على سيوف بالملاقى مهمات

بسم الله الرحمن الرحيم السلام عليكم ورحمة الله وبركاته
احب ان اهدي هذه القصيدة الى كل من عنده حس شعري ويتذوق فعلاً الشعر الحقيقي هي ليست قصيدةً لي لكن هي قصيدة لاحد فرسان قبيلة عنزة وهو بلا شك سعدون العواجي ولا اظن ان مافي احد عنزي يعرفه ولا غير عنزه اظنكم فهمتوني هذه هي الابيات :
ياونت(ن) ونيتها عن تسع ونات=مع تسع مع تسعين مع عشر الاوفي
مع مثلهن وسط الحشا مستكنات=عداد خلق الله كثير الحسوفي
ونة طريح طاح والخيل عجلات=كسرت حدى الساقين غادي شحوفي
على سيوف بالملاقى مهمات=سيفين اغلى ماغدن من سيوفي
احشم بحشمتهن ولو هن بعيدات = وانام لو ان الضواري تحوفي
خليتني ياعقاب مابه مروات=عيالك صغار والدهر به جنوفي
وياعقاب عقبك بالوقت شفت ميلات= واوجست انا من ضيم بقعا حفوفي
مرحوم ينطاح وجه المغيرات=ان جن كراديس السبايا صفوفي
ومرحوم يامشبع سباع مغيرات =وعز الله انه عقبكم زاد خوفي
الخيل تدري بك نهار المثارات =يالي على كل الملى فيك نوحي
والخيل تقفي من فعولك معيفات=تاطا شخانيب الرضم ماتشوفي
من عقبكم مانبكي الحي لو مات=ولاني على الدنيا كثير الحسوفي
ياطول ماجريت بالصدر ونات=على فرق معطرين السيوفي