وقع <<و لو بكلمه .!

ابشر بقلبن مايبي غير طريــاك -- وابشر بعيـنن ماتبي غير شــــوفك
وابشر بحبن لوقسى الوقت يرعاك -- وابشر بروحن من غلاها تحوفك
ابشر وكل اللي تبي يالغلا جاك -- آمر عسى درب المنايا يعوفـــــــــك
ياصاحبي ياشين وقتي بلياك -- لاصار ماينطق لساني حروفــــــــــــك
ان غبت عني يذبح القلب فرقاك -- وان جيت يمي عانقتني طيوفـــك
امشي على كيفك على شان دنياك -- واساير ايامك واقدر ظروفـــــــك
من كثر ماخوفي على القلب ينساك -- سلمت لك قلب الغلا في كفوفــك
لاجلك ازعل باقي الناس لرضاك -- وان مت تكفى يدفنوني بجوفـــــك
لو تجرح فؤادي وتكثر خطاياك -- ارقد وآمن .. امّن الله خوفــــــــــك
اليا قسى وقتك وشانت نواياك -- قل لي واموت برغبتك وإمعروفـــــك
قد قلت لك ياصاحبي مقدر انساك -- عهدن على روحي ابد ماتعوفــــك