ديوان الشاعر عبدالعزيز بن عواد العنزي

قصيدة الشمعه

سهرت الليل مع شمعه= تحاورني عن احوالي
بدت تسألني بدمعه = سببها واحدن غالي
تقول الناس مجتمعه = وقول المجتمع خالي
تقول الهم مرتضعه = وقول الهم هو خالي
تقول الموت مقتنعه = وقول الموت بفعالي
تقول الحق تتبعه= وقول الحق بضلالي
تقول العين منفزعه= وقول النوم ماجالي
تقول الرجل من ربعه= وقول ربوعي ازوالي
تقول اسألتي ( السبعه )= جوابك خمد اشعالي
وذاب الشمع في نبعه= وقفا النور ونزالي
وهلت عيني الدمعه= ومال من البكى عقالي
نهايه هذي الشمعه = سؤالا يطرح التالي

 

 

 

 

قصيدة تبي الصراحه

ماعاد لك حشمه ولا لك مكانه =عز الله انك طحت من وسط عيني
لا تعتذر لا من وصلت الاهانه =عندك توقف ونتبه لا تجيني
اعذرك لامنك غلطه بماينه =الا الاهانه عذرها مكتفيني
يومن سره كاتمه في لسانه =قصده يغبي نيته لا تبيني
ماني غشيمن ضايعن في زمانه =اقرا كلام عيونكم في يميني
كنت احسبك رجل (ن) لطيف وتكانه =كنت احسبك وقت البطا تحتريني
كنت احسبك دربي دليل وظمانه =وثرك لدرب الفاينات تهديني
الحمد لله عزتي في حصانه =لنته ولا اللي قبلكم لي يهيني
مبطي شموخي مايجي لطمانه =مبطي شموخي بالغلا محتويني
صلح مفاهيم الكلام بصيانه =والافضل انك تبتعد لا تجيني
تبي الصراحه للاسف والامانه =عز الله انك طحت من وسط عيني

 

 

 

 

كل الشكر ونتمنى اعطاء القارئ الكريم

نبذه مختصره عن الشاعر عبد العزيز العواد

لكى يتم التعرف عليه اكثر والله الموفق

 

 

 

 

شاكر لك اخي هذا التواجد

وهذا الرد الطيب

معلومات الشاعر هي :
الشاعر عبدالعزيز بن عواد الجراح المهيد

لك تحيتي وتقديري

 

 

 

 

مرثية بوفاة الشيخ : كريم ابن طواري الشميلاني العنزي

صدر الشمالي ضاق والبال طفشان
وحـارت بـي الأفـكار روحـه وجيه
جـانا الخـبر عـبر القـناوات بـعلان
يـقـول مـات الشـيخ والله الـبقــية
هلت دموعي دم من وسط الأعيان
وطاح القلم والحـبر من بين أيديه
قالوا توفى الشيخ وقـفًت عجـزان
اليـوم قـبل العـصـر جـته المـنية
وقــفت كم ساعـة أفـكر وحـيران
بماضي فعول الشيخ ذيب السرية
وجتني ردود الفكر بصياغ قيـفان
ونـوخـتها لـعـيــون نــوت النـدية
مرحـوم يا شيـخا تعـلى ولـه شان
تـبـقى عــلومـه عـز لــلوايلـيه
يا ليت بالدنيا من أوصافك اثنان
ما شفت بعض الناس ينكب خوية
تـبقى عـلومك للمناعـير نـيشان
رمـز الكرامة والأدب والحـمـيه
الطيب ساسك والكرم لك عنوان
شـيــخ المـشايـخ مـدتـه حاتمــية
عندي من أفعالك دلا يل وبرهان
تبـقى بعـز المـجد مثـل الوصـية
حـرآ مـثل شرواك لصيد شفـقان
طرح الشبك ما جيب بالطايريه
لا شك من يجنيه ما ظن خسران
ما يخـسر الأجـواد كـود الرديـه
مرحوم يا ابن القرم يا الذيب سرحان
تـبكـيك وايـل مـع كــل السمــية
ويا الله تجـزا هـل الطـيب بحسـان
وتغـفر لـهم يا الله من كــل ســيه
وختامها يا ضعف حالك يا الانسان
فــي يــوم وبساعـة تجــيك المـــنية
من بعد لبس البشت ملـفوف بكـفان
فــي وسـط تـابـوتـا علـيه الهــويـة
وخـلوك فـي قـبرك وحيـدا وحـيران
مـا تنـفـعك يا لــيت والـمرجــعــية






الشاعر: عبد العزبز عواد الجراح المهيدي