اجي وازعل واراضيني وارد من الغلا مسموح

اخاف اني غلا عابر ..عمر ساعات ثم يروح
واخاف اني واخاف اني حرام تشتت افكاري

انا مااقول اني لنت ولو في داخلي مجروح
وانــا مااقول اني طحت ولا شكواي اجباري

واذا قالوا الغلا لعبة .. مالي بالهوى مصلوح
واذا قالوا الغلا غلطة .. غلطت يااجمل ادواري

الا ياباقي جنوني .. الا يامابقى من بوح
الا يادنيتي وحظي ..ونصيبي وروح اشعاري

تصدق عاااد من رحتوا كأني فاقدن لي روح
تصدق عاد من رحتوا عطش لو تكثر انهاري

اجي وازعل واراضيني وارد من الغلا مسموح
واكلمني كأني انت واخذ اخر اخباري

وامازحني واضحكني وانــا في داخلي مذبوح
واعاتبني .. والومني واخذ مني اعذاري

واذا كأن الغلا لعبة اذاً وقف هنا باروح
انـــا مااحب هاللعبة .. ولا لي بالغلا العاري

ممـــــــــــــــــــا راق لـــــــــــــــــــــي