يابدر ماأنت والعذارى ولايف

	يابدر ما انته والعذارا ولايف هذي القصيده احد نوادر الشاعر جزاء بن صالح بن سند الحر بي مسندها على صديقه وزميله الشاعر بدر بن عواد الحويفي الحر بي ويداعبه فيها لكبر سنه ================================================== ===== يقول الشاعر جزاء بن صالح بن سند الحر بي يابدرمـا انتـه والعـذارى ولايـف=عنهن تراك ابعد من الجدي لسهيـل وفارقـت لامـا مترفـاتٍ عفايـف=بيض العواتق لا بسـات المفاتيـل نجل العيـون معسـلات الشفايـف=وخدرات الأعين والحواجب مكاحيل اللي عبثهـن بالقلـوب الصخايـف=وكلٍ شكى منهن عـذاب وغرابيـل ولو القلوب اجبال صارت خفايـف=وياما غدن بقلـوب ربـعٍ حلاحيـل والا بليد القلـب عنهـن مسايـف=ولا شوّقه دعج العيـون المظاليـل وانته على ماقيل شايـف وعايـف=وعن الركـاب منزل الشيـل تنز يـل ليا صار متنك صاير لـه سنايـف=وتدبح بمشيك واللأحجـة مشاهيـل والزول مهدف والتراكـي نحايـف=ونظارتك سودا مثـل حالـك الليـل وجسمك مثل عظم تضبّـه كتايـف=ولا باقـي الا هيكلـك والعصاقيـل ومن كبرك سنك ماتبيك الوظايـف=والواسطه مالـك عليهـا مداخيـل وعليك من سرحان بعض الوصايف=الذيب الأشهب فيـك منـه تماثيـل ولو شافن الخفرات ماكنت شايـف=مايقبلنك لو قضـن عمرهـن حيـل ماهو ردا بك يـاذرى كـل خايـف=عند اللـوازم نعرفـك بالتفاصيـل من روس ربعٍ ياخـذون العطايـف=وياما اتعبوا من سبّق الهجن والخيل وفعولهـم بمصقـلات الرهـايـف=ليا طوحن سمر العذارى الهلاهيـل وليا اعتلوا فوق المهـار الزغايـف=يردون ساحات الوغى بالمصاويـل وسوالفك عنـد النشامـا طرايـف=طرايـفٍ مابيـن شرابـة الهـيـل مافيك ماينقال وابيـض صحايـف=صحايفك بيضـا بيـاض الفناجيـل لاراجـيً منـك ولانـي بخـايـف=انا اشهد انك من خيـار الرجاجيـل سبعٍ تعشى وان هبـا كـل خايـف=لاشك كبـر السـن مافيـه تجميـل ويوم الصبا وانته رقيت المهايـف=ومعاك في كشف المسافات دربيـل يوم الفزوز اللـي تـرب الحتايـف=تسري وتصبح قدمهـن بالمداهيـل واليوم عصرك يافتى الجود طايـف=واسمح لغيرك قبل يـوم المراحيـل واحذر تعـدي بالرجـوم النوايـف=يمكن علينا تجفّـل الصيـد تجفيـل ورزقك على اللي مايدينـه قظايـف=اللي حمى ركن الحرم من هل الفيل واسلم وسامح بالمـزوح الخفايـف=نبـي سوالفنـا طرايـف تعالـيـل ترى على مثلـك تجـوز العجايـف=والا الردي يابدر مابـه محاصيـل ======================================== رد الشاعر بدر بن عواد الحويفي الحر بي جزاء غزاني شاف غـزوي نكايـف=عنده خبر معرض عن القول والقيـل ساقه علينا من هواء النـود طايـف=نـوٍ ثقيـل وفيـه بـرق ومخاييـل وساسي حجر ماهو عشاش وصرايف=يهزهـا دفّـاع الامـواج وتمـيـل ياللي بحال العـود مانـتـه برايـف=علي ينخونك بعـض نـاس بالتيـل يـبي علـى راسـي يلـف اللفايـف=طاوع صديقه والتمس منه تفصيـل بمكبـرات الصـوت يرسـل قذايـف=وركز مواقعهـا علـى غبـة النيـل صارت صوايبهـن بجنبـي خفايـف=مرن ولا