سآمريآت (2)

قصائد سامريات

بطلب من أحد الأخوان
جبت لكم مجموعه من قصائد السامري

البارحه ساهر ماغمضت لي عين .... أبي المنام الهني والنوم جافيني
كله على شان موعد ناعم الخدين ... سريت له يوم صار الليل ليليني
طقيت بابه على هون وقالت مين .... قلت افتحيلي شديد البرد حاديني
قالت تفضل هلا وأدخل ببال زين ... وللي تبي يا وزين الروح من عيني
أضفت علينا الستار ثم أسترحنا شوين .... يا دنقت شعرها الاشقر يغطيني

_________________________________________

يالليل يا جامع على الود قلبين .... لك عادة تجمع قلوب الولايف
ياليل ما ترحم قلوب المحبين ... وقلب تضمده الضلوع النحايف
يالليل ما أحلى نظرة العين بالعين ... في غفلة الحساد نبري الحسايف
يالليل شفته مره عقب عامين ... وأنا من الفرقى على القلب خايف
يالليل فرق بينا نازح البين ... متى تشوف العين نابي الردايف
يالليل في قلبي من الشوق جرحين ... ودوا جروحي بين هاك الشفايف
يالليل أنا لي عن هوى القب شهرين ... ليتك تقرب لي حسين الوصايف

___________________________________________

ياسلام وياسلام الله ... ياحمام جر الألحاني
صابني من بد خلق الله ... صابني مير الله أحياني
الجمال اللي عطاك الله ... ما عطاه لواحد ثاني
من يعين ومن يخاف الله ... صابني سحاب الارداني
قال لي ماشفت عبدالله ... قلت ماشفته ولا جاني

_______________________________________

سقى الله منازل نور عيني شمال أركان ....... منازل حبيب عن هوى البيض سلاني
حبيب إليا منه نطحني وأنا زعلان ... تجلت همومي لا تبسم وراعاني
حبيب على شانه هللي غدو عدوان ........ وهي حرقة خدة بدمع على شاني
سقى الله سقى الله من سقاني وانا عطشان .... وعلقلي القربة على الدرب وأسقاني

___________________________________________

يا ذا الحمام اللي سجع بلحون ... وش بك على عيني تبكيها
ذكرتني عصر مضى وفنون ... قبلك دروب الغي ناسيها
أهلي يلوموني ولا يدرون ... والنار تحرق رجل واطيها
أربع بناجر في يد المزيون ... توه ضحى العيد شاريها
عمره ثمان مع عشر مضمون ... مشى الحمام الراعبي فيها
يامن يبصرني وانا مفتون ... روحي ترى فيها الذي فيها
وبالولع والحب انا مجنون ... ياناس انا وش حيلتي فيها
يامن يعاوني على الغليون ... والدلة الصفراء مراكيها
ستة بناجر وأربعه يزهون ... واذا اقبلت فالنور غاشيها
أبو هيا طرب تشيل فنون ... ماثمن الدنيا وطاريها

_________________________________________

ياعين هلي صافي الدمع هليه ... واليا قضى صافيه هاتي سريبه
ياعين شوفي زرع خلك وراعيه ... هذي معاويده وهذي قليبه
من أول خلي قريب ونرجيه ... واليوم جيتهم علينا صعيبه
يمرني بالسوق ما عاد أحاكيه ... وياكبرها ياعبرها من مصيبه
اللي يبينا عيت النفس تبغيه ... واللي نبي عيا البخت لا يجيبه

___________________________________________
مريت بيت للمحبين مقفول ....... وجابتني القدره على حد بابه
سألت جيرانه عسى البيت منزول ..... قالو حبيبك راح واشقابه
له مدةٍ بالسوق ماشيف له زول ....... وبابه عليه من السوافي ترابه
وهلت دموع العين والقلب مشغول ...... عند الفراق اللي حصل في غيابه
وأقفيت واللي بين الاضلاع مجهول ..... حب درسته غيب ماهو كتابه
أهلا هلا بك ناعس الطرف مكحول ..... مادمت أنا حي لحبل الرجاء به

