سو نفسك مادريت وادخل

تحريتك شروق الشمس وشفتك للشروق غياب
ولا اضنك تبيع العشره اللي كنت شاريها

بقى لي بالهوى نظرة وتغريبة ودمع اهداب
وقصة بترك لسانك على العذال يرويها

واناجي باقي حروفي وبألف للفراق كتاب
قصايد تملي اوراقي ارددها واغنيها

واذا مرتني الذكرى وجرحي بالحشا ما طاب
بتبعدني وتدنيني وببعدها وابدنيها

وانا عيب علي اشكي من الدنيا بدون اسباب
مدامي ما خذ منها يجيني يوم واعطيها