،؛،.. حبيبي انقطـــع صوتي وضاعت كل نبــــراته..،؛،~

..حبيبي طاحت الدمعه وسلملي على ذكراك..
..حبيبي انقطع صوتي وضاعت كل نبراته..

..حبيبي لاتعذبني واذا معزم على فرقاك..
..توكل روح وانساني بضم الجرح وآهاته..

..حبيبي ماتخيلتك تروح وتبتعد واجفاك..
..تعال الوقت مايرحم وزادت في طعناته..

..تربع في قفص صدري وارقد لعن ابو من جاك..
..توسد نبضي ودمي وحس بحر زفراته..

..تعال وحس باوجاعي عسى كل الوجع يفداك..
..تعال اسأل شراييني وتسمع ايش اجاباته..

..بتسمع سالفة عشق الخفوق اللي عجز ينساك..
..يبي يقرا على مسمعك ترتيله واياته..

..يبي يحكي لك بلهفه يقول ان الفرح لقياك..
..يبي يستوقف لعينك قصيده واجزل ابياته..

..حبيبي لعن ابو حي القصيد اليا سهى واخطاك..
..مدامه مانصى قلبك ترى اشواله سكاته..

..دخيلك يابعد حزن السنين المهلك الفتاك..
..دخيلك يابعد دمع الحزين وكل غاياته..

..دخيلك يابعد دمع العيون اليا انهمر يبغاك..
..دخيلك يابعد زفرات من حبك وشهقاته..

..دخيلك لاتعذبني مدام الحل في يمناك..
..دخيلك لاتحاسبني على لساني وزلاته..

..يقولون العرب تكرم مدينه من غلا شرواك..
..لاجل عين آدمي واحد ومن شان اعتباراته..

..واقول ديارك بعيني كريمه كله لعيناك..
..معزتها كثر رمل النفود وكل ذراته..

..وشفني مع قصيدي مارقدنا كلنا نهواك..
..تسامرنا تشاجرناوتحدتني عباراته..

..ولكن دامها لاجلك اطوعها على مشهاك..
..واخليها معي خاتم وفي يدي اتجاهاته..

..حبيبي لانصيتك والقصايد كلها تنخاك..
..ابيك تفز لي وانسى عذاب زاد طياته..

..حبيبي طاحت الدمعه وسلملي على فرقاك..
..حبيبي انقطع صوتي وضاعت كل نبراته..

***
.. مما لامس الأحسااس..
..ودي وارق امنياتي..

 

 

 

 

خفوقي عاف دقاته....
يعطيك الف عافيه على ماتطرحيه للمنتدى
لكي شكري وتقديري
(((نسيم الشمال)))

 

 

 

 

يعطيك الف عافيه خيتووووووو

قيصده في قمت الروووعه

لا خلا ولا عدم

ودي واحترامي

 

 

 

 

*** نسيم الشمال & بنت ابوها ***

... اللهـ يعاافيكم ياعسولااااااات والأرووووع مروووركم نورتوا صفحتي فديتكم لاعدمت طلتكم...

.. ودي وارق امنياتي..

 

 

 

 

خفوقي عاف دقاته..

مشكوره يالغلا على طرحك الجمييييل
بجد كلمااات رائعه ومؤثره
يعطيك العافيه وننتظر جديدك
تحيتي وتقديري.