معقول باقي من الشهر .. 10 أيام

http://www.songsofhigherlearning.com...the%20Moon.jpg

*معقول باقي من الشهر .. 10 أيام ؟؟
معقول .. راحت منه .... 20 ليلة ؟؟

شفتوا أجل ..؟؟ .. مرت بنا مثل الأحلام
مامن جديد .. وكلّـن .. يعيش جيله !!

اللي معانا العام هـ العام ... ما صـــام
منهو .. ضمن مستقبله ... وش يجيله ؟؟


في جيلنا .. مادامت لـ جيش صدّام ....!
وفي جيلهم .. وين أبرهة .. وين فيله ؟؟

كذا الحياة .. تمرّ عام ٍ ورى عام !
كم فرّقت ... بين الخليل ... وخليله !!

شف الليالي .. كم تقضـّـت بـ الأعوام ..
وحنـّـا نقول أن الليالي ... طويله !!

ياهوه .. صحصح عندنا لك .. خبر هام
نصّ الأماني .. في الحقيقة .. قتيــــله !!

دنياك هذي .. حزن وجروح .. وأوهام ..
ومالك على دنياك .. مكر وحيــــله !!

كم واحد ٍ .. ودّع حبيبه وسط خام ..</3
وعلى حبيبه .. حدّر الدمع ... سيـــله !!

بكى فراقه .. !! .. مرّت أيام مانام !!
بكى .. وروحه من فراقه عليـــله .!!

لكن .. نسى .. إنه كذا .. بعد أيام ...
نفس الأيادي .. يمّ قبره تشيـــــله !!

يارب عفوك .. قبل تلتف الأقــــدام ...
يوم الخليل .. يخون .. عشرة .. خليله !!

ويارب ثبـّـتنا .. على دين الإســـلام ..
واللي خذاه الطيش تهدي سبيـــــله !!

أقولها .. والعمر .. لو طال مادام .
وإعرف سنين العمر ياخي .. قليله ..!!

والحين .. باقي من الشهر .. 10 أيام ..
طالبك .. عوّض فيه 20 ... ليله ..!!

 

 

 

 

قصيدهـ رااااااااااااااااائعه

اررررق لتحايااا لسموووووك "

 

 

 

 

شموخ
سيدتي راقني جدا حضوركِ في صفحتي البيضاء
شكرا لتواجدكِ الراقي في موضوعي
كل الود لكِ ولا تحرميني من روعه ردودكِ

 

 

 

 

بدر الشمال


كل الشكر الله يعطيك الف عافية دمت بخير

 

 

 

 

محمد عبدرمثان

شاكر لك مرورك وردك العذب

لك تحيتي وتقديري

 

 

 

 

بدر الشمال
دائما بين حروفك اجد روحا تتمزج بما بنا من وجدان
وشعور يخرج لنا بروعه البيان
ولكم تمنيت ان لا تنتهى بى الكلمات
فلا يسعنى غير قول الصمت فى حرم الجمال جمال
فدمت بعافيه

 

 

 

 

الشميلاني

راقني جدا حضورك في صفحتي البيضاء
شكرا لتواجدك الراقي في موضوعي
كل الود لك ولا تحرمني من روعه ردودك