لي لابة وقت الملاقا بواتيع

يقول منهو طوع القاف تطويع
اذا امر قاف على طول طاعه
تصبح بنات افكار عقله مضاريع
وليدة اللحظه جديدالبضاعه
ما يارد الا راهيات الينابيع
يشرب قراح وكل هرجه وقاعه
لي لابة وقت الملاقا بواتيع
عدوهم قلبه يجيه انشلاعه
من نسل وايل والحصون الموانيع
دخيلهم يلقى السعد والمناعه
حنظل يسم كبود كل الطواميع
لطامة العايل ونقطع نخاعه
كم راس قوم من نصيب المجاويع
رايح طعام طيور وسباع قاعه
وقت اللزز حنا سيوف لواميع
يادحة الويلان صرتي هلاعه
قولن بلا برهان ماله تسانيع
تشهدلنا ذي قار يلعج شعاعه
درع الخوي سيفه الي جاه ترويع
الين من الماهود وحنا ذراعه
والجار نفهق عن سماه المواجيع
والارض حنا له وحنا متاعه
والضيف له حق علينا تشاريع
سمح الخواطر زينها واتساعه
ويلان وان ضاق الفضاء بالمراميع
نطاحة الغارات في كل ساعه
وسيوفناغمده شكى الهجر ويضيع
تاخذ نفسها من يدين الشجاعه
مشروبها دم الجسور ونواقيع
وماكولها عظمن شديد بفناعه
كنا ولازلنا على الصيت لاذيع
ترقا بنا الوقفات راس الرفاعه
في ظل راية اول الخمس ونطيع
الرايه اللي ماتنكس لقاعه
ويلان بالفرقه ترا مجدنا يضيع
تكاتفو خلو دروب القطاعه
اصغر ولد منا يحوز المنافيع
يقلط على الكايد بقوة نزاعه
عشرين بيت جت صدوره على ايع
والختم في عجزه وقافه ب اعه
زيادمحمدالنعمان العنزي
‏ ༄(( بحرالشمال )) ༄