الي(رحيل بن جديع) من يهمه الامر......

ياهل الصرح المثبت في عليِه= كن سقفه بالسماء وارضه خلاوي

منتدى الشميلات ولكل البقيه=يانجوم قدرها بنفس التساوي
سوقتي مادام للنيه مطيه=سوق وضحٍ بينهن متن العراوي
نوخن بالبال والافكار ليه=من شهدها حار في صفوا النقاوي
كسبت اللي ماتعطاها عطيه= وسمها معروف لو فوقه غطاوي
شاعرٍ كلما تفجرشاعريه=ثارنار وشب فكر وفاح جاوي
رسمته بها الحروف الابجديه=اتحلحل مع رمعات الحجاوي
هلها مثل الهماليل الهميه=مع هللها يلمع البراق ضاوي
وقافها كلما زها بالبس زيه=زول شيخٍ لابسن بشتٍ حساوي
ليه؟ لجل تموت لعيونه بنيه= وينفتن لاشاف زوله كل غاوي
كان مااصعد عليه الاولويه=فوقها والا على نفس العلاوي
والا والله ماقبلة الي تهيه = من رضى بالهينه حظه دناوي
ومن دنا ماله مع الويلان هيه=وانا ربعي من لهم رغب المناوي
وايليه من سلالة وايله=يومها بالسيف تنبيك العزاوي
الفخر والعز فيهم والحميه=عدو عينك ايتعذره المداوي
يارحيل ليتك ترد التحيه=ياعريب الجد يازبن الجلاوي
يارحيل وش اسوي بلي بليه=لاعبه في هاجسي من دون تاوي
خاطرن له مارد حواض المنيه=شاعل بالفكر كل ليله سراوي
ايتعذر كل سنه بالعذر خيه=يجمع من البيض ويصف الغناوي
كل عام حايلته المقدريه=وشاعر المليون مع ظرفه مخاوي
واعدونا هالسنه في وقت جيه= وانا يابن جديع كل وقتي حراوي
وامنعوهم ربعنا باسباب سيه=وانا ذيبي عقبهم باليل عاوي
وش اسوي والاعلاج اتلاه كيه=وانا فيهم كل سنه راغب وناوي
خايفٍ لاارتكب فيني خطيه=وانحرف بالشعر ويقال الفلاوي

جاك حرفي يامن بعلوا سميه= ايتمنى الشور يالحر النداوي

لتوضيح لطلب البعض-- متن العراوي

متن من المتانه - العراوي هي العروه بقوة الترابط مثل العروه الوثقى

 

 

 

 

الشميلاني موسى...

شاكره لك كل الشكر لروعة القصيده
كلماااااات رااائعه وجميله
صح السااااانك اخوي
ننتظر المززززيد من كتاباتك الرائعه
يعطيك العافيه اخوي
لك ودي واحترامي..

 

 

 

 

اخي الشميلاني موسى
اشكر لك حضورك العذب والقصيده جزله من جزل
وكل قصائدك جزله من طيب اخلاقك
وابداعك لا يعلى عليه
فا انت صقر المنتدى
ونتظر الرد ياابو عيسى مني ان شاالله
تقبل ردي المتواضع ولك تحياتي وتقديري

 

 

 

 

صح الله منطوقك اخوي وولد عمي الشميلاني

قصيده جزله من شخص جزل الى شخص رااااقي

يستااااااهل الخيير ابو جديع ننتظر جديدك يالغالي

 

 

 

 

اشكرك اختي ســــح ـــــر الغرام كل الشكر على تواصلك الجميل

 

 

 

 

اخي واستاذي الكبير رحيل بن جديع اشكرك على مرورك الكريم
وردك الطيب كما يسعدي تواجدك في متصفحي
وذلك يعطي رونق جميل لقصائدي
تحيتي لسموك ....

 

 

 

 

هلا اخوي صقروايل ماعليك زود ياغالي وكل الشكر لك

متابعتك شرف لاهنت