(الشعر عندي له مكانه وبصمات)

الشعر عندي له مكانه و بصمات
ولا كـل شاعر لا بغى الشي جـابه

فيهم نجـم يـدور بيـن المجـرات
خيـال واســع كـل شـاعر يهـابه

وفيهم قليل عرف شعره تفاهات
شعره فلس ما كل رجلٍ درابه

وفيهم ردي دايم اموره ضعافات
يتعب على شحذه ولاحدا هقابه

صحيح للشعّـــار هيبه و وقفات
والجزل يظهر في نهار المجابه

ولا عّم شعّـار الفخر و المـقامات
اهل العقول السـاميه والمهابه

المفرده لا جت غريبه و بالذات
فيهــا المعـانى نادره مـاتشابه

اسرج خيول الشعر وقت المهمات
وابحر مع الهـاجس بــعز ورحـابه

من شاعر له بالمشاعــر مجـالات
وصدري فضى ما كل شـي عـدابه
#
سعــود بن معــزي العــواجي