مـډٷنـتۓـ ٱپــٽ ٱلـ ھ ـيلم

مافيه داعي نشرح الوضع تكفين
انتي علاج القلب وانتي دوى ً له

حلمت حلم انك بجنبي وتبكيــــن
وامسح دموع عيونك اللي تهلــه

خيـــال حلم ٍ تجذبه دمعة العين
مع غفلة رموش العيون المظله

حالي قظى وانتي لحالي تشوفين
ومن سبتك بالقلب تسعين علــه

ليتك عن اللي داخل الجوف تدرين
تدريــن عن هـــــم ٍ بقلبي يملــــه

ياما صبرت ايام وشهور وسنين
برجواك ياراعي الرموش المظله


حبك حرمني عن جميع المزايين
وحبك مكفيني عن الحي كله


لو ان حبك ينشرى بالملاييـــن
والله لسوق المــال دقــه وجلـه


اقســم برب ٍ له عبــاده مصليـن
منساك كــود طويق يخلف محله

وحان الممات ولا حصل نقظي الدين
والحظ دونك واحــد ٍ واقــف ٍ لــــه


بوصفلك قبــري كان ودك تمرين
بعطيك وصف ٍ لابغيـــته تدلـــه


بأرض الشمــال وقبلة القبــر رجمين
الايسر منهن يلـــحق القبـــر ظلـــه


ولا جيتي عند القبر باسمي تنــادين
واجاوب اللي جعل روحي فدىً له


وبيدك عن جســم ٍ رحل خفف الطين
واطلب له الغفــران عن كل زلــــه


وليابغيتي فــــوق قبري تصليـــن
لياسجدتي خلي الشعـــــر فلـــــه


اشــم ريــح ٍ مثل ورد البســاتيــن
وجسم ٍ كلاه الدود ريحــك يبلـــه

وعند الوداع اكتب على القبر حرفين
مرحــوم يلي صاحبـــه ما حصلــــه