سلمان ياراعي السجايا النظيفـه

عزّ الرياض وعـزّ وادي حنيفـه=وعزّ الإمارة والأمـور العظايـم
عدْل الحكم سلمان بالعـز ريفـه=خمسين عامٍ كـل ابوهـا غنايـم
تبصر بعدْله عين حـي ٍّ كفيفـه=المجد له والطيب والعـز دايـم
سلمان ياراعي السجايا النظيفـه=يامغني المحتاج وقـت العظايـم
مواقفـك بالخيـر والله مريفـه=دايم على كسب النواميس قايـم
لك صرح حافل باالعدل والنصيفه=حرٍ شريفٍ في سما الطيب حايـم
غيث الضعيف اللي ظروفه صليفه=لا لوّعه حظه وشـاف الظلايـم
وعون اليتيم اللي حياته كسيفـه=حظه عنيد وذاق منـه الهزايـم
يانخوة المفزوع في وقت حيفـه=ياميرنـا أفعـال خيـرك دسايـم
لك سيرةٍ مثل الهبـوب اللطيفـه=ترقى بصيتك فوق روس الزعايم
شيّدت ذكرك بالفعـول الشريفـه=ودرب النقى والطايله والحشايـم
لك في رياض العز يمنى مريفـه=عدلك برز ما تترك الوضع عايـم
خمسين عامـن كلبوهـا قنيفـه=بسياستك رمت الفعول الحكايـم
لك وقفةٍ عنـد الشدايـد عنيفـه=يارهبةٍ هـزّت قلـوب الخصايـم
يادرعنا من كيـد نـاسٍ مخيفـه=ياحرزنا وقت الدهـور العظايـم
وشلون ما تغليك نجـد العفيفـه=وانت الذي لك باالعدالـه مرايـم
نجدٍ عروسن بالجبـال المنيفـه=حميتها من كـل شـر وظلايـم
سلمت ياراعي السجايا النظيفـه=جعلك تدوم وجعل ذالمجـد دايـم
للشـــــــــاعر ه=(((الهنـــوف الشمالية)))