يامنتدى الشميلات.........................................

يامنتدى الشميلات يكفيك الخمول=الصبر منك ضاق قدر واحتمال
اشوف كل اعضائك تسجل دخول =واللي يشارك بس انا وبدر الشمال
ارجو عسى هالحال هذا مايطول=ان طال هذا الحال ا تلاه الزوال
الناس ترقا و انتم اللي في نزول=وانتم قبل هاليوم مضرب للمثال
انتم بكم شعار واللباب وعقول=واهل بصيرة فكر واكتابة مقال
ياصاحبي اما تجي حسب الاصول=والا اليا .. قفيت لاتنده تعال
اطَرح سؤال احيان واعطيك الحلول=واخذ حلولك كل ماحترت ب سؤال

 

 

 

 

عاجز عن الرد مدري وش اقول=== ابيات تشرح للوفا كل حتمال

 

 

 

 

اخوي موسى
قصيده صادقه بكل حرف من حروفها
المشكله ليست المنتدى المشكله تكمن بالشميلات انفسهم
الا ما ندر منهم والبقيه الله يكون بالعون لا يعرفون اللي لهم الا وقت الحاجه
وكما قلت ان الناس البقيه ترقا وهم في نزول وهنا المصيبه لا يعون ما تتمناه انت وانا
واخونا بدر الشمال واخوي رحيل الا بعد فوات الاوان
وهنا من المفروض يظهر دور الاخوه والاخوات المتعلمين منهم المدرس ومنهم الطبيب
ومنهم رجل الاعمال فهم المسؤلين عن هذا الخمول
ولكن عزانا الوحيد هوا انت والاخ رحيل والاخ بدر الشمال فأنتم الكل بالكل وانتم النبراس
الذي ينور لنا الطريق وفقكم الله لكل خير

 

 

 

 

اخي موسى بن عيسى

قصيده تحمل مضمون نبيل وهادف

اخي الكريم تم افتتاح المنتدى للألفه والتواجد والتواصل

ولم ابخل بأي شيء يجعله يعبر عن قبيلة الشميلات بالمعنى الحقيقي

لكن اخي الكريم ان اجبر ابناء العمومه على التواجد والمشاركه به هذا ما لا املكه

علمآ ان تواجدهم هنا يزيد المنتدى تألقآ وشموخ ورفعه .... وهذا الشيء يتجاهلونه

ولا يعلمون ان ما يقدمونه هنا هوا لهم ويحفظ لهم تراثهم وتواجدهم بالمجتمع ولو نظرنا

الى منتديات القبائل الاخر اصابنا الالم لوضعنا نحن القبائل الاخرى متواجدين ويدعمون

منتدياتهم ويجتهدون للرقي بها بعكسنا نحن ..... لا اعلم ما هي اسباب العزوف عن المنتدى

لكن ما اود قوله يكفي تواجدك ودعمك انت والاخ رحيل الجديع ومتابعتكم الدائمه وشعوركم بالواجب

وهناك لنا اخوه واخوات يتواجدون معنا نثمن لهم ذلك ولن ننسا لهم مشاركاتهم وردودهم


اخي موسى ننتظر من الجميع الدعم والمسانده لنواصل المسيره النبيله


لك تحيتي وتقديري

 

 

 

 

الاخ

موسى بن عيسى


صح اللسانك وعلا شانك كلنا مقصرين الله يرحم الحال

 

 

 

 

الناس ترقا و انتم اللي في نزول=وانتم قبل هاليوم مضرب للمثال
انتم بكم شعار واللباب وعقول=واهل بصيرة فكر واكتابة مقال

اخوي موسى

اقف حائرآ ومتألمآ امام قصيدتك لأنها تعبر عن حال المنتدى الذي
يحمل اسم الشميلات وكلنا مقصرين اخي الكريم والشميلات كلهم
مقصري اتجاه هذا المنتدى الذي لا يعرفونه الا وقت ارسسال الرسائل
وانا هنا اقول لأخي ورفيق دربي (بدر الشمال ابو عبيد)
جزاك الله كل خير وما قصرت ولا جا منك قصور لكن نحن المقصرين
وكل حقك علينا لأن الغيره ماتت عندنا بهذه القبيله ولا يهمنا الا مصلحتنا
وهذا اللي حاصل ومن اراد ان يفسر قصيدتك يجد انك قلتها من قلب صادق
هدفه هو تكاتف هذه القبيله لبناء مجدها وكتابته لحفظه للاجيال القادمه
اخي موسى اتمنى ان يقف الجميع امام البيت المقتبس من قصيدتك
لكي نحاسب انفسنا ونتكاتف جميعآ للرقي بأنفسنا وقبيلتنا


دمت بعافيه اخوي موسى

 

 

 

 

رحيل بن جديع


شذى الورد


بدرالشمال


محمدالرمثان


الشميلاني


الله يعطيكم العافيه على مروركم وتفاعلكم مع الموضوع



كل الشكر لاخلا ولا عدم