مجاراه قوية جدآ؟؟؟!!!

ناس ترى ياخوك ماهي على الكيف
كم مرتٍ ياخوك شفت العجايب

ناسٍ تصنف بالسوالف تصانيف
مثل العمى ماشاف بالعين طايب
الشاعر:-
سعود بن معزي العواجي
⭕⭕⭕⭕⭕⭕⭕
راع العصا مايشبه لراعي السيف
وبعض. الاوادم ماتفك الطلايب

فصل الشتاء وش جابه لموسم الصيف
نفح النسيم بعكس ريح الهبايب
الشاعر :-
اخوك خالد الركعان
⭕⭕⭕⭕⭕⭕⭕
لاتسمع هرج محرف الهرج تحريف
ابعد وتبعد عنك كل النشايب

عليك بالطيب بعيد المحاذيف
خاو الرجال وخل عنك الزلايب

الحر يرقب عاليات المشاريف
والطيب عرفه (يالعواجي)كسايب

وختامها بالمسك يامكرم الضيف
والله يجيرك من جميع النكايب

ماحب انا مخلف ولااداني خليف
والطيب وهبه من جزيل الوهايب
الشاعر :-
مقبل شطي المطردي
⭕⭕⭕⭕⭕⭕⭕
بعض العرب ون سولفو للسواليف
كلن يوردها على غير صايب

هذا يحرفها ومن غير تكليف
وهذاك جاهز للنشب والطلايب
الشاعر:-
متعب بن ذيبان الصقري
⭕⭕⭕⭕⭕⭕
عليك بالي سلته سلة السيف
عندالعزاوي مايهاب المصايب

سيفن على العدوان ولعزوته ريف
واليا نخيته عنك ماهو بغايب
الشاعر:-
عبدالكريم خلف الجبوري العنزي
⭕⭕⭕⭕⭕⭕⭕⭕
(يالوايلي )يامكرم الجاروالضيف
الله يجيرك عن جميع المصايب

يالحرياللي في حلوالمشاريف
المرجله (يابن معزي )وهايب

الناس شتى في جميع التصاريف
والكامل الخالق مدير الهبايب
الشاعر:-
كاتب ابن عريفج اليمني
⭕⭕⭕⭕⭕⭕⭕
(ياسعود) بعض الخلق عايش على الزيف
عايـــب ومثـــله بالــــمخاليـــق عـــــايب

من عاش عـــمره بالحـــيل والتــخاريف
مـصــير وقتــه يرجـــع اليـــوم خــــايب
الشاعر:-
حمد بن سالم الصنعاء
⭕⭕⭕⭕⭕⭕⭕
ماكل من تعرف يجيلك على الكيف
لا بد ماتلقى في بعضهم غرايب

تبي تصادف من الاوادم ملاقيف
ياكثرهم ياسعود بين القرايب
الشاعر:-
محمد بن لافي العنزي
⭕⭕⭕⭕⭕⭕
ندمح خطا نايف على حشمة منيف
لو أن نايف مابه الا الطلايب

العاقل الي يصرف الوضع تصريف
يحلها قبل تصير النشايب

الشاعر والاديب:-
عيد بن راشد ابن كليتا الصقري
⭕⭕⭕⭕⭕⭕⭕⭕
(ياسعود )يانسل الرجال العواريف
نطاحت الصابور يوم الحرايب

ماتسلم الدنيا ابليا صواديف
يعصف بها عاصوف صلف الهبايب

وعندك (يابوساجر) خبر بالملاقيف
كم مشكله صارت وهم السبايب

بين الرجال فروق عند المواقيف
تطلع بها ارجال" تحل الصعايب

وبعض البشرمافيه صرفه وتصريف
لوكان حاضر يحسب حساب غايب

تلقاه دوم يصنف الهرج تصنيف
ويعد نفسه مع رجال النوايب

والطيب ماهوهرج باطل وتزييف
ماضنتي يقدر على الطيب خايب

الطيب كايد فيه كلفه وتتكليف
ماتدركه غير الرجال الوهايب

الي مثل شرواك لمسيره ريف
اهل الوفى واهل البيوت الرحايب

(يابن العواجي) ملتجا الجار والضيف
اهل الوجاه اميلين العصايب

يوم انها بالرمح ومصافق السيف
وصاحن على الفرسان شقر الذوايب

يجونهن مثل السباع المزاهيف
ضفوم الرجال مجريت كل هايب

وايل هل الرده اليا صار تعنيف
لاثارت الهيجا وشبت شبايب

والذ لصديق من نسمة الطيف
والذ من نفحات عذب المطايب
الشاعر:-
خليل مسفر الطلوحي
⭕⭕⭕⭕⭕⭕⭕⭕
سادو ربوعي يوم للريق تنشيف
مبطي ترى الافعال يوم الحرايب

في حكم (اخو نوره) تفرعنبه الشيب
والحصني ابوذنيب فك النشايب

من جنبك ((ياسعود)) عده ولا شيف
ومنهو نصاك انته مجيب النوايب
الشاعر :-
حامد بن مفلح بن فليح العواجي
⭕⭕⭕⭕⭕⭕⭕⭕⭕
بسم الذي يسقي الكبود الملاهيف
الواحد المعبود جزل الوهايب

وسلام مني في معزه وتشريف
تحيتن تشمل جميع الحبايب

اللي مجالسهم بها يكرم الضيف
ومركاضهم يسبح به الدم رايب

والسيوفهم وقت الحرايب مراهيف
وعدوهم يصبح من الحرب تايب
الشاعر:-
عبدالجبار المشيطي
⭕⭕⭕⭕⭕⭕⭕⭕
مأكل هالعالم بسادت عواريف
ترى الذهب ماهو سليم الشوايب

واللي يدور من وراها زواريف
الناس ماتخفى عليها الغلايب

واللي يحذف ثم يعمل تحاريف
ماهو بهم ويمسي الصبح ذايب
الشاعر :-
الحميدي بن نبات ابن صنعاء
⭕⭕⭕⭕⭕⭕⭕⭕

 

 

 

 

مشكور اخوي لجميل ورقي وتميز الاختيار
دمت بعافيه