ياللي طلبتم نبذة عن قصيدي

بسم الله الرحمن الرحيم

ياللي طلبتـم نبـذة مـن قصيـدي *** عن واقع المعقول لا أنقص ولا ازيد
انـا غرامـي وانبساطـي وعيـدي *** تفريعة القرناس بأرض بهـا صيـد
لا شطب الصيحان روس الزبيـدي *** والعشـب جالـه بالمثانـي عناقيـد
والبـدو مايبـدي لهـم بالشديـدي *** تسعيـن ليلـة ماحكـوا بالمواريـد
ضيق بهـم در الغنـم والجميـدي *** مايشربـون إلا حليـب المجـاديـد
والبل وبرها طار وأبـدل جديـدي *** وردوم على الفطر سوات المجاليد
من فضل ربي كـل يـوم تزيـدي *** قامـت عشايرهـا تسـن المفاريـد
والفجر تسمـع للطيـور اتغريـدي *** ليل الشتاء طوله عليهـن سراميـد
هذيـك والله منوتـي ياعضـيـدي *** لا جابها الله من صـدوق المواعيـد
ماكفـه الديـر لرجـم المفـيـدي *** وذوب على خشم الخدار ومشاحيـد
مجهود من نـو الجبـاه السديـدي *** وحصل لها قبل العقـارب تماديـد
غثوه على روس الشجر والهضيدي *** وساق وتساقـي للنفـود وتخاديـد
وفيض على فيحان ريـف البعيـدي *** نبي لنـا بشعـاف لوقـه مطاريـد
علـى اوسـوق مقربـات البعيـدي *** من فوقهن يازيـن مـزح الأواليـد
لا فـرع النـادر وطلعـه وكيـدي *** وحول على جول الحبارى تقل حيد
وسلط على الخرب النشيط العنيـدي *** حاسه وداسـه والحبـاري ملابيـد
يقضي بها الصقـار يـوم جديـدي *** في ساعـة مابـه وجيـه مقاريـد
هذا هـوى بالـي وهـذا رصيـدي *** سوق النظر بين السهال الجراهيـد
لوكان من طـرد الولـع ماستفيـدي *** فتق بقلبي واعـذروا يـا الأجاويـد
نومي تحت طل النجـوم الجليـدي *** عـندي كنـب ومنجـد زل تنجـيـد
لو لامني خطـوا الغشيـم البليـدي *** طرد الولـع مابـه عليـه مناقيـد
وشوف الفياض المخضره يالحميـدي *** وشمة ذعاذيع الهـوى عندنـا عيـد
وللكيف ذوق ولاستمـاع النشيـدي *** لا قلطـوا رسـلان والا بغـاديـد
ثنتيـن هيـل وثالثتهـن عـويـدي *** وكل(ن) على ماتطلب النفـس وتريـد
وقدوعهن من طلع هدب الجريـدي *** احسن نمونه من نما شـرع الغيـد
وسوالـف ماقيـل فيهـا جحيـدي *** بالصيد لا نمـة ولا هـي هرابيـد
ساعـات نقضيهـا ويـوم سعيـدي *** ولادامت الدنيا لعامـر وابـا زيـد
الـدايـم الله والفـنـا للعـبـيـدي *** والرزق عند منـزل الـدر بالديـد
محي الهشيم اللي عروقـه هميـدي *** رزاق ماتحت الصخـور الجلاميـد
والله يدبـرنـا عـلـى مايـريـدي *** وصلوا على اللي وحد الدين توحيد
الشاعر بدر عواد الحويفي الحربي ,
رحمه الله

 

 

 

 

متواضع..

صح الله لسان الشاعر بدر الحويفي
فهو شاعر غني عن التعريف
وسلم الله يد ناقل القصيده الاخ متواضع
تحياتي لك على النقل المميز والرائع
لاهنت ولا عدمنا جديدك
لك ودي واحترامي..

 

 

 

 

الأخت سحر الغرام
شاكر لك جمال وروعة ردك
واللي يجبرني على طرح
هذا الكم من المواضيع باليوم الواحد
هو قلة الطرح من الإخوان إلا القليل منهم
وتقبلي تحياتي

 

 

 

 

قصيده جزله لشاعر جزل
تسلم اخوي متواضع على الاختيار الطيب

 

 

 

 

الأخ بدر الشمال
شكرالك لهذا التواجد الرائع
وتقبل تحيتي وتقديري