مايحسب حسابي حسلب الشواعير-يحسب حسابي من مضامين الاخيار

في مكمن الابـداع حلـو التصاويـر=
فوق الخيال وكل صـوره لهاايطـار
وعلى البحر سويت مثـل الدواويـر=
ناري شجر واسمي نحته على احجـار
وشبحـي امـام ولااتلفـت ولااديـر=
بوجهي واطالع من تعدا وهـو مـار
وان جيت ابصعدساميـات التطاويـر=
برقٍ تساما حدر شكمانهـا نـار
طيـارتـن تكشفـتـها التـقـاريـر=
وهي بالخطوط السالبه عقل الانظـار
تولجوهـا ربـع كـوداك تصـويـر=
وتسلطوا هـل الصحايـف بالانـوار
ومـن صالـة استقبالهـا للجماهيـر=
اعلان سابق رحلته صـوت وانـذار
لايبقى واحـدو المقاعـد بهـا كثيـر=
تسع جميع النـاس اكبـار واصغـار
مـن ابجديـات الحـروف الازاريـر=
وشاشاتها في باطن الارض سونـار
وكاني بصورهاللـعـلام تصـويـر=
حق ٍ وانا شاعر وافاخربالظهار
وادلـل الابكـار مـثـل المقاتـيـر=
الابكـار معنـى والمقاتيـر الافكـار
واسرح بهن بين الحضر والمناصير=
وانا محلـى كاشـفٍ كل الاقطـار
وان شرع بليلي ريـاح ومعاصـيـر=
اثبت تقل مدقوق بـا لارض مسمـار
وهجسي هجوس وخاطري يكفخ الطير=
حرٍ على اليمنى قبـل لارفعـه طـار
صوال جـوال فـوق يحـوم ويغيـر=
ويشوف بعيونه تقل شـوف منظـار
يرصد مكانه من على شامـخ النيـر=
ويقصف بعيد القصف قصاف الاعمار
من صفقته طير الحبـاري شعاثيـر=
في سطوته بالجو عقب لهـا غبـار
كـف اشقـر مايجلـب الاالتباشيـر=
يستاهل العـزه علـى متـن صقـار
صقار وربوعي رجالٍ مغاوير=
ربعي هل الهدلا صناديد الاحرار
ويابوي كف العذرعـن كـل تقصيـر=
خذ من يمينك واجدعه عنـك ايسـار
ادري بك انك تسمـع وتـردم ببيـر=
وادري بك انك صابرٍ رغـم ماصـار
يالي عليك الشـور بالاصبـع يشيـر=
ياحقل مكنـوزُ مهـو حقـل غـوار
يابـن المراجـل ياحفيـد المناعيـر=
ياكهرباء الاحسـاس يالمبـة الـدار
قـدرك مهـو باحسـاب والامعاييـر=
تفداك كل الارض مـن دون معيـار
في بيض قلبك شفـت زل النواويـر=
في واحةٍ ماتشتكـي ضيـم الامطـار
مساك ربـي كـل ماتمسـي بخيـر=
وصبحك ربي كـل ماتصبـح نهـار
خالقك ربي غير عـن المـلا غيـر=
عندي وربـي غير يالوالد البار
يامتعـب حالـك لجنـي المعاسـيـر=
ياربي جعلك مـن طويليـن الاعمـار
ياقبلـة الله يالوجـيـه المسافـيـر=
سل سل سبيل المرج بالبـارد الحـار
ريف الضعيف وملتجى زبنـه مجيـر=
مرفى خمال الصاحب وحاشـم الجـار
ولانك ابو خالـد زبـون المقاصيـر=
يفـداك كـل النـاس كفـار وابـرار
يانسل قوم يقحمـون الطوابيـر=
قـومٍ لهـم بالطايلـه رمـز وشعـار
عيـال وايـل معتليـن المشاهـيـر=
كبار الجموع املوك وشيـوخ وامـار
هل الخليج اللي طفـح بالمححاحيـر=
والا البحر لاصار مكنـون الاسـرار
ربـعٍ تـرد القـوم قبـل المناذير=
وتعاود الغـاره معـا رجفـت الطـار
سترالبنـات المتـرفـات الغنـاديـر=
ضيم الرجـال المحكميـن بالاصـدار
والمنذريـه بنـت وألـي المنـاذيـر=
يوم ازبنتنا صاحـت الارض ذيقـار
حنا كعـام اللـي براسـه سعاطيـر=
خلنا نمـوت ولايجـي زبنـا العـار
صارت على كسرى حساف المخاسيـر=
والروم ضاقت حين سمعـت بالاخبـار
اقفى زمان وصاحـب اليـوم تغييـر=
اليوم مابه جيـش وارجـال ومهـار
ولا تنده الاجـواد باسـم المناعيـر=
خطو الرجل توخذ حريمه ولاثار
مهو مهم من ويـن جتـه المصاديـر=
لاطالمـا انـه ساحـبٍ خلف تيـار
يالله تكفينـا صــدوف المقـاديـر=
وتستر علينـا تالـي الوقـت ستـار
يوم الحضيض اللي لحق فاله الخيـر=
المسعـد اللي خابـر العـمـر مـشـوار
ياكثر ماسـوى جمايـل وبـه خيـر=
ماضره احد ولايجي منـه الاضـرار
والساعه اللـي وقفـت دون تعييـر=
وضـح الادلـه والعلامـات شهـار
يجمـع جداهـا بايـدات الشعاثـيـر=
ويلحق خلفهـا مـر علقـم وصبـار

 

 

 

 

المشاركة الأصلية كتبت بواسطة الشميلاني موسى

ياقبلـة الله يالوجـيـه المسافـيـر=
سل سل سبيل المرج بالبـارد الحـار
ريف الضعيف وملتجى زبنـه مجيـر=
مرفى خمال الصاحب وحاشـم الجـار
ولانك ابو خالـد زبـون المقاصيـر=
يفـداك كـل النـاس كفـار وابـرار
يانسل قوم يقحمـون الطوابيـر=
قـومٍ لهـم بالطايلـه رمـز وشعـار
عيـال وايـل معتليـن المشاهـيـر=
كبار الجموع املوك وشيـوخ وامـار

صح السانك ياموسى الشميلان وبيض الله وجهك

 

 

 

 

موسى الشميلاني

صح لسانك ونعم والله بعيال وايل
وبيض الله وجهك

 

 

 

 

في بيض قلبك شفـت زل النواويـر

في واحـةٍ ماتشتكـي ضيـم الامطـار

بارك الله فيك أخي موسى

 

 

 

 

ابو عيسى
صح لسانك ويستاهل ابو خالد

 

 

 

 

صح لسانك واعتلا شانك وانا اخوك
قصيده جزله ومفردات روعه
الله يوفقك ويخليك لعيون ترجيك





يسعدك ربي دنيا واخره

 

 

 

 

صح لسانك
اخوي موسى

 

 

 

 

اينما تبحر يا موسى نجد الابداع منك انت لا الطريق اللذي تسلكه

الحرف بيدك يا موسى له صورة وطعم ورائحه ولك احلى تحيه

صح الله لسانك والله يفككم من كل شر ويفك جميع المسلمين

 

 

 

 

صح لسانك أخوى موسى على القصيدة الجزله

 

 

 

 

ص لسانك اخوي موسى على القصيده