يافاعل المعروف

24-09-2008, 11:25 PM

يا فاعل المعروف ياطيب الفال = لك موقفٍ شامخ على مر الأزمان
جتني علوم الطيب من رأس رجال = يثني لبو محمد وللطيب عرفان
ولاهي غريبه من وليده له افعال = ودايم خوي الذيب ماجاه نقصان
الذيب ذيب وكلمة الحق تنقال = ذيب الرجال ونعم في كل ميدان
أبن جعيثن زاهياً جزل الأمثال = أبن الذي للطيب والجود شفقان
ذيب لا منه قنب ردة اجبال = ترزم جبالٍ صم تجاوب بليهان
ونعم ببدر والنعم في طيب الفال = دوار للمعروف يجزى بالاحسان
ابن جعيثن معرب الجد والخال = أبو محمد يا سلايل كحيلان
من لابةٍ عاداتهم تذهل اذهال = عرجا أن صكوا على القوم شجعان
مرحوم عودٍ ورثه طيب الأفعال = عساه للجنة في خلد رضوان
ياجعل قبره فوقه الوبل همال = وشهد البرد زخات من رب رحمان
وصلوا على محمد وأهله وال = شفيعنا في يوم توزين الإحسان
الشاعر =رحيل جديع العنزي ابو نايف