لاتشتكي ضيم الليالي لمخلوق 】

لاتشتكي ضيـــم الليــــــالي لمخـــلوق
محـدن يسرك غير رب الخـــلايــــــق



عــــالم خفيـــــــات الملا دون منطوق
الواحـــــــد اللي كل قــــــوله حقايـــق



أدعه رجاء ثم اطلبه خــوف مع شــوق
يســـمع نداك وعنك يجـــلي المضــايق



اصلح فؤادك والتمس ســــكـــة الذوق
تعيش بين النــــاس من دون عــايـــق



وترى عمـار الدار في النــصح برفوق
والبعــد عن درب الــدنـا والبــــــوايق



العـــلم والايمـــــــان يرفعك الى فـــوق
والجهــل ظلمـــــا صاحـــبه غير فايــق



ولاتنزعــج وان طالك الــــدهــر بعقوق
لابد من يــــومن بــــه الـــــوقت رايـق



دنــيــاك دون العـــافيه كــرت محــروق
حــــــــذراك لاتكــثــر عليـها الشــفايق



دنيــا العناء من طبعها غرب وشـــروق
مهـــمــا اقبـلـــت سـيــورها للعـــوايــق

مما رآآآق لي
واتمنى تنال اعجابكم

 

 

 

 

صح لسانك يابدر الشمال مشكور على
القصيدة وما قصرت كلمات جيدة ومفيدة
تحياتي وشكري لكْ دمت بووووود ,,

 

 

 

 

بندر

شاكر لك هذا التواجد وهذا الرد

لك تحيتي وتقديري