حفل الشميلات لسلامة صالح النهابه

وقال عبدالله بن دهيمش بن عبار هذه القصيدة بالحفل المقام من قبل
قبيلة الشميلات من ضنا منيع من الولد من الفدعان بمناسبة نجاة صالح
النهابة الشميلاني بدعوة من الرجل الفاضل عقلا بن علي الشميلاني الفدعاني :

قلت الشعـر بمناسبة حفـل الأقـراب *** ومـن حقـنـا نفخـر بـفـعـل القـرابـه
الـلـي مـشـى قـدام ربـعـه ولا هـاب *** ولا هـي غـريـبـه من سلايـل نهابـه
خاض الغمـار وسلمـه رب الأربـاب *** وأنـجـاه خـلاق الـمـلأ مـن صوابـه
مـن لابـة الفـدعان والساس جـذاب *** الـعـرق يـجـذب والفـعـايـل تـشـابـه
يوم الفخر والمجد بسيوف وأحراب *** ارواحـهـم بـالـكـون مـثـل الجـلابـه
ماودي أشرح ماضي المجد بسهاب *** شـرح الـعـلـوم المسمـلـه مـالنـابـه
أبي أختصر ميزاتهـم بيـن الأعـراب *** والهـرج دون أفعـال مـافـيـه ثـابـه
حازوا على خمس الفضايل والألقاب *** فـازوا بـهـا يـوم المراجل اكسابـه
حـربـة ضـنـا عـنـاز زاكيـن الأنساب *** منهـم ديـار أيـوب صارت خـرابـه
وحمـر النواظـر يـوم غالـب وغـلاّب *** قـصيـرهـم مـا يـوم قـشّع اطـنـابـه
والدار باجـوهـا عـلى خيـل وأركـاب *** قطعـانهـم تـرعى خمـايـل أعشابـه
والصوت نادوبه عـلى راس مرقاب *** مـن جـاع يـقـلـط للقـرى مـرحبابـه
ثـم الـعـطيـه مـا تـرجـع ولا أيـجـاب *** أخـذ العـوض بسلـومنـا بـه معـابـه
والخامس اللي للمغـر صـار شـرّاب *** حكم بحـق الضيف وأنهى الطـلابـه
ماضي فخـرهم للمثل صار مضراب *** عـنـد العـرب شيـابـهـا مـع شبـابـه
يشهـد لهـم تاريخهم عبـر الأحقـاب *** بـهـم الـحـمـيـة والـذكـاء والنجابـه
هـذي فعايـل لابـتـي عصم الأشنـاب *** وضـحـتـهــا لـلـي يـريـد الأجــابــه
ولـو أبـي أعـد افعالهم مالها حساب *** أرداهـم الـلـي بـالـلّـزم يـعـتـزابــــه
وشكر الثناء يستاهله كـل من طـاب *** ولا الـزلابــه لــو مـدحـتــه زلابـــه
الـلي يـجـمّـل لابـتـه عـنـد الأجـنـاب *** نـثـني عـليـه ونـفـتخـر في جنـابـه
أثني على اللي بالكرم نال الأعجـاب *** قـرم صعـد صرح الفخـر وأعتـلابـه
عقلا أبو متعب وفاء بكـل الأوجـاب *** سـلـم الكـرم والجـود طبـعـه ودابـه
يتعب على الجزله ويفعل لها أسباب *** ونال الفخـر في كـل مسلك سعـابـه
يا ما سعى عقلا على عتق الأرقـاب *** عـسى ولـي الـكـون يـجـزل ثـوابـه
عـن الـلـوازم مــا تـعـذر ولا غـــاب *** وأن جاه نـاصي زايـره مـا كـبـابـه
يـا مـا نصـاه مـن المحاويـج طـّلاب *** بالذكـر قـالـوا ما خسر مـن هقـابـه
ديـوان بـيـتـه دوم مفـتـوح الابـواب *** وكـل الـمـعـانـي مجلسـه تـلتـقـابـه
علمه وصل مع كل طـارش ونجّـاب *** عـلـم الصـخـى والجـود كـلاً درابـه
الـرزق يـأتـي بالمساعي والأتـعـاب *** ولا خيـر في رزق الحـرا والشلابه