قومي عدل يا بنت لن جيت أحاكيك

قومي عدل يا بنت لن جيت أحاكيك
أنا بدوي ما يثني الحب راسي


لا يخدعك قلبٍ يحبك ويغليك
قلبي شديد الباس يا قو باسي


ولا تحسبين الروح خاتم بأياديك
يا قلبك المسكين بالحيل ناسي


أقدر أحبك موت وأقدر أجافيك
وأقدر ألمّك وأنثرك للمآسي


وأقدر أخطّك في فؤادي ولا أمحيك
وأقدر أخلّي يجهلنّك حواسي


ياللي من أول كل ما أوحيت طاريك
يفزّ لك قلبي وتشعل حماسي


كانه جمالك تالي الوقت معميك
غرّك جمالك بكره الوقت قاسي


وقتٍ جمع بين البطل والصّعاليك
يقدر يكسّر كاس حبك وكاسي


ما أذلّ نفسي في الهوى لأجل أراضيك
أحيا وأموت بعزّ والعزّ ساسي


قومي عدل يا بنت لن جيت أحاكيك
والاّ يموت الحب ويعيش راسي

 

 

 

 

مسفر الكثيري..

لقلمك رقي وتميز
ولحروفك جمال بالكلمه
كلمات راقت لي كثيرآآآ برقي حضوركـ
يعطيكـ العافيهـ ع هالطرح الذي عطر ارجاء منتدى الشميلات
ننتظر جديدكـ اخوي
لك ودي واحترامي..

 

 

 

 

سحر الغرام تسلمين ياوخيتي على مرورك العذب
انتي يانحلة المنتدى يامن كلما دخلنا المنتدى وجدناكي
من المستقبلين كثر الله امثالك

 

 

 

 

ما أذلّ نفسي في الهوى لأجل أراضيك
أحيا وأموت بعزّ والعزّ ساسي
الأخ مسفر الكثيري
صح لسانك أخوي أبيات رائعة
كروعة قائلها
شكرلك هذا التألق ولاتحرمنا من جديدك
وتقبل مروري واعجابي وتحيتي