هامة الروس

الشعر مدري شي بس شي مدسوس=بين الخيال وواقعه صف حراس
تضهره ليمنك تلبست هاجوس=وهب النسيم وطارق الفكر نسناس
تقوص ماهمك غطاليس وعسوس=وتجيب كلما لاق من حلو ولباس
مثل عنزه لادق بالفكر ناقوس=عز الله ان الشعر يكتب بالاحساس
الوايلي له راس مايشبه الروس=مطنوخ دايم لامشى يرفع الراس
وان كان تجدع هامةالروس بالموس=فالوايلي مايجدعه عشر الامواس
هذا الصحيح واقع الشيء ملموس=مهي سوالف هربده مالها ساس
اولاد وايل يوم الايام بعبوس =تاريخهم مرسوم خطه بالالماس
صغيرهم بالمعركه تقل ملبوس=يجدع كبار القوم من فوق الافراس
والعود منهم مدرسه تعطي دروس=ينشى عليها القرم مو حكي كراس
وعدوهم ينداس بالمعركه دوس=وصديقهم يرفع على راس نبراس
ودخيلهم لوكان من خلفه طعوس= وحق الله انه زابنٍ روس الاطعاس
لهم بحد السيف والرمح والقوس= ولهم على ظهور الاصايل والاكواس
عرشٍ على الدنياء مثبت ومحروس=يبقى مدامه فيه من يلفظ انفاس

 

 

 

 

الشاعر الكبير والقدير موسى بن عيسى

قصيده رائعه تحمل الكثير من المفاخر بقبيلة عنزه التي وصفها النبي صلى الله عليه وسلم
((وصف النبي لعنزة ))
أن عمر بن عصام جاءه فقال يا أبا رباح: " ما الذي ذكر لك أمير المؤمنين عمر حين قدمت عليه في قومك" ، قال: " مررت عليه فقال لي من أنت وممن أنت" ، فقلت: " يا أمير المؤمنين أنا حنظلة بن نعيم العنزي" ، فقال: " عنزة"، قلت: " نعم" ، فقال: " أما إني سمعت رسول الله صلى الله عليه وسلم يذكر قومك ذات يوم فقال أصحابه يا رسول الله وما عنزة فأشار بيده نحو المشرق فقال حي من هاهنا مبغي عليهم منصورون".


اخي موسى انت رائع وراقي لنا الفخر بكل ما تقدمه لنا من ابداع ورقي

لك تحيتي وتقديري

 

 

 

 

موسى بن عيسى

قصيده رائعه من انسان رائع بجد
دائمآ اجد بحضورك وابداعك تألق
اتمنى ان اجد ابداعاتك دائمآ هنا
دمت بعافيه

 

 

 

 

صح الله لسانك اخوي موسى قصيده جزله من جزل
تقبل مروري

 

 

 

 

الشاعر المتميز عيسئ مفرد ات جميله ارجولك التوفيق والسداد

 

 

 

 

....بدرالشمال شكرا من الاعماق


وجودك بحد ذاته فخر لعنزه عامه وللشميلات خاصه


صح بدنك مليون والله يعطيك العافيه

 

 

 

 

انت الاروع اخوي الشميلاني الله يعطيك العافيه


صح بدنك ياغالي ولاخلا ولاعدم

 

 

 

 

صح بدنك شذى الورد شاكر لك مرورك العطر

الله يعطيك العافيه

 

 

 

 

الغنيم شاكر لك مرورك الجميل الله لايهينك