مانرثي الفرسان / محمد العريعر

الاهداء
للشيخ / أنور بن ثامر آل مهيد



مانرثي الفرسان ونعزي الهيل

.......... تو إبتدت ياشيخنا معركتنا


قل لليالي مابقى بيننا ليل

....... من فجرنا نشعل بخور أزمنتنا


يطيح سيف وسيف ننطح به الخيل

.......... مرت بنا ودوراتها علمتنا


تقود ماتنقاد خلف الرجاجيل

.......... بيارقك قبل الجموع وتلتنا


قل للعيون اللي تحرى المقابيل

......... تبشر بعز شيوخها وبركتنا


كل شي حنا نقرره بالتفاصيل

.......... مانقبل العوجان ومداهنتنا


اما تجي بالكيف وإلا تهاويل

........... من دونها ماتنثني منزلتنا


ربعك ترى ربعك تعزك بتبجيل

......... عليك سادات العرب حاسدتنا


لك تنحني بالطيب كل التنافيل

........ والغانمات بطوعها ماعصتنا


ربعك تصير رماح وطيور أبابيل

........... للي بخبث أعمالها ناويتنا



محمد العريعر – الرياض

الاحد 13/3/2011م

</b></i>

 

 

 

 

تقود ماتنقاد خلف الرجاجيل
بيارقك قبل الجموع وتلتنا
محمد العريعر ابو بسام
وش نبي نقول غير انك علم من اعلام المعرفه
اديب شاعر اعلامي انسان تملك جميع المهارات
الأدبيه الراقيه والمتميزه (( مافيك حيله ))وصح لسانك

والنعم بالشيخ انور الثامر أملنا بعد الله هو واشقائه بعد رحيل الشيخ ثامر المهيد غفر الله له واسكنه فسيح جناته

صالح العريف ابدعت واشكرك من اعماق قلبي على هذا النقل
دمت بعافيه

 

 

 

 

الاخ صالح تسلم يمينك على هذا النقل وصح الله لسان الشاعر
قصيدة قيمة ويستحق الشيخ انور الثامر والنعم فيه وبأخوانه وفقهم الله للجمعه والألفه

 

 

 

 

والنعم في ال مهيد
علومهم كلهم طيبه وترفع الراس
صح الله لسان الشاعر وانا اشهد انه ما ظلم حظه في هذه القصيده لقد ابدع
وهذا دليل انه من الشعراء القلائل والنادرين بهذا الوقت
صالح العرف لا شلت يمناك

 

 

 

 

يطيح سيف وسيف ننطح به الخيل

.......... مرت بنا ودوراتها علمتنا


تقود ماتنقاد خلف الرجاجيل

.......... بيارقك قبل الجموع وتلتنا


شاعر قدير ومتمكن صح الله لسانه
ومهما قلنا ونقول لا نفي الشيخ انور حقه
ومهما قلنا لا نفي الشيخ محمد المهيد
بارك الله بهم ورحم الله والدهم الشيخ الأنسان ثامر النوري

ابو صالح تميزت بالاختيار وفقك الله

 

 

 

 

ربعك تصير رماح وطيور أبابيل

........... للي بخبث أعمالها ناويتنا

والله والنعم بأنور وربعه
والنعم بأخوانه والنعم بكل ال مقحم
صح الله لسان الشاعر وسلمت يداك اخي صالح لهذا النقل

 

 

 

 

صالح العريف


كل الشكر على هذه القصيده الجميله

ويستاهل الشيخ انور الثامر المهيد

وصح السان محمد العريعر

دمت بخير