ضـرن سلامـه وتسهيـل يارجل بالشيبان ويش انـت شايـف=زمل الحمول ليـا رغـن المخاليـل مـن لايعـوه بشلفهـم راح عايـف=ليـا دبـرت خيـلٍ وخيـلٍ مقابيـل قطاعة الصحـراء وجـرد الحتايـف=اللي بها حرش الأفاعـي مشاويـل وعندك خبر يوم المعوشه خطايـف=ايـام غـارات العـرب والمصاويـل ومن شب شاب وذاق عجز وكسايف=ذي سنة الدنيا وجيـلٍ بأثـر جيـل وعندك خبـر للجيـل الاول خلايـف=ارجال ماتـوا والخلايـف رجاجيـل ياللي علي اسلوبكـم بـه جحايـف=يبحل به اللـي مايعـرف التحاليـل هوم لو هـو مـن قلـوبٍ نظايـف=ابعد عن الشكه من الجـدي لسهيـل محدود مايلمـس حقـوق الطوايـف=مضمونه الواقـع امـزوح وتعاليـل موضوع ماله يـم غيـري هدايـف=تعليق من صاحب لصاحب بتسجيـل يقول شايـب واحترمـت الوظايـف=والرزق عند اللي تكفـل اسماعيـل وان كان عندك غيـر هـذي لغايـف=ياصاحبي لا تكرب الحبـل بالحيـل مافيـه داعـي للأمـور العنـايـف=العنـف يثـر بالصداقـه عراقـيـل خل الهدف بينـي وبينـك مسايـف=تـرا الجمـال عيونهـا للجماميـل والعـرف قـدوه للرجـال العرايـف=وانتم عـوارف ماعليكـم مداخيـل انتم رجال العـرف مانتـم عذايـف=اهل وفـا وسلـوم قـول ومفاعيـل وصوغاتكم دايـم تجينـي غلايـف=واليوم صوغتكم بها نـوع تشكيـل مهمـا علـي تـدورون الحـوايـف=مانـي معاتبكـم بــرد التماثـيـل وانا من الموضـوع مانـي بخايـف=اخاف يجهل وضعنا سـاري الليـل وتصير قصتنـا مقيـض ومصايـف=نزهـة فـراغ مجمعيـن الدهاويـل ناسٍ تـذوق مـن بحرنـا غرايـف=جهـال تفتـح للسوالـف سرابيـل السالفة لو هـي مـزوح وطرايـف=لازايـده وزنـه ولا ناقصـه كيـل تفسيرها عنـد العقـول الصخايـف=كبر الجبل لو هي كبر حبـة الهيـل لاكـن عليّـه لاتـحـد الرهـايـف=انا محملنـي شقـا الحـظ تحميـل وموسـرٍ عـود القنـا بالكتـايـف=ومسلّم امري رب موسـى وجبريـل حقي من البيض الحسـان العفايـف=دور انتهى ماهـو مغـازل مهابيـل ماهـو غـرام بالهواتـف خرايـف=واحلام بسلـوك الهواتـف مراسيـل اخـص راديـن العقـول الخفايـف=اللـي محبتهـم سماجـه وتضليـل والا الرجال اللي سيّرهـم شرايـف=تنعهم الشيمـه وسلـم الرجاجيـل وحكمك بوضعي يارفيقـي سرايـف=اول هجوم وتالـي الـدور تجميـل خطة نشامـا مابهـا زيـف زايـف=تشـاوروا واومـو لنـا بالمناديـل وارسلت روس اقلام مامـن كلايـف=وارجي السموحه يارفيقي عن الميل ماعامل الطيـب بسـود الصحايـف=اهدي له الصوغـه تحيـات وكليـل لـو كـان حـر ولا عليّـه حتايـف=ارتّـل المعنـى عـن النقـد ترتيـل وارضي بميزان النصف والنصايـف=ماني عوج يحتـاج نظـره وتعديـل وان جنبت مانـي عليهـا مهايـف=ماحمّـل العاقـل شمـات العواذيـل غيبـي بعيـد ولا بنـودي قظايـف=مع احترامـي للنشامـا المشاكيـل والطيـب ادمـح زلتـه والعجايـف=والا الردي شوفـي بعينـه سماليـل في حاله الين من نسيـج القطايـف=وفي حاله اقسى من جبال البرازيـل وتمت وصلوا عـد وبـل القنايـف=علـى نبـيٍ نفـل الديـن تنفـيـل ودمتـــم بخـــير

