سجل حضورك اليومي ببيت شعر ..,

احترق لك شـوق واحيّا بك رضـا
واحتريك احسـاس من دون اقـنعه

حلمي اللي بك تعـدى هـ الـفضـا
أسـقـه من الـوصل جـفـت أفرعه

لا تخلي قلبي لـ جمـرة غضا
طالبك خـذ قلبي وخـذني معه

 

 

 

 

ياصاحبي لاتشتكي الوقت والحال
خل الذي في قلبك اليوم خافي

ما كل حكيٍ يا ابيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهم صافي

ما انت الوحيد اللي شكى الوقت و الحال
و ما انت الوحيد اللي له الوقت جافي