راح وتركني معلقٍ بالحبالي-متعلق مثل الوقد بالمراجيح

البارحه هبت هبوب الشمالي=وسهرت انا ليلي مع هبت الريح
هيلِ يسكر فوحته بالدلالي=وشايٍ مركد خادره زاكي الشيح
لمحة انا طيفٍ غدا ثم جالي=نورٍ ينور يجرح العين تجريح
وسميت بأسم الله عظيم الجلالي=قمت اتسبح يوم شفته وانا اصيح
قال لي علامك قلت مالك ومالي=كلما بقيت اوقف تعركبت واطيح
جاني وقعد قدام عيني قبالي=يومٍ اني شفت جاي يمي وانا ازيح
قام يتنشد قولته كيف حالي=قلت له بخير واكسرالفك ذبيح
قام يتبسم قال مغرور متعالي=واللا من اللي حبهم للتمازيح
في بسمته شاع الحلا والدلالي=تسرح بعينه تمضي اليوم سريح
الزبده اني طحت في بحر حالي=اطرق وخده يملح الشكل تمليح
بدرالبدور الي اتم الهلالي=في بسمةٍ واشراقتٍ بالتساميح
راح وتركني مالي الليوم والي=وانا ذكرت اني له العام صريح
من عقبهم قلبي غدا حيل خالي= كنه براحه فاضي اليوم فسيح
من عقب منهو كاملٍ بالكمالي=عده صقر صايد فريسته جريح
غروٍ نهبني قلب امسٍ غدالي=من غيبته قلبي غداله تفاديح
من عينه تكفون وين الرجالي= اهل الشوارب واللحى والمسابيح
في ليلةٍ مابه قمربالعلالي=ماعاد عيني تشوف نورالمصابيح
راح وتركني معلقٍ بالحبالي=متعلقٍ مثل الوقد بالمراجيح
الله يصبرني على ماجرالي =وياجعل داره بالمزن كلها تسيح

 

 

 

 

راح وتركني مالي الليـوم والـي
وانا ذكرت اني له العـام صريـح
من عقبهم قلبي غدا حيل خالـي
كنه براحه فاضي اليـوم فسيـح
من عقب منهو كامـلٍ بالكمالـي
عده صقر صايد فريستـه جريـح

الشميلاني موسى

إلى من أجاد ترجمة لغة الأحاسيس ...شكراً لك

إلى من روض قلمه لكي يسير على خطى الإبداع..هنيئاً لنا بقلمك

إلى من عزف على أوتار المشاعر...أطربت كل من أصغى لألحان قلمك


صح الله لسانك على هذه القصيده

لك تحيتي وتقديري

 

 

 

 

ايه الاخ---- الكبير لجميع الاعضاء والمشرفين بدرالشمال اشكرك من الاعماق على ردودك الجميله وان شاء الله ان نبقى عند حسن الظن

كل الشكر

 

 

 

 

الشميلاني موسى

شاعر من الطراز الفريد

اجدت بهذه القصيده ان تصور ما يخفيه القلب عن الملأ

لتصل كلمات الى من في قلبه خفقان لتلك اللحظات القاتله

تسلم على بهاء تواجدك

تقبل مروري وردي

 

 

 

 

اخوي مسفر سلمك ربي من كل شر


اشكرك على مرورك (القيم)


لاهنت

 

 

 

 

الله يصبرنـي علـى ماجـرالـي

وياجعل داره بالمزن كلها تسيـح

والله مابي اكثر بالكلام الشباب ماخلو شي لي

بس هالبيت حسيت له نكها غير

فهمتي علي

هههه

يسعدك ربي دنيا واخره

 

 

 

 

هلا وغلا اخوي الغالي رعد الجذيان اشكرك على المرور

وبالنسبه لماذكرته والله مافهمت عليك

وهذه القصيده عمرها على الاقل نص عمري وعلى قولت الشاعر المبدع والصرح الشامخ الاديب عبدالله بن عبار عن شعرالغزل(منشاه من نسج الخيال الكذوبي) ووووووووووووووشكرا