من اختيارات بدر الشمال

قصائد مختاره للشاعر الامير// خالد الفيصل


ماكل من يكتب عن الشعر نقّاد
_______________والا انت في نقد المعاني بصير

فراسه الرجال تمييز الاضــداد
_______________لاصار غيره بالمعرفه ضريـــــر






يانعمه النسيان يارحمه الله
______________لولاك أنا عزّاه وش كان سويت

لولاي اسلي خاطري جاه عله
______________وارتاح ليت ارسلت بعض التناهيت

خلّ الفكر يرتاح والقلب خلــّه
______________في غيمه النسيان يلقى بها بيـــــت

أسج بعض الوقت ماهوب كله
______________واعود كنّي ماعن الحال سجيــــت

واشوف كلّش ثابت في محله
_____________عن واقع الايام ماكنّي أقفيـــــــــت







ياشايل نفسه على الخشم حذراك
__________________النفس لاثقلت تهين الخشوم

بالهون لاتكسر طريقك بماطــــاك
__________________إن طاح بك دربك حشا ماتقوم






قلــــــب الصبّابه ون بالحيـــــــل ولهــــــــان

يــاخابرين الموده لاتلومـــــــوني

يامستريــب الظــــن بالظــــــن حيــــــــران

قلبي على العهد يامأمون مأمونــــي

شل ياحمام وغـــن غــــرّد بالالحــــــــــــان

عسى يجوز لحبيبي شــــــادي لحوني