موارد شماليه

كان جيت ابو زيد الهلالي هلال
قل له ان الكحيله محريه باليمين

حول ملح الرصاص وبين هيل الدلال
عند ظن الحَمَاد وهقوة الحرتين

بعد ملح (القريّه ) ماثل ٍ ف الخيال
ملَّح العمر واعطى هيبه لكل زين

باقي ٍ (للعقيله) ف العروق انثيال
يسقي الذكريات وسيرة الراحلين

بعد (نِمره) مقيمه ف الرجا والمحال
والعرب مثل ياس من الظما صادرين

بالحنايا رسوم وراعي الوقت شال
كل رسم ٍ مقيم ٍ ف آخر العابرين

شارب (الزيدي) اوفى من عيون الليال
والرغا والهدير يراود الغانمين

والحدا والهجيني ف القلوب استحال
سِفر يروي حياة الموت والغابرين

ريميه

 

 

 

 

بدر الشمال

الله يعطيك العافيه ونقله جميله دمت بخير

 

 

 

 

بدر الشمال..

يسلموو اخوي على النقل الرائع
دائماً تتحفنا بالقصائد الرائعه والجميله
تسلم انااااااملك اخوي
يعطيك العافيه
لك ودي واحترامي..

 

 

 

 

ابو عبدالرحمن
اسعدني مرورك وردك الرائع
لك تحيتي وتقديري

 

 

 

 

سحر الغرام
شاكر لك ردك الرائع
ومتابعتك الدائمه
لكِ تحيتي وتقديري