عشرة دقايق.. والشهيق ..اطرش عن صياح الزفير

سريعه لقلوبكم

واهداء للشعب القطري

صبح وظهر ..عصر وعشا ..والليـل كلـه للفجـر=أمير عينـه ساهـره علـى البلـد مثـل الخفيـر
في فكر ابو مشعل حمـد.. افضـل مثـالً للصبـر=حتَى قطَف من ..ما نتج امعَـارض لفكـره ضريـر
بالأمن صحرا قاحله.. صارت مثل.. روضً خضـر=قانونها اللي يطبّقَـه.. رجـلً ثقـه ورجـلً جديـر
والغايه منهـو لجلهـا.. الليـل مـا ينامـه سهـر=ماهو غريب الما يصير اصبـح بمجهـوده يصيـر
في عقله الناضج طريق .. العز والمجـد اختصـر=يحدد ابتحقيقـه.. الأهـداف.. وش بعـد المصيـر
من زارعً حلمه في أرض..وهوّ نفسـه مـن بـذر=أكيـد بااصّـراره وجـدّ ألياحصـد مجنـاه خـيـر
يا هنـيّ الشعـب فيـه.. وياهنـي دوحـة قطـر=خلا شعبه شعـب غيـر ..وارضـه الغنـاء غيـر
وفي كثر أنجازاتها ..يغـري محافـل .. بالمهـر=تعودت حمـل الذهـب.. تعـودت لبـس الحريـر
و استضافة ..مونديال ..العالـم اسعدنـي الخبـر=مبـروك منـي صدقهـا وده مـن الفرحـه يطيـر
أنا سعـودي يـا قطـر مثلـك هكالليـل انتظـر=قلبي معك ..مع شعبك ..يحاتيـه ويحاتـي الأميـر
دام الملك من علم.. الشعـب التواضـع ..لا الكبـر=نفرح لفرحة جارنا.. ويضيرنـا اللـي لـه يضيـر
في ذاكرتنـا اثنيـن ..ديسمبـر و احداثـه حفـر=عشرة دقايق.. والشهيق ..اطرش عن صياح الزفير
جمعت من كل اتجـاه.. الصيـت مسمـوع وحبـر=من ابن مهيد و سالفت ..العز ..والسيف الشطيـر
وانا سعودي وعنزي.. فدعانـي كـل كلـي فخـر=مني مصوّت بالعشا ومن شعب عـون المستجيـر
من شعب أبو متعب عسا يرجع بخير امن السفـر=اللي تَمّلك حبّـه ..قلـوب الصّغيـر امـع الكبيـر
يا اهل العقول الواعيه يا اهل الأدب يااهـل الفكـر=من يمشي في دربه.. وصل.. دامه يواصل بالمسير
ومن يغتني عن فكره بمالـه يبـي يشـوف الفقـر=ومنهو غنيّ الفكـر. مصـدر غنانـا لـو.. فقيـر
تبعثرت مشاعري ..وشطّرتَهـا ..فـي كـم شطـر=تحمـل رسالـه للقلـوب.. الراكـده وفيهـا نذيـر
والشوق لا زاد بعيـون ..اشفـى غليلـه بالبصـر=مااتطس من كثر الوله .. حتـى غيابـه يستخيـر
والنهر من هو عاشبـه.. مايقـدر يعيـش ابحـر=النهر سالم ساكنـه والبحـر مـن قرشـه خطيـر
شف سوآآت الياء فـي ..اول.. احـروف (يغـدر)=لو بعد حرف الغين صايـر موقعـه تقّـرَا غديـر

 

 

 

 

نايف مهدي
حقآ انك اسم على مسمى وما وجدته هنا انك نائف بكل ما تقدم
وبكل حضور نعم انت معرب الأصل والفصل من قبيلة لها طابعها الخاص
بالكرم وهذا ما اوردته بأبن مهيد مصوت بالعشا وكم هو جميل خروجك المميز
انك من شعب ابو متعب الملك الرحوم الملك الانسان ننتظر رجوعه لنا بالسلامه
ننتظر اطلالته علينا وهي العيد بالنسبه لنا ولمملكتنا الحبيه ,,,وقد انصفت بما قلت
بحق ابو مشعل الشيخ حمد الذي عرفنا عنه الطيبه وحبه لجمع الكلمه واللحمه
والنعم بالجميع والنعم بك اخوي نايف,,,لصوغ مشاعرك الصادقه والنبيله
دمت بعافيه ودمت اخ نعتز ونفخر بوجوده

 

 

 

 

روووووعه صح لسانك
تقبل مروري

 

 

 

 

نايف مهدي



صح اللسانك على الكلمات الجميلة دمت بخير

__________________

 

 

 

 

نايف بن مهدي..

شاكره لك كل الشكر لطرحك الراائع اخوي
ابياات قمممه بالرووعه والجمال
ابدااع لايتوقف ماشاءالله
يعطيك ربي الف عافيه
لك ودي واحترامي..

 

 

 

 

نايف

صح لسانك على هذا الرقي وهذا البوح

الذي اجده يلامس وجدان من يقرأه

لك تحيتي وتقديري