من اختيارات بدر الشمال

[[[( لامطر .. لانور )]]]

تخيّلت الزهر ضامي .. فاقد للمطر والنور

تخيلت السحاب أقفى وذيك الشمس مقهوره

تخيلته على الذكرى عايش .. خاطره مكسور

على باقي ضيا من نور .. وقطره داخل جذوره

كذا عايش أنا مثله .. بدونك سيدي مجبور

أعيد إلي مضى وأذكر .. زمن وأيام مهجوره

بدونك يالغلا كنّي غريب ولا لقاله دور

وحيدٍ يصبح ويمسي .. على ذكرى على صوره

خيالك لا طرا جاني حبيبي منتشي مسرور

ولامنه بدا يبعد .. زهمت وشاقني حضوره

ولمّي لارجع خذته على صدري بدون شعور

طفلٍ ضمّــله عصفور .. وخاف يطير عصفوره

حبيبي لا تخليني .. وتدري هالزمان يدور

وأنا مدري أبحيا لين أشوفك للنظر نوره؟

حبيبي ردلي شوفك .. ومن مثلي ترى معذور

تخيّــل هالزهر ذابل .. تعب ماعاد مقدوره

وتخيلني أنا مثله عايش .. لا مطر .. لا نور

وبذبل لا بطا شوفك علي .. والنفس مقهوره!!