وجدصدام العراقي قبل يوم الاعدام

يالحبيب اللي ماغيرك على روحي يمون = ولاعلى بالي ياغير انت ياعذب الكلام
اشهد اني مغرمٍ بك الى حد الجنون = وكثر خيري كان ماصاربي منك انفصام
شاردن فكري بذكراك مدري وين اكون = داخل(ن) في عالم الوسوسه هي والهيام
قل لحسادك وحسادي انتم وش تبون = ابتعد يارجل عنا وروحي يامدام
مالكم ذمه وامانه ولاانتم تستحون = والنميمه عيب في غيبة الشخص وحرام
واقبلي ياشمعت الكون وعلاج الطعون = عالجي من في محبتك هايم واستهام
انعشيني يانسايم هكا الصبح الفتون = لاتنفس صبح وجهك ورمش العين نام
نام نوم السلهمه من تحت هكا الجفون = وابتسم ليه محياك في احلا ابتسام
واه يالبيه يااليل من فوق المتون = ومهرتن ماحط فيها عنان ولاخطام
فيك من لون الدلع والحيا والزين لون = وبك براءات الطفوله وهيبات الحشام
والوقار اللي على شيوخنااصحاب الدقون = هو عباتن لك وقفاز كفك واللثام
زينة الدنياء هو المال ايضاً والبنون = وانت وحدك مال وابناء عندي بالتمام
والله اني عقب فرقاك عايش ومغبون = مابقاء بميزان صبري من عزومي جرام
من يوصل له كلامي ويعطيه اللحون = من بشر والا من الزاجل طيور الحمام
الهواوي لوتبسم مع اللي يضحكون = راقبه باليل تلقاه صاحي ماينام
ان هدى اليل المداليه وازداد السكون = دوره تلقاه قاظم على راس البهام
ياوجودي كل ماشفت براق المزون = وجد صدام العراقي قبل يوم الاعدام
انفرد بي عن هواء البيض مكحول العيون = ساقني سوق المكلبش تحت ضغط النظام
عشت وضع القاتل اللي مصيره بالسجون = من كثر خوفه من الموت دين واستقام
مرة(ن)يتخيل انه مع اللي يطلقون = ومرة(ن) يتخيل السيف قصاص العظام
اهل الحق حلفوبه واهله يحاولون = وغيرذالك فيه قاصر قبل وقت الفطام
توني مليت من قول هونها تهون = يوم ورى يوم والعام يمضي بعد عام
كيف احرر قلبي من الأسرمهما يكون = من قبل مراسم اهل العزاء فيني تقام
من وليف(ن)شال قلبي وخلاني بدون = ومن فقد قلبه وعقله حقيقه مايلام
ياقبورن ضمة اهل الغرام السابقون = اللهم اجعل قبورهم برد وسلام
انتم اللي سابقونا وحنا اللاحقون = شاءت الأقدار ونصير من قتلى الغرام
ياوجودي كل ماشفت براق المزون = وجد صدام العراقي قبل يوم الاعدام

 

 

 

 

معيض بن عريفج..

صح السااانك اخوي
قصيده قمه بالروعه والجمال
الله يرحم صدام
يعطيك العافيه اخوي
لك ودي واحترامي..

 

 

 

 

معيض بن عريفج
صح لسانك

ويعطيك العافيه على القصيده

والله يرحم صدام

وتقبلي كل ودي واحترامي

 

 

 

 

لم أجلس يوماً على شاطئ البحر إلا وأحسست بإلحاح الحرف ، ولهث الكلمات .هذه القصيدة أعجبتني جداً لأنها حكت مالم نستطع معرفته

عن شوق ووجد الشاعر ابن عريفج لما يعانيه من سهوم الحب والوجد

القاتله التي غرست في صدره من محبوبته التي يعنيها بقصيدته

ابدعت اخي معيض وتميزت بهذا الطرح المعبر لتلك القصيده التي

يكفي القارئ الأطلاع عليها لأن حروفها تفسر مضمونها

لك تحيتي وتقديري

 

 

 

 

معيض بن عريفج شـكــ وبارك الله فيك ـــرا لك ... لك مني أجمل تحية .

 

 

 

 

المشاركة الأصلية كتبت بواسطة سـ ح ـر الغرام

معيض بن عريفج..

صح السااانك اخوي
قصيده قمه بالروعه والجمال
الله يرحم صدام
يعطيك العافيه اخوي
لك ودي واحترامي..

الاخت سحر الغرام

الرائع مرورك لاهنتي ولك كل الشكر والتقدير

 

 

 

 

المشاركة الأصلية كتبت بواسطة خالد جليدان

معيض بن عريفج
صح لسانك

ويعطيك العافيه على القصيده

والله يرحم صدام

وتقبلي كل ودي واحترامي

الاخ خالد جليدان

صح بدنك شاكر لك مرورك ولك تحياتي

 

 

 

 

المشاركة الأصلية كتبت بواسطة بدر الشمال

لم أجلس يوماً على شاطئ البحر إلا وأحسست بإلحاح الحرف ، ولهث الكلمات .هذه القصيدة أعجبتني جداً لأنها حكت مالم نستطع معرفته

عن شوق ووجد الشاعر ابن عريفج لما يعانيه من سهوم الحب والوجد

القاتله التي غرست في صدره من محبوبته التي يعنيها بقصيدته

ابدعت اخي معيض وتميزت بهذا الطرح المعبر لتلك القصيده التي

يكفي القارئ الأطلاع عليها لأن حروفها تفسر مضمونها

لك تحيتي وتقديري

هلا وغلا في اخي

الاستاذ بدر الشمال

لقد اكرمتني بهذا الاطراء لاهنت شكراً قليله بحقك

ولكن نقول اللهم وفقه لماتحبه وترضاه لعل الله يستجيب

لدعوتي اخي الرائع والمميز مرورك الذي اسعدني كثير

ودي وتقدير لشخصك الكريم

 

 

 

 

المشاركة الأصلية كتبت بواسطة احـمـد مـوسـى

اخي احمد موسى

شاكر لك مرورك لاهنت تحياتي لك