________________________________________

يالله اليوم يارواف ...... يا بالافراج عاوني
خوفوني وانا ماخاف ..... واحسب الضلع يزبني
هيه يا لايم الميلاف ....... ماتشوف الجمل حني
ليت لي بكره ميلاف ....... واحتلبها عن المني
الحذايا غدن رهاف....... والحفا يرعب الجني
يحسبني عمى ما أشاف.... يتقي بالنخل عني
لابس ثوبه الرفراف ... والردايف يهبلني

_________________________________________

يا ناس قلبي ما استراح ...... ماذقت نوم البارحه
سهران انا حتى الصباح ..... ما من حبيب أمازحه
ياطير ياراعي الجناح ..... لا شفت خلي صارحه
قله تراني في كفاح ...... وصارت معولي فاضحه
والله ما انسى الجراح ....... دايم عيوني سارحه
هجرة بقلبي كالرماح ....... تدمي بقلبي جارحه
وان كان خلاني وراح .... اقروا علي الفاتحه

____________________________________________

الا ياونتي ونة غريب ...... قليل المال ودياره بعيده
عليل عجز عن داه الطبيب ...... تحير مالقى طب يفيده
نحيف الحال من كثر النحيب ..... يجر الصوت والونة تزيده
على اللي سل حالي مادرى بي ....... تعرض لي وهيضت النشيده
كما بدر الدجى عند المغيب ...... غشاني نور خدينه وجيده
شعره أشقر عكاريش لبيب ..... على عنق كما عنق الفريده
هنوف ما لها خضر رغيب .... كغضن الموز مغروره عنيده

_________________________________________

عديت بالمستقلي= من نايفات العداما
وأخيل برق يسلي =لا حال دونه عساما
يا رجم جعلك مولي= يا ويل سهل الكلاما
يا أخوي واعبرة لي =منها عيوني سقاما
أبكي ولا أحد فطن لي =راعي الهوى ما يلاما
جعل العجايز تولّي =والعود ولد الحراما
قد كدّروا مشرب لي= يا ويلهم من الاثاما
جيت المطوع يصلي= صليت معه القياما
سمعت أنا صوت خلّي= سلمت قبل الإماما
يا ضامر الوسط ياللي =ما ذاق زاد ولا ما
مشيه مع السوق يسلي= يشبه فريخ الحماما
يا ليت شمّر هل لي= دخيلهم ما يضاما
رصاصهم مستصلّي =يكسر صليب العظاما

_________________________________________

البارحة يا ملا الزين جاني

انا البارحه هلت محاجر عيوني






اي والله من نو حقوقٍ




سلمولي على اللي سم حالي فراقه




عيني تفجر تنوح فراق خلي




يا عين هلي على ترف القدم هلي




يا زين حلمٍ حلمته ان الحبيّب زارني




يوم الخميس اللي مضى مريت




ما اقبلك يا زول ضحى العيد شفناه




يا هل الحي ما شفتوا لطيفه




ليتني ما نحرت هاك النهار




تلبس الضيق وتقتل بالرموش




مع الزمل الاول ويا راعي الاوضاح





عمري اللي قضي بين هم ونكادي





إن شاء الله ينال ع أعجابكم


أرجوا التثبيت...أرجوا التثبيت...أرجوا التثبيت...

واللي عندهـ المزيد يحط لنا

 

 

 

 

عديم العديمي
مشكووووووور اخووووووووووووي


على الطرح الجميل والرائع


تقبل مروووووووووووووووري


تقبل تحيتي وتقديري

 

 

 

 

الله مآر يعافيك

شكراً لمرورك الرآئع

 

 

 

 

ياسلام عليك كل شكر وكل عرفان اقليل بحقك وماقول الا بيض الله وجهك يالذيب

واتمنى من الادارة التثبيت

 

 

 

 

ووجهكـ ابيض

الله يعافيك

شاكرلك مرورك

 

 

 

 

الله يعطيك العافية

على طرحك الرائع

 

 

 

 

روووووعه مره

الف شكر لكِ على هذا الطرح

 

 

 

 

يعطيكم العافيه ع مروركم