
غاية اللي ما تناساها , لها أمر ٍ نويته =ما تبرر غاية الفرقا سوى شي احتواها
يمكن ان البعد يبكيها وانا يمكن بكيته =باقي التذكار تنهيدة على ردهة دجاها
قم توّلم للشجون اللي لها همي رقيته =لين يستأثر بها حتى يرضّف من عناها
ارتحل في عينك الولهى , ويا شي ٍ خذيته =دوك معنى التيه بأهدابك يبلل سيل ماها
دوك غربة هالزمان اللي شكيته ثم شكيته =الخطاوي توثب ل جرحي , و نالت مبتغاها
بشّره هالجرح , من عمري من الآهة عطيته =النوايب مّرها ذقته,,و لاذت في حماها
وان بغيت بشارتك فيني , ترى لك ما بغيته =السهر عيدانة اغصونك , يا جرحن بي تباها

 

 

 

 

الشاعرة هجير

قصيدة منطق الود و الطيب

البارحة , أطلقت لي فكرن تّعدا المكاتيب =و البارحة ارخيت لي جفن ٍ تعنّت له أجفان
يا مرحبا مليار ,, و ان جات التحية مغاريب =عقب الصلاة ,, و يانع الخفاق يزهر بالافنان
ألطف من النّوار في صدر المفالي المجاديب =ألطف من النسمه اذا هبت على جوف غدران
أعذب من الغدران في صافي زلال المشاريب =مثل الغمام اللي نثر من وطفة الغيم لا بان
مثل الهميل اللي تكاثف في بطون الغرابيب =يا مرحبا مليار ,, وان جات التحية كالامزان
تحية ٍ فيها الوفا ,, من منطق الود و الطيب =تحية ٍ فيها احترام الذات للذات ,, ينصان
تحية ٍ فيها الغلا ,, فاقت جميع التراحيب =تحية ٍ فيها الثنا , ترقى سنا القدر والشان
تحية ٍ فيها المسا يشعل حنايا العراقيب =تحية ٍ فيها الفضا يستأنس أحلام الأوطان
تحية ٍ فيها خصال الطيب طبع المذاريب =تحية ٍ فيها الفخر له تالي الجود نيشان
يا ذا المسا يزرع من سكون المداين أطاييب =هذا السلام يهلْ بأنسام المعاني ل الاذهان
يوم الشعر يغزل من احروفه أماني الرعابيب =و الصدق مرباع النفوس اللي لها الصدق عنوان
وانتم هل الشيمه و هامات العزيزين في طيب =روق التواضع من سجاياكم و في نهج الازمان
يالله يا المعبود , يالواحد و يا عالم الغيب =ترحم عبيدك , يا إله العرش , يا رب الاكوان

 

 

 

 

الشاعرة هجير

قصيدة يا عتابي

خذها عطايا مزوني , ركام هذي المحاني ثقال =لكن هشيم ضلوعي ما عاد يورق على سياجْه
تعّن كل أطرافي , كن الشظايا تزفْ اللال =كن الحشا يا روحي ,, فيه الحواويم لجّاجه
فرقا ولا هي فرقا ,, قنادها ريق هالغربال =ممساك وان هيّضته , مجلاسه النود وعجاجْه
رضفّت جدب طروسي العشق في سيرة الأطلال =حين السحايب تزهم : غرنوقة المزن وهّاجه
لين النجوم انساقت لأهداب كل الشجر في البال =حتى النفل يستذري , و أقول هالبال من داجْه ؟
يا كيف شفت أحوالي و الجرح ما ينبت إلا رمال =يجوب فيها العاصف , يضوي على خاير فجاجْه
شي ٍ يجيبه الهاجس , شي ٍ على هاجسي ينهال =طيفك تعّود تدري , يشّب في غيابك سراجْه
بي ذارف ٍ خاويته ,, و الدمع مثل الوله سّيال =يوم الصوادف لاحت , تخالط المر و هماجْه
يا سائل ٍ عن حالي , أدعج من شماتة العّذال =من حّر جوف الظلما , أقرا على القلب منهاجْه
يسْتوحشك يالدنيا مجروح يرمي وراه جدال =وان طال هم جداله , غّلة طعونه من خراجْه
يسحب طرف هلهاله , في رقة الشوق من يختال =البرد والا شعوره ؟ ما ناض من بارقه حاجْه
خذها عطايا امخيله , الجود لا جاد وادي "سال" =صبيّت من مثعوبه , في يانع الفكر و مجاجْه
امريفْ هذا الوادي , يرقا على هامة الترحال =في عنوة التسهيدة , الطيف ما عّود أدراجْه
أتأملك بعتابك , من عّلم عتابك المّوال =لا من يّعج بصمتي , عتابك الشط و أمواجْه
مثل البحر يتماوج في غابر السالفه وان جال =جفن ٍ تضج بطاحه , بالشوق والحلمْ نسّاجه
مثل السحابه عنود ٍ .. همّالها ما بعد ينقال =ذاب العتب في عيني , و اثر الهماليل ثجّاجه
مثل السنا المتهادي , تتخالج مفازة الخيّال =و يا الظما و أشواقه ,,تاخذ من النور وابلاجْه
مسّيت بك يا عتابي والحال يا كيف شفت الحال =يسري العنا و تكّله , مساهج الريح ب سماجه

