تِجي نَرْقا

تِجي نَرْقا
لـِ حَد الغيمْ
وِنَسْرقْ مِنْ تِفاصيلَهْ
شِوَيّةْ ديمْ؟
وِنِتْبَلَّلْ مِثِلْ طِفْلينْ
وَلا نْفَكِّر بِنوصَلْ وينْ ؟
وِنِتْصَرَّفْ بِعَفْوِيَّة
وِنِلْعَبْ فـِ السِّما شْوَيَّة
وِنِتْخَبّى وَرا نَجْمَة
نِوَشْوِشْ ( حُبِّنا ) كلْمَة
وِتِخْجَلْ مِنْ شَقاوَتْنا
وِنِسْتَغْرِبْ !!
وِنضْحَكْ مِنَّها / نَهْرُبْ
وِأَتْساءَلْ ( خَجَلْها ليهْ ؟!! )
تِجاوِبْني ( لِأَنّي غارِقٍ بِالْحُبْ
وِكِنْتَ اقَبِّلْ ايدينِكْ )
واناظِرْ لَهْ
واضيعْ وْأَغْرَقْ بْـ كَفّيهْ
وِأَسْتَوْعِبْ
بِأَنّي فـِ السّما وَحْدي
وِكِنْتَ احْلَمْ
وِإِن اللّي بُقى عِنْدي
شِوِّيِةْ هَمْ
واحاوِلْ مِنْ جِديدْ ارْقا
يِجوزْ القاهْ
وِأَلْمَحْ يَدْ تِلَوِّحْ لي
وِأَسْمَعْ صوتْ يِنْدَهْ لي
أَرِدْ بْـ( آآآآهْ )
أَثاريها يَد الفُرْقا


.

.

.

الشاعرة : نادية المطيري

 

 

 

 

ابوفهد..
..
كالسحاب احرفك تظللنا..
طاب لي المكوث بين حروفك
أطواق الياسمين لك
يعطيك العافيه اخوي
لك ودي واحترامي..

 

 

 

 

أبو فهد...

الله يعطيك العافيه انتقاء جميل ..
تسلم يمنااااك...

 

 

 

 

ابو فهد

الله يعطيك العافيه ونقله جميله ورائعه دمت بخير

 

 

 

 

ابو فهد

شاكر لك هذا النقل سلمت يمناك
قصيده رائعه وشاعره اروع
لك تحيتي وتقديري