 

 

 

 

متواضع..

شاكره لك كل الشكر لطرحك اخوي

صح لسان الشاعر جزاء صالح الحربي
ولسان الشاعر بدر عواد الحويفي الحربي
وصح نقلك وتسلم يمينك اخوي متواضع
ماهو غريب عليك الإختيار الجميل
يعطيك ربي الف عافيه
ننتظر منك المزيد
لك ودي واحترامي..

 

 

 

 

ومن كبرك سنك ماتبيك الوظايـف=والواسطه مالـك عليهـا مداخيـل
وعليك من سرحان بعض الوصايف=الذيب الأشهب فيـك منـه تماثيـل
ولو شافن الخفرات ماكنت شايـف=مايقبلنك لو قضـن عمرهـن حيـل
ماهو ردا بك يـاذرى كـل خايـف=عند اللـوازم نعرفـك بالتفاصيـل

الله عليك اخوي متواضع على روعة النقل وجمال الاختيار
دمت بعافيه

 

 

 

 

الأخت سحر الغرام
شاكر ومقدر مرورك الرائع
وتقبلي صادق تمنياتي بالتوفيق

 

 

 

 

الأخ الشميلاني
شاكر لك هذا الحضور العطر
والرد الأكثر من رائع
وتقبل تحياتي وتقديري

 

 

 

 

متوآضع

صح السان الشعار

ولا هنت

تقبل ودي

 

 

 

 

الاخ أحمدموسى
تواجدك أسعدني
شاكرلك هذا المرور
وتقبل تحياتي وتقديري

 

 

 

 

وانته على ماقيل شايـف وعايـف=وعن الركـاب منزل الشيـل تنز يـل
ليا صار متنك صاير لـه سنايـف=وتدبح بمشيك واللأحجـة مشاهيـل
والزول مهدف والتراكـي نحايـف=ونظارتك سودا مثـل حالـك الليـل
وجسمك مثل عظم تضبّـه كتايـف=ولا باقـي الا هيكلـك والعصاقيـل
الاخ متواضع
ابيات قمه في الروعه
اشكرك عاى هذا النقله الطيبه
تقبل تحياتي

 

 

 

 

المشاركة الأصلية كتبت بواسطة محمد غازي

وانته على ماقيل شايـف وعايـف=وعن الركـاب منزل الشيـل تنز يـل

ليا صار متنك صاير لـه سنايـف=وتدبح بمشيك واللأحجـة مشاهيـل
والزول مهدف والتراكـي نحايـف=ونظارتك سودا مثـل حالـك الليـل
وجسمك مثل عظم تضبّـه كتايـف=ولا باقـي الا هيكلـك والعصاقيـل
الاخ متواضع
ابيات قمه في الروعه
اشكرك عاى هذا النقله الطيبه
تقبل تحياتي

المشاركة الأصلية كتبت بواسطة محمد غازي

الأخ محمد غازي
أسعدني مرورك وردك
وتقبل تحياتي وتقديري