من اختيارات بدر الشمال

تخيـــل لو تفارقنـا.. وعشنـا في هـوانا اغــراب
تخيـــل لو تناسيتـك.. وقلبـــك صــار ناسينــــي

تخيـــل لو تباعدنـا.. وكل شـــوق ٍ جمعنـــا ذاب
تخيـــل لو تجـي صدفـه عيونــك يـوم في عينــي

تخيـــل لو خـلا هالكـون ولا يسكــن ثراة احبـاب
تخيـــل وش يصيـــر الحـــال ما بينــك ومابينــي

حبيبـــي للوصـل سبـة.. وللفرقــا كثيــر اسبــاب
وانا صابــرعلى ظلمـك وجــرحك حيـل مشقينــي

تخيـــل لو جرحتك يـوم وجرحك بالهوى ما طـاب
تخيـــل بـــس لو مـــــرة تبينــــــي ما تلاقينــــي

تبـي تشكـي.. تبـي تبكـي.. تبينـي والامـل بغيـاب
صرخــت بصوتـك العالــي.. من الضيقـه تنادينـي

 

 

 

 

..
صدقيني قلبي يحكي لك حقيقة
صدقيني ما ارى غيرك مـلاك

من اجل وصلك بأتخذايّه طريقة
ما ابالي لو طريقي لك هلاك

بُعدك ولاغيابك على نفسي ما اطيقة
كيف اجاهد روح تشقى من غلاك

شرع الخطأ يازين عمّ الخليقة
وان هفا شوقي معك ابغا رضاك

يازمان اللوم احرق لي وثيقة
طيها دستور بظلمه وطاك

منهو فينا او من البشر مانشف ريقة
كم قيل عنهم الشقي هذا وذاك

الشك من طبعك وباحساسك رقيقة
مقبوله عندي ولو هذا عطاك

روحي تنادي لك بصرخة غريقة
يامغرقها ليش عيني ما تراك

 

 

 

 

أمس ضقت ورحت أقلب ذكرياتي وانتهيت
عند صورة طفل صوته مثل صوتي لاانجرحت
وش مثل لاوالله الاهذا أنا يوم ابتديت
أنطق حروف تلعثم في لساني لاانمدحت
هذا أنا يوم الحياة بنظرتي عشرين بيت
ومسجدين ومدرسه من طين كم فيها اصطبحت
هذا أنا وأصبحت أتمتم هذا أنا حتى بغيت
أختنق بس القدر عيا على موتي وطحت

 

 

 

 

&*$&*$&*$&*$&*$&*$&*$..))

سو اللي براسك ولا تذكر الأسباب

لا صرت بايعني توكل على الله

مابيني وبينك مشاريه وعتاب

شف دربك اللي جيت منه تدله

ماراح تغلبني لو الحب غلاب

من حضرتك علشان قلبي تذله ؟؟!

في ذمتي لجعلك عبره للاحباب

لين الخل يتوب عن جرح خله !!!

*&$*&$*&$*&$*&$*&$... ))

 

 

 

 

خــــــــــــطاي
إني سألت وجيت أدور للغياب أسباب..
خطـــــاي
إني تعلمت الوفا والناس كذابه
حسايف يازمن ماعاد باقي بذا الزمن أحباب
على حسب المصالح كل واحد يحسب حسابه ..!!

 

 

 

 

بعض القصايد ميته مابها روح
واللي كتبها حي مايذكر بشي
وبعض القصايد حيه من عهد نوح
واللي كتبها ميت وذكرها حي

 

 

 

 

ويــــن اودي شــــوق قـلــبــي والــولـــه

لـوغـديـت بـعـيـد عــنــي مــــا اسـمـعــك

تـمـلــك احـسـاســي وفــكــري تـشـغـلــه

تــرحــل طـيـوفــك وفــكـــري يـجـمـعــك

هــــاك قـلـبــي هـــــاك لـيــتــك تـقـبـلــه

خـــذ سـنـيـن الـعـمـر أو خــذنــي مــعــك

انـــت تــالــي الــحــب عــنــدي واولــــه

مـــن يـقــول انــــي نـسـيـتـك يـخـدعــك

 

 

 

 

نفسي أموت اليوم وأعيش باكر ..
وأشوف من هو بعد موتي فقدني ..
ومنهو حملني لين ذيك المقابر ..
وأشكر كل من كرمني ودفني ..
شخص تعنى لي مع إنه مسافر ..
وشخص قريب للأسف ما ذكرني ..
ومن هو يرتب غرفتي والدفاتر ..
ولا شاف صورتي صاح واحضني ..

 

 

 

 

قصيده بعنوان حي النسيم الشرقي


دوبك عليّه يا حمام الورقي=مالي على كثر النوايح طاقه

.

أمّا أستمع لي لين أغنيّ طرقي=وألا اكفخ بجنحانك الخفاقه

.

البارحه بان الشبه والفرقي=وسرّيتها بين الجمل والناقه

.

اللي وصلني من رعودي برقي=واللي بقالي من ورودي باقه

.

يا حبيّ لحيّ النسيم الشرقي=حبّ ٍ جديد ولا كشفت أوراقه

.

جيته وأنا بين الحواري طرقي=لين أطرقتني نظرة ٍ طراّقه

.

عسى فداك أم العيون الزرقي= اللي في سوق المكيجه سوّاقه

.

تسنّدي بي وأحدري بي وأرقي=وأخذي من القلب الشقي ميثاقه

.

على النقا .. شبـنا من اهل الدرقي=والوقت علّـقنا على معلاقه

.

تخاطفونا بالوجيه البرقي=واللفلفه والصحبه البراّقه

.

جيت البلد للي زرقني زرقي=وعوّدت أشيل من الهموم إطباقه

.

أحد ٍ ذكرني واستلذ بسرقي=وأحد ٍ نساني والعوض بفراقه

.

يا أم النمايم ولّعي وأحترقي=ماني من اللي يقطعون الساقه

.

والله ما يحفظ دميّ ألاّ عرقي=مالي ومال العالم البواقه

.

تعيش يا حيّ النسيم الشرقي=ولا يرفع الأنسان غير أخلاقه

 

 

 

 

الوصل فرحه كل عاشق والهوى بحر غزير=من طب في جوفه غرق ولا على موجه سرى
وانا سريت اسبح معه واضمد على جرحٍ خطير=الصبر مفتاح الفرج والوصل للعاشق ذرى
وانتي غلاي المعتبر والشوق والحب الكبير=والفتنه اللي جعلها تسلم من عيون الورى
ادله عن اهمومي معك واضحك وانا ماني بخير=قد قللت لك جرحي هدى لكن جرحي مابرى
ليا سرينا وابتدا من ليلي الثلث الاخير=قمت احترق من داخلي والدمع لفراقك جرى
اشم عطرك في يدي واغيب عن عقلي واطير=واصحي على علم وخبر بين اشتياقي والزرى
قدمت لك قلب العطا مااوحيت في حبك شوير=اللي جهل عن حالتي واللي عن الحاله درى
هم مادروا بانك غذى روحي وعقلي والضمير=وانك هناي بدنيّتي يفداك حالي لو برى
تقودني يمك خيوط الشوق ديباج وحرير=لانك ملكتي خافقي والملك مافيه خشرى
نعيش في جو الغرام وكل مكتوب يصير=هذي طراه ارواحنا بين الثريا والثرى
ان قلت احبك صدق ماهو كذب والله الخبير=اقسم قسم لو تبعدين اطيح من قمه كرى
والوصل كنز من ذهب في عيون رجال فقير=يشهد عليه منتدى المرقاب والقاري قرى