*وادي سال: وادي في المنطقة الشرقية

 

 

 

 

الشاعرة هجير

قصيدة على ذاري الورق

يهّف الشوق .. وان هفهف على وجنة دريشه =على تجعيدة محّيا ,, هناك الريح هفّت
لعين البارق الرفّاف .. و إطراقة " عويشه " =و مرزام الرثام اللي تناسيته ,, تلفّت
على متن الحصى و الطين يا عود الشريشه =غفا ذا البارح الطاعن له العيدان وفّت
خذيتك للشغفْ حتى جمعته من عريشه =يسّف الخوص يوم أن الطواري البيض سفّت
أنا لما افترشت الصمت ,, في ليل ٍ تجيشه =هموم الواله اللي من تباريحه ,,,, تدفّّت
أطّرز من حواشي الغيم لو تظماه " ليشه " =و يرحل قبل ما يسأل عيوني ليش رفّت
على ذاري الورق ياما تذرّى طيف ريشه =و كان الرمل يستشرف: عروق المزن جفّت
ألا يا وجه عذري بك و هذي الريح طيشه =يفيض الهاجس المتعب : طعونك ما توفّت؟؟!
أقول اترك لي المسرى ل خفّاق ٍ أعيشه =" عويشه " تنده أغوار السحابه لين قفّت

 

 

 

 

	الشاعرة هجير قصيدة و قفّى و القلوب الوالهة منفى و قّفى ,,, قبل هذا الصبح يتثاقل على شفاهي لجل كلمة " صباح الخير " تتباها و كنت أدري,, ,,,, بإن الفجر تتثاقل به الاشواق.... ويرسل لي معاذيره علوم اتحّراها .. مثل ماهي !! و عذر العين تظما دمعة الفرقا ,, وتنساها ... شعور أن القلوب الوالهة منفى , يراودني .. سكنها الخوف يمكن قبل ما تجفا و قّفى والحنايا كثير يخفاها .... لو على هذي الحنايا , قلت لمّيني سحايب أقول ف خاطري ,, مْر الهزايم , جرحها دامي ! يا كيف الجرح لو شفته بعيني ,, شخص قدامي ؟!! ألوم الصبح لو يتثاقل بكلمه ؟ ألوم العذر يترجاك يا الحيرة ؟ ولو تكثر معاذيره ,, كفاها النفس ما جاها ... إذا له من سلام الشمس لشعاع الضحى , قّله : بإن الغصن يتوله على ظله على غيث الحيا في الارض يتماها ... أبد ما شفت في عمرك ,, حنين الجدب ينزف طيف متوله ؟؟ و قّله كل ما هالصبح يتثاقل على شفاهي: " صبااااح الخير " كذا أسفر و هذي "الصاد" تتناثر لأقصاها ... تهب "الباء" و ما باح الصبا البارد و كنت أدري ,, من حديث الشوق.. يمر النور لأنفاس النسيم من قريحة ليل جادت بالسوالف ,,,,, وان هذا الفجر تتثاقل به الأشواق و هي من بعد كلمة "خير" تظماها و تظماها....

 

 

 

 

الشاعرة هجير
قصيدة من عقب تنهيده

و ساق الله عليك الود من طرفٍ اذا غّضا =ألا يا سيدي يوصل كتابك عقب هّطالك
على أرض الغبيرا ما توانى الليل يتوضا =من( أما بعد ) يا نجم الثريا سرّني حالك
سلام الهاديات اللي تمر أذهانهم أرضا =و أرض الشيح يتراكم بها مما تلى ذلك
منابر نورها واللي يسامرها على الومضا =على تلع السحاب , وكلمة ٍ ما جات في بالك
أنا من عقب تنهيدة , مطارف ليلها الغّضا =أدبّج من تجاعيد الدروب, وشاح ترحالك
ونا من عقب تنهيدة, ما بين الريح والرمضا =لعل ألقاك من بعدي, يدب الشوق بأوصالك
عهدت خصايل ٍ لما تنامى بعضها بعضا =تراخى الهاجس العاني , فلا تسمع ل عذالك
إذا هالصدق لك عز ٍ, أعزك خالق النبضا =يشيب الصبح من همن تنفس بعض غربالك
تصّغر نفس من طيبك وقدرك تفرضه فرضا =يكّبرها الإله اللي يّعلي القدر بخصالك
يا كيف النفس لو تكبر , وتنقض طيبها نقضا =يصّغرها الإله, أدري ومنهم للكبر سالك
ترى معنى الهوان أقسى من احسام ٍإذا ينضى =و من وقع العوالي في غبار المعمعه الهالك
و لو زدنا على أمر ٍ , جوانح خافق ٍ أفضى ="أسير السر" لو بحته, إذا هالامر يطرالك
يجود الطرس في حضرة يراع الحر ما يرضى =نطق لو ساكت ٍ حتى قسم من حكمته فالك
و ساق الله عليك الود من طرفٍ اذا غّضا =ألا يا سيدي يوصل كتابك عقب هّطالك