طيف

حور المثاني صفوهن والقاف كل قافٍ وقاف=اللي تصدر فاالصدر تبرك ركبه لرهيف
يالي جلست وحوطك وقف العذارا بالمهاف=ماتقعد الا وقفن واذا قعدن لازم تقيف
ياذنبي اللي غارفن قلبي قبل عقلي غراف=حاشا اذا عيني رأت مثلك شبيه ولا وصيف
سبحانه اللي قيفك بالحسن وازهاك القياف=الطول فارع والحسن ثوبٍ زها بالوان طيف
ياسيد تلعات الرقاب البيض لف انك لفاف=والسمر لا جن من يمينك جبتهن على الرصيف
ياعود مياسٍ تدلا من عناقيدك قطاف=الوردبخدودك تعطف واثمر بصدرك خريف
هاك اربع حروفٍ ذرفهن موسى من قلبه ذراف=معطره ومبخره تعبيرولف في وليف
درين وش هي ياغلا ألف وحأء بأء وكأف=يعني احبك بالشتاء والصيف يحلابك مصيف
كنت احسب ان درب الهناء اقفى وراح البال طاف = حتى الهناء كله لفاني دفعةٍ وحده بضيف
ضيفٍ كريم المنزله عندي وله قدر ومضاف=فنجال من صافي الهواء من دلة الاشواق كيف
ومنهو يشوفك يابعد قلبي ويخلفه المطاف= ماعاد تفرق لويعيش العمر من عقبك كفيف

 

 

 

 

صح لساااااااااااانك,,ابدعت اخوي

 

 

 

 

الشميلاني موسى

صح لسانــك اخوووي قصيده جزله ورااائعه

من شاعر اروع تقبل مروري وودّي وتقديري

 

 

 

 

الله ياموسى شااقول ابداع قليل بحقك
وربي قمه في الروعه هالقصيده

مشكور يالغالي عل كل ماتقدمه


يسعدك ربي دنيا واخره

 

 

 

 

v.i.p

كل الشكر اسعدني المروررررر

 

 

 

 

صح بدنك اخوي خيال القضاه لاهنت


اشكرك على المرور

 

 

 

 

هلا وغلا اخوي رعد لاهنت

كل الشكر على مرورك الجميل

 

 

 

 

يعطيك العافيه يا اخوي على هالابداع

شي رائع وجميل جدا صح لسانك

ما نرتوي منك يا ابو خالد

 

 

 

 

كل الشكر اخي الغالي مؤيد

لاهنت ياطويل العمر

 

 

 

 

الشميلاني موسى

كم انت رائع وكم انت مبدع

تعودنا دائمآ نجد الروعه والنقاء الزلال هنا

شاعر ...مبدع تصوغ الحروف وتسخرها

كي نجد اجمل الدرر هناااااااااا

لك تحيتي وتقديري